ياقوتة امير الچان

الفصل الخامس🤍

بسمـ الله الرحمن الرحيمـ💛
اللهمـ صلي على سيدنا النبي💛

_______________________
في المستشفيى وفي غرفة دهب.
كانت ياقوت تجمع الاشياء الخاصه بدهب  ،  احست بصوت انفاس على رقبتها  ،  ف دق قلبها بخوف ولاكن تمالكت نفسها واقنعت نفسها انها مجرد تخيلات  ،  عادت تلك الأنفاس تلفح رقبتها مع صوت همس خفيض اخترق اذنها بوضوح.
التفت حاولها وخرج صوتها بنبره مرتعشه:- م.. مم... مين....مين هنا
اختفي الصوت لثواني وعاد مره اخري وهي تسمع لأحد يهمس بأسمها... التفت حولها برعب وهي تهمس بخوف:- مين هنا.... اكيد كل دي تخاريف اكيد
رأت ظل يتحرك امامها علي الحائط وسمعت الصوت مره اخري:- للاسف دي مش تخاريف يا ياقوت
هزت رأسها بعنف وجرت تجاه الباب تحاول فتحه ولاكن بدون فائده  ،  صرخت بصوت عالي ولاكن لم يخرج صوتها
شعرت بانفاس قويه على بشرتها
التفت خلفها برعب وهي تراه بتلك الهيئه المخيفه امامها وعينيه السوداء.. اختفي ذلك اللون الابيض من عينه وتلك الابتسامه المرعبه التي تزين وجه
لم تري اي شيئ سوي تلك العينين السوداء وتلك الإبتسامه المرعبه.
شهقت برعب وحاولت ان تصرخ
ابتسم بسخريه وهو يرى محاولاتها في الصراخ:- متحاوليش مهما حاولتي محدش هيسمعك ولا هينقذك من ايدي
نظرت له برعب وهتفت بنبره مرتعشه:- انت عاوز مني اي... انا معملتش حاجه
ضحك بسخريه وهتف بنبره بارده:- معملتيش حاجه!... هههه... دي طباعكم يا انس تقتلوا القتيل وتمشوا في جنازته
تلك النظره المرتعبه لم تترك عينيها وهي تحاول الحركه ولكن جسدها متيبس وكأن الشلل أصابه
نظر لكل محاولاتها الفاشله في الهروب:- قولتلك ماتحاوليش محدش هينقذك مني
حاولت السيطره علي رعبها وهتفت بنبره اشبه للقوه:- انت مين... وصدقني... انت... انت هتندم
سمعت صوت ضحكاته بلا روح وهتف بجمود وملامح مرعبه:- انا مين... فا انا جحيمك الأبدي وعذابك
ولو في حد هيندم هيبقي انتِ هتتمني انك مكنتشي اتولدتي
علشان الي هتشوفيه على ايدي
صرخت بقوه وهي تدفعه بعيداً عنها:- انا كنت بحمي اختي منكم... انتو عاوزين مننا اي
همس بفحيح وهو يهمس جوار أذنها:- انا هوريكي انا عاوز منك اي
انتو كده يا بني أدم الخوف والكذب وأذية الناس جزء من روحكم
وتقولوا اننا الي بنأذيكم.... مافيش ا**س*** منكم يا بني ادم
وفي لحظه كان يختفي من امامها ويتركها لتنهار ارضاً وهي تبكي برعب على كل ما مرت بيه وهي تعلم ان القادم اسوء ما كانت تتوقع
تحركت للحمام الخاص بالغرفه وغسلت وجهها وعدلت من ثيابها واخذت الحقائب وتحركت للخارج
وجدت اخاها في انتظارها.... اقترب منها بلهفه:- كنتي فين يا ياقوت قلقتيني عليكي
تحكمت في نبرة صوتها المتوتره:- معلشي يا ياسين كنت روحت للدكتور اساله عن دهب ونتعامل معاها الفتره الجايه ازاي
هز راسه ببسمه واشار للسياره:-، اركبي يلا علشان نتحرك
هزت رأسها بهدوء وجلست في الخلف وتحدثت ببسمه وهي تتحدث لدهب:- دهب ياحبيبتي انا مبسوطه انك هترجعي معانا تاني... صدقيني هنعوضك عن كل حاجه
ابتسمت ببرود دون ان تلتف إليها:- مافيش حاجه هتعوض الي حصل.. وياريت محدش يتكلم معايا في اي حاجه حصلت
انا كرهت قاعده المستشفيات وعاوزه ارجع اعيش وسطكم من تاني واي حاجه هتفكرني بالي حصل بلاش منها
ابتسموا بسعاده وهتفوا سوياً:- واحنا معاكي لحد اما ترجعي زي الاول
ابتسموا بسعاده وتحركوا للمنزل
بعد دقائق وصلوا للمنزل
هبطت ياقوت واسرعت تفتح باب السياره لتسند اختها وحمل ياسين الحقائب وتحركوا للمنزل
وجد ياسين سياره تقف امامها وينزل منها شخص يرتدي  بذله ويحمل بوكيه ورد وينظر للاعلي
رفع ياسين نظره للأعلي وجد عائلة تولين تقف في الشرفه وتلك الزرغايط تملئ الارجاء
اقتربت ياقوت من ياسين تسأله باستغراب:- ياسين هوا على حد علمي ان الناس دي طالعه لتولين حبيبة القلب.... البنت بضيع منك ياخايب
سالها بلهفه وتوتر وهو لا يستطيع التركيز:- طيب اعمل اي ياقوت اعمل اي
ابتسمت ياقوت بخبث:- طلع اختك وسيبلي الموضوع ده
اقترب دهب بهدوء من ياسين وهي تسأله باستغراب:- هوا في اي يا ياسين
_ تولين متقدملها عريس
_وانت واقف عادي كده وحبيبتك بتروح منك
التفت لها بدهشه:- هوا انتي كمان عارفه اني بحب تولين!!!
اجابته بسخريه وهي تتحرك للاعلي:- مصر كلها عرفت انك بتحب تولين الا تولين ذات نفسها
ضحك ياسين بحرج وحمل الحقائب وتحرك خلف دهب
*******************************
في الأعلى  ،  في منزل تولين
كانت ياقوت تتحرك ذهاباً واياباً بطريقه اثارت غضب تولين
نظرت لها تولين بنافذ صبر فهي متوتر بالقدر الكافي:- ما تقعدي بقا يابنتي انا متوتره خلقه مش ناقصاكي
ضحكت بسخريه:- لي تكونيش بتحبي ولا اي.... اقعدي ساكته يابنت انتِ خليني افكر في طريقه
تنهدت تولين بحزن  ، فا والدتها هي التي اصرت على تلك العلاقه  ، فهي دائماً ماتجبرها دائما على الموافقه على اي عريس.
ودائماً ماتسمع تلك الجمله " بنات خالاتك كلهم اتجوزوا وخلفوا وانتي لسه قاعده مع الجرامافون مستنيه عبد الحليم حافظ يتقدملك... ولا عاوزه تعنسي وتقعدي جمبي"
فقط عمري اربعه وعشرون عاماً فقط انتظر ذلك الذي اسر قلبي منذ قدومي للوهلة الأولى هنا  ، حقاً انتظر عبد الحليم الخاص بي.
هتفت ياقوت بسرعه قاطعه شرودها:- تولين ناديلي والدك بسرعه
نظرت لها باستغراب:- عاوزه بابا في اي
نظرت لها بنافذ صبر:- يابت بسرعه بدل ما أقسم بالله اجوزك الجدع الي قاعد بره ده
تحركت بلهفه للخارج لتنادي والدها
بعد قليل اتى والد تولين
تحدثت ياقوت بهدوء:- عمي انت موافق على العريس الي متقدم لتولين
هز رأسه بحزن فهو يرفض تلك العلاقه ولاكن تلك المرأه ال بلا قلب التي تجبر صغيرته الزواج من اي شخص ذو سلطه ومال على حساب سعادة ابنتها
_ لاء يابنتى انا لاموافق عليه ولا على غيره.... انا مش عاوز غير سعادة تولين والشخص الي هي تكون مرتحاله وعاوزه هو الي هتتجوزه
بس منها لله امها عاوزه ترمي بنتها لاي حد معاه فلوس وخلاص
هتفت تولين بقهر ودموعها التي عرفت مجراها على وجنتيها:-يا بابا كفايه بقى.... هي لي مصممه تعاملني على اني بضاعه مستنيه الي هيدفع اكتر وخلاص  ، لا عامله حساب ليا ولا لحضرتك
هوا انا مش بنتها؟؟ البني أدم الي بره ده مش قاعده معاه اصلاً ولا خارجه من الأوضه
اخفض والد تولين رأسه بحزن:- حسبي الله ونعم الوكيل.... حسبي الله ونعم الوكيل
جاءت والدة تولين وهي تبتسم بسعاده:- يلا ياتولين اجهزي يلا وتعالي
همت تولين بالرد فهتفت ياقوت بسرعه:- حاضر يا طنط اتفضلي انتِ وعمي  لحد ما تولين تجهز
خرجوا من الغرفه فأسرعت ياقوت لتولين:- انتيِ تقعدي في الاوضه دي واول ما اخرج تقفلي الباب عليكي ومتفتحوش
هتفت تولين بقلق:- ناويه على اي
_ ولا حاجه هرفض العريس.... اسمعي انتِ بس الكلام لان اكيد امك هتحاول تدخل الاوضه وتضربك زي كل مره
بكت تولين بحزن:- هي بتعمل معايا كده لي... هي مبتحبنيش!!
احتضنتها ياقوت بحزن:- متقوليش كده ياحبيبتي اي ام بتحب بنتها بس امك بقا مش عارفه مالها
المهم اقفلي الباب عليكي اول اما اخرج
هزت تولين رأسها بإيجاب... فتحركت ياقوت للخارج... واغلقت تولين الباب خلفها.
اسرعت ياقوت الي المطبخ وحملت صينية المشروبات وتحركت للخارج
رأتها والدة العريس وابتسمت ظننا منها انها العروس المطلوبه:- بسم الله ماشاء الله... العروسه زي القمر
ابتسمت والدة تولين بسعاده:- طبعاً تولين بنتي زي القمر
التفت لتجد انها ياقوت
هتفت بحده:- ياقوت؟!!  .... تولين فين!!
وضعت ياقوت صينية المشروبات واستدرات للعريس:- حضرتك تقبل انك تتجوز واحده مفروضه عليك
نظر لها وهتف بهدوء:- لاء طبعاً... مستحيل اقبل
بس الي اعرفه ان العروسه موافقه
_ او ده الي كانت والدتها عاوزه انها تجبرها تتجوز واحد غني ومعاه فلوس
يعني لا العروسه موافقه ولا والد العروسه
وقف من مكانه هو وعائلته وتقدم لوالد تولين:- انا أسف ياعمي انا معرفشي ان حضرتك رافض
لان والدة العروسه قالت ان حضرتكم موافقين....
عن إذنكم
تحركوا للخارج وتبعتهم ياقوت التي سمعت صراخ والده تولين:- تووولييييبن!!
تحركت للمنزل وجدت ياسين ينظر لها بلهفه هتفت ببرود وهي تتجه لغرفتها:- العريس اترفض متقلقشي
***************************
كانت تتحرك وهي تنظر لأرجاء الغرفه ودمعه هبطت من عينيها وهي تتذكر كل اللحظات التي جمعتهم سويا
تلك اللحظات التي شهدت على حبهم
اقتربت من تلك الصدفه.....
وقربتها من فهما ونفخت فيها بخفوت لتصدر تلك النغمه المحببه لقلبها.....
التفت حول نفسها وتحركت للنافذه منتظره قدومه ولكن تلك المره لم يأتي  ،  عادت لسريرها وضمت ركبتيها لصدرها وعادت لنوبة بُكائها مره اخري
" يااااه.... أدي إي اخويا محظوظ ان في واحده زي القمر زيك بتحبه الحب ده كله "
إلتفت حولها بلهفه وجدته يقف امامه  ، اقتربت منه بسرعه:- برقان كويس؟!!!  طمني عليه..... هو بخير صح....
ساكت لي مبترودش.... هوا حصله حاجه
_مش قولتلك هتفضل ترغي كتير وهتصدعك.....
صدرت تلك الجمله من شهانه وهي تضحك بخفوت
نظرت لهم بضيق:- حد يطمني عليه متقلقونيش عليه
ابتسم بهدوء ليطمئنها:-متقلقيش يا دهب هو بخير
_ طب انا عاوزه اشوفه.... ممكن اشوفه امتى
امسكتها شهانه من ذراعها وجعلتها تجلس هاتفه بحنق:- يابنتي بطلي اسئله بقا خلي الراجل يتكلم
نظرت لها بضيق:- ما انتي متعرفيش النار الي قايده جوايا ومحدش حاسس
هتف بهدوء:- انا مش عاوزاكي تقلقي خالص عليه هو بخير بس هو يعني اشبه بغيبوبه رافض انه يرجع لعالم انتي مش موجوده فيه
_ طب ما تخليني اشوفه
_ حالياً لاء... صعب اوي أديني فرصه اجهزلك كل حاجه علشان تقدري تيجي تشوفيه وتكوني في امان
وفي لحظه كان اختفي من امامها
نظرت لشهانه:-هوا اخوكي ماله ڤامبير ولا اي
ضحكت بخفوت:- دا كده بيعاملك معامله خاصه هوا احنا بنعرف نكلمه اصلاً....
المهم انا هفضل معاكي متقلقيش
حتى لو جه وقت مكنتش معاكي هتلاقي الي هيكون معاكي ويطمنك كمان
هزت رأسها براحه
****************************
في ذلك المكان المظلم المثير للرعب  ،  وتلك الرائحه التي تفوح منها  ،  تشعر بالضيق وقبضه تسيطر عليك كأن احد يمسك قلبك يعصره بقوه
يجلس على عرشه بمنظره المرعب والدموي... عدو النفس البشريه ذلك الشيطان الذي يتفنن بكل الطرق وهو كل من نسله ليؤذوا النفس
كان يجتمع مع اقرانه من حفنة الشياطين يفكرون في خطه للهجوم علي مملكه الملك ساجور اقوي ملوك الجان
هتفت بنبره مرعبه مليئه بكل شر العالم والحقد:- لحد الان مش عارفين نسيطر او نكسب حرب واحده ضد ساجور
رد عليه احد ابنائه:- سِلفادور اقوي من اقوي اي جان علي الأرض يقدر بضربه يقضي على الألاف منا بكل سهوله
وبينافسه كمان اخوه برقان قوته مهوله
ساجور بيملك اتنين من اقوي الجان
دا غير ساجور نفسه
صرخ بنبره مخيفه:- يعني اي مش هنقدر عليهم..... انا.... انا الشيطان اقوي حاجه علي الارض.... قالها بنبره متعاليه متفاخره
هتف احد ابنائه بشر:- الشيخ الي احنا مسيطرين عليه قدر يسيطر، على برقان.... بس اخوه عرف يفك السيطره... يعني يقدر يسيطر على سلفادور نفسه
"محدش يقدر يساعدكوا غيري انا وبس"
_ مين انتي
" انا الأميره ريقهانه "

_______________

منتظره رأيكم على البارت💛
دمتم في حفظ الله💛