الهاربة

البارت الثاني عشر

أغمضت عيني كي يراكِ فؤادي
‏فسمعت آهاتي عليكِ تُنادي
‏أدركت أني في هواكِ مُتيمٌ
‏وعرفت أنكِ غايتي ومُرادي
‏وشعرت أنوارًا تُشع بخاطري
‏ويدًا تُربت خافقي بودادي
‏أفنيت نفسي في ضياءكِ نشوةً
‏وإليكِ يا أملي تركت قيادي
‏أيقنت أن الأونس في هذا الهوى
‏والسُهد في عينيكِ خير سُهادي

~~~~~~~~~~~~~~~~~~~~~~~~~~~

                             " ذهب "

-بدت حياتي تستقر وماكو اي مشاكل حياة عادي بديت اجهز للجامعة وقررت البس عبايه لان كلش احبها وخاله ماعترضت بلعكس فرحت

-صار يومين ريم يمنه تساعد خاله بلطبخ اني هم بديت اتحسن وگدرت امشي واساعدهم باشياء خفيفه ...ريم صارت هي تنظف غرفه صگر وكلش خايفه خاف يوم وتلگه الدفتر وتقرا ....غافلتهم وصارت فرصه حتى اصعد واضمه زين ....دخلت الغرفه وسديتها
بديت ادور بالمجرات واحد واحد " وين راح چان هنا ...

صگر : شنو الچان هنا ؟!

ذهب : ادور وسمعت صوت صگر ... " نسيت هو هنا ثول ....درت وجهي عليه ...واشوفه توه طالع من الحمام وبس بالشورت ...عطت وغمض عيوني بسرعه ....ماتستحي هيج طالع

صگر : هااا اني لو انتِ ...وشكو جايه هنا ...

ذهب :بتوتر ......هااا عبالي طالع واجيت انضف

صگر: صرت اتقدم عليها ...كلتي تنضفين ..بس الادري بي ريم هي تنضف الغرفه

ذهب : ايي مو هي ماتكدر واجيت اني بدالها ....تقرب عليه اكثر وحصرني بين ايديه ....توترت كلش " وبعدين وخر اريد اطلع

صگر : واذا ماوخرت...شتسوين

ذهب : اعيط ولله واصيح خاله

صگر : وين تسمعج

ذهب : هااا ....صحت بصوت عالي ....خالههههههه ....بسرعه خله ايده على حلكي

صگر : اسس ولج فضحتينه ...

ذهب : امممم ...شلت ايده.... اي حتى بعد ماتعيدها ...وخر يله

صگر : وخرت عنها ...يله عيني ست تفضلي

ذهب : ست بعينك .....حجيتها وركضت للباب فتحته ونزلت

صگر : هز ايده وضحك ...ولله خبله