سماره: ورا ما هدأ ابراهيم ... على كلامي...
ابراهيم: والله اخاف منه لا يسوي بيج شي ويجبرهم ياخذج
سماره: من ذكر هالكلام ... قلبي انعصر اتذكرت الخوف والرعب الي عشته بالغرفه واني وياه ... بقلبي هذا اذا اخذني اموت روحي ولا ابقى ويا عشر دقايق بغرفه وحدنا ...
ابراهيم لتخاف متوصل هالمواصيل اني هم بت عمه ....وبقلبي ( ادري ماعنده مانع يسويها.. من اتذكر اتحارش بيه بالمطبخ كلشي اتوقع منه)... بس ما اكدر احجي وانطي لزمه على نفسي بأي حجايه تثيره ... هذا مخبل وهمجي كلشي عنده بالقوه .... يروح صدگ يأذيني اذا احجي شي ويوصله ابراهيم بساعة عصبيه من يتعارك وياه ...والمشكله لازم ابقى مسالمه ويا ابراهيم وما اصده لان هو المنفذ الوحيد الي ... حتى عمي ميفكر ينطيني لجاسم طول ما ابراهيم رايدني ...
ابراهيم : وين صافنه ...
سماره: ما ادري سرحت ...
ابراهيم : دخلي يمد ايده عليج مره لخ ... صدگ اكسرها اله
شلون جرحج...
سماره: خفت منه وكسرت المرايه مال الكنتور بأيدي اتجرحت
ابراهيم: سماره... لتخجلين مني تهجم عليچ .... ريحي قلبي
وجاوبي
سماره: والله غير ضربني ماسوى شي ...راح اروح اساعد امي تحتاج شي
ابراهيم : لا سلامتج ....
سماره: بداخلي اني احبه مثل اخ هو خوش ولد سبع وفقير مو صاحب مشاكل ولسانه حلو ومؤدب يحترم ويقدر ولو مو اخو وامه اوافق عليه على الاقل يحبني ويخاف عليه بس المشكله بأخو وبأمه ما اريد اعيش مثل ما عاشت امي بس مشاكل ومعاناة ..
لتالي الليل... امي فرشتله بالهول ... سمعنا الباب اندگت اندار عليه
ابراهيم : فوتي للغرفه ....
سماره: رحت للغرفه قفلت الباب ....سمعت صوت عمي يعيط
على امي ... طلعت سمعته يگلها ولدي راح يتكاتلون من ورا بنتج
وامي تگله بنتي شنو ذنبها ...تدري بسواية ابنك جاسم ... گلك اخذتها وقفلت الباب علينا وحدنا گلك كتلتها وكتلت محمد ...صاحتني تعالي سماره ومحمد
سماره : نعم ...
ايمان خلي يشوف ايدج ...
سماره : قدمت ايدي شاف الجرح ...
محمد: يابه والله اذا يمد ايده عليه وعلى اختي اكتله
عيسى: ويلي عليك عيسى جانوا اثنين صاروا ٣ من ولدك متعادين
ابراهيم : يابه شنو انت ما الك كلمه عليه ... اني اوگف بوجهه اطيح حظه
عيسى: هو انه خل اكدر عليكم الصغار تالي اكدر على چبيركم
هاي تالي عمري ولدي يتعاركون ومن ورا منو .... من ورا ست سماره
ابراهيم: يابه انت كدرك على سماره ... وما سألتها ولا خفت مسوي بيها شي ابنك العار ...
عيسى: اخوك مخبل اي بس مو يتعدى على عرضه ... كافي تنطي بي علمود مره ...
محمد: يابه اذا انت عادي ابنك يكتل اختي اني مو عادي عندي والله ... لااردها اله ...
عيسى: ابراهيم روح للبيت ... وأياك اسمع صاير بينك وبين اخوك مشكله افرغ المسدس براسكم واخلص
ابراهيم : ما الي علاقه بي ... بس من هسه اگلك سماره متصير لغيري ... وراح اصبر على ابنك بلكت يرجع لعقله ....
عيسى: يصير خير روح هسه
سماره: من طلع ابراهيم ... عمي گلها لامي بعد مدرسه ماكو ... وهالايام ادز خبر ... انطيها لبيت حجي عدنان ... الي امهم اجتي رايدتها لابنهم ناطق ....
سماره: صح مرايدته بس گلت بلكت من يخطبني ... يقبل يخليني اداوم ويخلصني من جاسم
بس بقيت بداخلي مقهوره على ابراهيم .... هسه يتأذى من يسمع غدرت بي ... من راح اوافق على ناطق....
ايمان: شنو انت بس تريد تخلص منها علمود ولدك ومرتك يرتاحون ... شمدريني الولد خوش ادمي ميأذيها
عيسى: بعصبيه ايمان انت وبنتج مترتاحن الا ولدي يتكاتلون
وهاي ابنج الثالث حاقد على اخو الچبير
ايمان: ابنك الچبير امه ماعرفت اتربي ... اذا اني بمقام امه يهددني ...ويگلي لتخليني امد ايدي عليج لان اجر محمد من جواه ... لتذب عيوب ابنك ... وداري عليه وبسببه تريد تنطي بنتي لواحد ما اعرف راح يصونها لو يمرمرها ... خاف الله بيها يا رجال مو هاي بت اخوك ...ويتيمه ... ترى والله حوبتها تطلع عليكم واحد واحد
عيسى: تخبلتي انوب تدعين عليه وعلى ولدي گدامي ... لتخليني
اذب عليج اليمين ... سدي حلگج
سماره: اني موافقه عمي الي تشوفه اني اسوي ... بس تخلوني اكمل مدرسه
عيسى: بنتج اعقل منج ... عمي الولد خوش ولد مالج شغل بأمج انه احاچي
ايمان: لا بكيفك ولا بكيفها
عيسى: لا بكيفي وغصب عنج ... انتِ خايفه على بنتج انه اخاف على ٣ ولد
سماره: لليل بقينا اني وامي قنعتها هذا الحل الوحيد حتى اخلص منهم من اصير على ذمة رجال هو يوگف بوجههم واشرط عليه يخليني اكمل الولد شريف ... بنفس اليوم الي شافني ... دز امه ... معناه صاحب كلمه .... گلتلي بكيفج .. اذا مقتنعه اني
اكيف تخلصين من عمج وولده ...ثاني يوم دز عمي على ناطق وحاجي وياه ... بس مگايله ولدي رايديها گايله جانوا رايدها گرايبنا ورديتكم بس البنيه ما رادته ...وقابله بيك
بنفس اليوم دز الولد امه علينا .... شافتني وتعرفت على امي وتفقوا على المقدم والامؤخر حسب امكانية الولد ... حتى بكعدت الزلم كلشي متفقين
هنا الموضوع كله سكته ... عمي ما حدد موعد الزلم الا بوكت نزلت ابراهيم لان عسكري ... وگايل لامي ... على جاسم اتفقت ويا امه ( بدريه) ادزه
لبيت خالته بحجة محتاجة فلوس وندزهن بأيده ....
طبعا اني بهالايام باقيه بالخوف والهبطه لا جاسم يعرف ويذبحني ..ولو بيدي اخلي ناطق يعقدلي بنفس اليوم .... حتى بعد احتمي بي ...
عمامي يدرون بالسالفه كلها من عمي... وكلهم طبگوا وياه يگولون حقه يخاف على ولده .... المهم خطبوني وكلشي مشى تمام ...
عمي لليل گلي كدام الولد( جاسم / وابراهيم ) اتفقت ويا عمامج انتِ عقدتي حتى ... بعد يفتهمون الموضوع منتهي وانت اتزوجتي ....
امي گلتله.... وگلهم لولدك انتَ غصبتها تزوجه حتى يفكون من بنتي ... وميأذوها ....
سماره: افتهمت اهل ناطق ناس معروفين ومن عشيره قويه بهالمحافظه ... وهو واخوته كلش سباع ...عدهم محلات بالسوگ
مال عطاره ...
ثاني يوم من طلع عمي ... من بيتنا الصبح ...امي دزت محمد يصيح ناطق تريد تحجي وياه ...
يتبع.....
أنت تقرأ
قصة سماره ﴿ اليتيمه وصراع الاخوه ﴾
Mystery / Thrillerقصة سماره ﴿ اليتيمه وصراع الاخوه ﴾ حقيقيه 🚫- شاركو القصه مع اصدقائكم
