لعنة 🔪 الحب

part 23:ظلام

انثى ملائكيه..

نور ..صاحوني للعشا وما طلعت أكل جنت تعبانه ومتمددة دخل رائد وبيدة صينيه أكل خلاها على الميز وكعد على جربايه رفع ايدة ولمس جبيني ..

رائد..حسبالي مريضه ..

نور ..عدلت كعدت ورديت ..مابيه شي بس احس بشوية تعب ..

رائد .هذا سبب فقر دم اكلي وشربي علاج ..

نور ...برود..ما أشتهي..

رائد..مو بكيفج ..

نور ..تقرب عليه وجر الصينيه سوا الي لفه صغيرة وخلاها بيدي دخلت لما ابتسمت وطلعت واني اخذت لفه وبقيت صافنه ..

رائد ..بأبتسامة جانبية ...اذا ما تاكليها انتي اني اوكلج بيدي ..

نور ..اخذتها مثل المجبورة وهم وراية علاج اشربة هاي الايام جدا ثقيلة عليه وما جاي أتحملها اكلت شوية وشربت عصير وكمت من الفراش وطخيت الصينيه وكع عصير على قميص رائد فتحت عيوني بفشلة وكتله ..اعتذر والله مو قصدي ..

رائد..يلله ما صار شي راح اغسل وابدل ..

نور ..نزع سترة واخذ كلنس وراح للحمام اني شلت صينيه جاي انزل ودك تلفون باوعت لسترة رائد يصدر منها صوت رنين عفت الصينيه على الميز شلت سترة وأخذت تلفون وكعت أوراق من جيب سترة انتبهت تحاليلي شلتهم وخليتهم على الميز دخل رائد..

رائد..منو تصل ..

نور ..اخوك امجد..

رائد..تمام هسا ارجع اتصل عليه..

نور..اخذ سترة وطلع وأني كعدت قريت تحليل دم ورفعت الورقة ثاني قريتها ونصدمت حسيت صقيع بارد تسلسل لاطرافي وبعث بي الموت عيوني فاتحتها وأني اركز بكل حرف تحليل حمل ومكتوب اسمي عليه وجوا مكتوب negative يعني سالب دخل رائد ورفعت عيوني عليه وهوا يباوعلي ويباوع للورقة الي بيدي ..

رائد...خليني افهمج السبب ..

نور ..ما تحملت طلعت صرخة من أعماق روحي وركضت عليه اضرب بي هوا وراجع خطوات الي ورى ولزم أيديه وأني تحولت لجثة هامدة وكعت من طولي وغمضت عيوني مستسلمه للظلام الحالك مثل ظلام ايامي ..

لما والكل ..شبيها نور ..

رائد..لازم نور الي وكعت بأيدي وخشمها نزف دم ايدية ترجف وجسمي كله يرجف رديت بتلعثم وأني اسحب الورقه الي بيدها واخفيها بجيبي ..مادري ..شلتها وخليتها على سرير وصحت بيهم..قياس ضغط وسكر بسرعه...جابوهن الي قست ضغطها صاعد حيل وقست سكر هم صاعد حيل ضليت متوتر وكلبي يدك سريع شلتها ونزلت ..

حازم ..خير شبيها نور ..

رائد...تخربطت ..

لما..بصوت عالي ..انته شوووف سويت الها الابنيه صرخت بعلو صوتها رجت البيت..