قصة سماره ﴿ اليتيمه وصراع الاخوه ﴾

بارت 7

طبعا عمري اقل من ١٨ سنه بس ابن عمه المحامي كدر يقدم للقاضي طلب ... بموافقة ولي الامر .. حصلنا موافقه ... نعقد محكمه لان امي گلتلهم .. غير المحكمه ما اقبل تعقد ... تنتظرها الى ان تدخل ال١٨
بالاول عقد محكمه وبعدين عقد سيد او شيخ ... هذا شرطها
گعدت ابدل ملابسي بس ما بداخلي اي فرحه ولا كأنه رايحه ... اعقد... عبالك عندي امتحان وشايله همه وبس اريد اخلصه
لبست بوقتنا موديل النفنوف البرنسيسه نيلي وبي نقاط صفر صغيره ... وبقيت شعري مفتوح ... شعري اسود للخصر بس كلش ثخين جنت من الفه كبابه وافتحه يصير كلش حلو ياخذ لفه
واني گبال لمرايه اتذكرت
اخر مره شفته بفرع المدرسه قبل ما تبدي العطله ...وگلي جاوبي التلفون لو نروح لمكان نحجي عندي موضوع وياج ...عفته ومشيت وبقيت اسد التلفون بوجهه ... يمكن جان رايد يبلغني بموضوع الخطوبه ...
كملت ونزلت امي مجانت موجوده بس خالتي ويايه ... گلتلي خاله خلي حمره شويه كحل غير انتِ عروس ...
جاوبتها ماعندي ... گلتلي يله لعد امشي الولد ينتظر بره ... عود بعدين اخذج اشتريلج مكياج وكم شغله من يصير عندي مجال
طلعت لگيته ينتظر بالباب لابس بنطرون اسود وقميص رصاصي ... من شافني ابتسم ... اني مكدرت اجامله وابتسم بوجهه ... بقيت خجلانه ... منذر : صباح الخير خاله
وفاء: صباح النور اتأخرنا عليكم
منذر : لا ... خاله ......(صباح الخير )
سماره: صباح الخير ... صعدنا بالسياره خالتي بصفه تسولف ويا واني وجهي على الشباك.... الى ان دخلنا للمحكمه منذر ماعنده حجايه ويايه .... لگيت امه وابو وابن عمه ينتظرونا ... سلمت ... عليهم ..عمي (خليل)الرجال كلش حباب وشكله محبوب وبشوش.... عكس عمتي (رفاه)الي وجهه رسمي بس هي كلش جميله شعرها كاري ويا ملامح وجهه منطيها شكل راقي من اشوفها اتذكر صفيه العمري بليالي الحلميه بالاخص ملابسها كلها ستر وتنوره قصيره ...
من اجى سرمد ( المحامي ) گال يله هسه دوركم تدخلون يم القاضي ... اني هنا ... ردت اطلع حجه .. حتى تخرب السالفه
گتله دقيقه اريد احجي وياك ...
منذر: اخذني على صفحه گلي شنو
سماره: منذر انت تعرف بموضوع ولد عمي
منذر: ادري واعرف جنتي مخطوبه ... وابن عمج ضرب خطيبج... عرفت كلشي من سرمد ... بس عندي مشكله
سماره: شنو .... شفته ابتسم
منذر : عيونج راح تجيبلي المشاكل
سماره: خلاني ابتسم .... طبعا شكله كلش حلو بي شبه من امه اكثر (الي بعدين عرفت تصير بت عم أبو وامها سوريه وماخذها عن حب )
منذر : يله خلي ندخل .....
سماره: دخلنا عقدنا .... من طلعنا.. من يم القاضي ... گلي عود هم سدي التلفون بوجهي ما اوصيج
هنا خفت منه لان ماشفت وجهه حتى اعرف من تعابيره ديحجي جد لو شقى ... باركولنا ..
منذر : يله انتوا توكلوا ووصلوا خاله وفاء واني وسماره نطلع سوا ... والعصر ارجعها ...
سماره: اني اسمع واحس دكات قلبي تسارع ... ما ادري ليش عندي خوف منه ... ومستصعبه روحتي وياه وحدنا ....
بقيت ساكته ... انتظر بلكت خالتي تحجي ماكو ... طلعنا سوا
خلى ايده على چتفي ردت اموت ... وداني للسياره فتحلي الباب صعدت ..التف وصعد
منذر: اي يا سماره ...غيري تكاتلوا واني اخذتج على الحاضر
سماره: بقيت ما اعرف اجاوبه ولا مفتهمه شنو يقصد او شنو يريد يسمع مني رد
منذر: لتخجلين مني ... احجي ...
سماره: عن شنو .... ما جاوب ... گلي احنه معزومين عد رؤى.....
اخذني لمجمع سكني ( شقق صدام) من طبگ السياره ...
گلي تعالي اشوفج شقتنا
جاوبته بخوف ما اريد اشوفها ... غير مره خلي نروح لبيت رؤى ... من شفته ابتسم ونظراته فضحته ... خفت ازيد
منذر : ترى انت ِ مو صديقتي وجايبج للشقه حتى تخافين مني انتِ زوجتي ...
سماره: انطيني مجال اتعود عليك ... بعدني مماخذه عليك
منذر:ابتسمت والله بيت رؤى هنا الشقه الكدام شقتنا ...يله انزلي
سماره: نزلت.. .....وصعدنا دكينا جرس شقه ... طلع رجل رؤى ...
شفت منذر أتشاقى وياه ... فهمت يشتغلون بمكان واحد من گله
اني رايح اعقد وماخذ اجازه انت شكو مجاز اليوم ...
اجتي رؤى سلمت بس حسيتها متصرف ويايه طبيعي ... خلال الكعده ... لان من رحت وياها للمطبخ ... حسيتها تريد تغثني بالحجي الي تحجي من هالكلام
رؤى : اني منذر من گال راح اخطب گلت هذا كذاب ... لان
بعد فرح ... قفل عن الزواج ...
سماره: ماسألتها من فرح ... ولا عرفت اردها گتلها انطيني اساعدج بشي جاوبتني
رؤى: يا سماره اخاف انت من الي يغارن ... فرح صح حبيبته وبقى كم سنه راد اهلي يخطبوها ومقبلوا لان من غير دين واهلها معارضين وهم اكثر من مره تصير مشكله ومنها ... البنيه اتزوجت ...انقهر ومنها قفل عن الزواج بس انتِ ... عرفتي تقشمريسماره: كل الحجي الي نطقته ما همني ... بس من گلتلي قشمرتي ..غثتني جاوبتها ... قشمرتي هاي اذا عندي سابق معرفه بأخوج ... لكن احنه عقدنا وما بيناتنا كلام ...
رؤى: لعد رقم بيتكم منين جابه ....
سماره: ما ادري اسألي لاخوج ... هنا بداخلي دا افور ...
لان ضجت منه لان يحجي هيج مواضيع لاهله مخليهم يفتهمون امور ما موجوده ... وميصدكون اخذني بدون ميكون بيناتنا شي
سألتها اذا متحتاجين مني شي ... اروح اكعد ....
روئ: خو ما زعلتي مني شكو بيها عندج علاقه بي وصار النصيب ... معناها ... هو متمسك بيج
سماره: مردت ارد عليها لان افتهمت تريد تغثني ...رحت كعدت على كرسي ... بس حاقده على منذر لان خلاني بهيج ... موقف
مشكلتي من اضوج او انقهر يبين على وجهي ... هو جان ملتهي يسولف ويا علي
من صبت رؤى الاكل ... كعدنا شفتها عدها وجهين كدام ... منذر
بقت حبيبتي لو تدرين شكد فرحانه وتخليلي بالاكل ...وتضحك ...اني هم بداخلي كلت يمكن البنيه مجانت تقصد تغثني بالمطبخ واني تحسست
بس من راد منذر جاي حتى وراها نروح نشوف شقتنا ... دا اشيل وياها السفره گلتلي ... مستعجل يريد يشوفج الشقه حقه صار كم سنه من اخذها علمود يزوجون بيها هو وفرح ... وحتى راد يسجلها بأسمها حتى اهلها يوافقون وما قبلوا من يومها مسدوده ميقبل حتى نأجرها اله
بقلبي گتلها لا انتِ ام وجهين ...كلامها اثر عليه .. وما جنت اعرف احكم عقلي صح ... بعدني صغيره ... من رحنا للشقه رادت تجي ويانا ... علي رجلها مقبل گلها البنيه مشايفه شقتها انت وين رايحه ....مو شايفتها اكثر من اصحابها
منذر : يله سموره ...
سماره: من ديفتح الباب گلي شبيج شو ضايجه
دخلنا سد الباب ... انفجرت گتله انت كلشي تحجي لاهلك حتى
يعرفون جنت تتصل على بيتنا ومتوقعين عندي علاقه بيك ...
منذر: كلهم يعرفون ماعندي علاقة بيج ... بس يدرون اتصل ومتجاوبيني لان من گتلهم عليج استغربوا ... دا افكر اخطبج واني جنت قافل عن الزواج
سماره: اعرف من ورا قصة فرح
منذر : اتفاجئت ... رؤى گلتلج على موضوع فرح
سماره: ما اعرف ليش حجيت ولا ليش نزلت دموعي ... گتله لتسويلي مشكله وياهم من البدايه لاتعاتبها ولا كأنه انت تدري ...اني گتلك حتى تنتبه متحجي كدامهم شي يخصنا
منذر: موضوع التلفون يدرون بي لان گلولي شكد جبنالك بنات كلهن طلعت بيهن عيوب ... شمعنى هالبنيه ..ذكرتلهم شلون متقبلين تحجين ويايه وتصديني ...
سماره: وهم مفتهمين اني قشمرتك بهالاسلوب وخليتك تخطبني
منذر: اني اعرف شلون احجي وياهم .... وموضوع فرح صارله سنين والبنيه اتزوجت ومن يومها ما اعرف اخبارها ...
سماره: لزم ايدي جرني عليه ...
منذر : هسه ارزلها
سماره : لا عفيه ... عيب تحجي ويصير موقف بيناتنا .... گلي ميخالف حضني ... صار عندي احساس اول مره ... احسه
مشاعر مخربطه بين ارتاحيت صار عندي رجال يحميني وبين ...
مشاعر عاطفيه اول مره احس بيها وياه وكدر يأثر عليه ...

بحركاته وبكلامه
من رجعنا لبيت اخته اول ما دخلنا وگعدنا ...
منذر : روئ اول يوم عقدنا كتيتي الاول والتالي حتى على موضوع فرح ... عبالي اني احجيلها هالامور ... من تتعود عليه
سموره حبيبتي اليوم ورا ما ارجعج اخابرج مو تسدين الخط بوجهي
سماره: عرفته تقصد يحجي حتى يخليني ارتاح
علي: ها هسه اكو بنات شريفات ...
منذر: ابتسمت...مرمرتني .... بس تستاهل
رؤى: اني من حجيت ردت اعلمها شلون تكسبك ... ما ادري بيها افتهمت غير شي
منذر: حبيبتي انتِ حيري بعلاوي اني افهمها شلون تتعامل ويايه ...
علي: ههههه لا مبين مجرور بوشك ... تخاف لا اختك تجفص جفصه ...
منذر: يله احنه نترخص انت ومرتك متكعدون راحه
علي: دبقى بعد ربع ساعة رايدك بشغله والله
وانتِ ( رؤى) اطلعي من هيج مواضيع...
سماره: حسيت رؤى تغيرت خافت من علي لان خزرها وگامت
تحجي ويايه طبيعي .. وبمواضيع عامه ... كدامهم
الي بقى شاغل تفكيري ... حجاية علي اكو شريفات معناها... منذر شكاك ... هذا لازم احسب للتصرف الف حساب حتى ميفكر بي بغير طريقه
من هاي نصب عليه من جابني ماكلي بيت اختي گلي جيت اشوفج الشقه يريد يشوف شنو رد فعلي ومن شافني مقبلت ابتسم ونظراته مو مثل ما فهمتها وخفت منها معناها فرحان بيه
ورد فعلي عجبه

يتبع....