منذر: سديت الخط لان حسيت بغلطتي وراح تكبر المشكله بيناتنا ... بقيت صافن... شلون طلعت مني هالحجايه ... بقيت اتذكر كلامها من هلكد ما اني نظيفه انت تفسر على مزاجك صدك هي نظيفه والعيب بيه مو بيها ...
استغفر الله .... بس لا حجت لاهلها
شلت التلفون ... ادگ عليها متشيله....
اخذت مفتاح السياره ورحتلها ... بعد تقريبا ٤ ساعات لازم احنه بالقاعه ...
وصلت لبيتهم دگيت الجرس ...
سماره: مكدرت انزل بقيت ابچي لحد ما صعدت امي شافتني ...
تخبلت ... گلتلي هاي ضربوكم عين ...دكت على بيتهم گتلها بعصبيه شدسوين ... سدي ...فوك ماهو غلطان نتوسل بي ... انزلي گليلهم ماكو حفله وفضت ...
نزلت امي ... وبقيت اني فوگ احس قلبي راح يوگف لان حبيته
وتعلقت بي ... وسالفتنا انتهت ببدايتها
نفتح الباب عبالي احد من اهلي ....
گومي دا ارجعج للصالون .... التفتت منذر ..
من شفته نهظمت منه ... اريد اسكت ما اكدر ...
منذر: بداخلي كرهت نفسي ... كعدت بصفها حضنتها حبيبتي والله انت تشرفيني وتشرفين عشيرتي ... اني غلطان ... ولو اموت ما الگه وحده مثلج ... طلعت مني بساعة عصبيه كومي حبيبتي
لتخلين الشيطان يخرب بيناتنا
سماره:البنيه من تحب شخص بسهوله تسامح بس يسمعها كلمتين حلوه .... بقى يبوسني ويحجي ويايه والله اموت عليج
وهاي الغيره مو بيدي ( طبعا هو يفسرها غيره موشك لان يحلفلي
ماعنده اي شك بتصرفاتي ولو عنده شك ١%يگلي ما ابقى وياج ) نزلت وياه امي من شافتنا الفطيره گامت تهلهل وخالاتي وياها
منذر: غسلي حبيبتي ... حتى نطلع ... انتظرج بالصاله
سماره : غسلت وصعدت بدلت وامي ويايه گتلها منو يگول ام الصالون تقبل ارجع بدون موعد
ايمان : مو رزلته وگتله ليش خاله تأذيها مو هاي يتيمه ... الولد
محجى شي گلي خاله ساعة شيطان اني لو ما اعرف هي شنو ومني الغلط ما اجي ركض
گتله روح اصعد شوفها ... شلون متأذيه منك وعيونها مصخمه من البچي ...
گلي خاله خابري ام الصالون گليلها ننطيها ضعف المبلغ الي اخذته بس هسه تشتغللها ... خابرتها كيفت
سماره : نزعت بدلتي ولبست جينز وقميص امي گلتلي اخذي البدله اخاف متلحگين ترجعين للبيت اخذتها ... ورحتله من شافني طلعنا سوا
بقيت ساكته ولا كلمه ... من وصلنا انداريت عليه ... گتله انتظر حتى تختار شنو اسوي بدون مشاكل
منذر: سوي مثل اول مره جان حلو ....
سماره: نزلت .... للصالون سألتني ليش خرب ... گتلها صارت مشكله
ام الصالون : والله صابوج بعين ... اكو بنيه من الي جانو موجودات لان شافتج كلش حلو ه اول ما طلعتي گالت اريد اشوف الماخذها
شلونه ....مدت راسها من الباب ... گالت هاي العروس حظها كاعد شكد هي حلوه رجلها احلى ومبين احوال من سيارته
سماره: ردت اجاوبها بس مكدرت انطي بي واحجي عليه
گتلها الحمد لله يدفع البلاء الناس عليها بالمظاهر ....
من بدت تشتغلي .. اتذكرت متفقنا شوكت يجي ... ولاگلي دگي من تخلصين ...
عفيه ... بس شوفيلي اكو سياره واگفه ...... مدت راسها گلتلي اي اكو لونها ابيض ... گمت مديت راسي لگيته ينتظر بالسياره
گتلها عفيه ميخالف العامله تگله خلي يروح يكمل اموره بين ما اكمل اتصل عليه يجيني ... وگليله مكدرت تطلع لان بدت تشتغللها
أنت تقرأ
قصة سماره ﴿ اليتيمه وصراع الاخوه ﴾
Mystère / Thrillerقصة سماره ﴿ اليتيمه وصراع الاخوه ﴾ حقيقيه 🚫- شاركو القصه مع اصدقائكم
