لعنة 🔪 الحب

partزفاف :30

آنثى ملائكية

لعنة الحب

لما ..مرت الايام وأني ما احجي وي قائد وهوا بتعد عني خلال هاي الفترة كلما اغمض عيوني احس بأحساس غريب يغمرني واني اتذكرة من باسني احاول انسى الي صار بس مو بيدي جاي احرك بخليط الكيكة وصافنة على لا شي حسيت برطوبة على خشمي وفزيت قائد يضحك واصبع ايدة السبابة بي عجين الكيك فتحت عيوني ونترت بي ..شبيك انت متكلي ..

قائد ..بصوت ناعم مستفز..اوي عيني قابل شنو سوويت..

لما ..بشبه ضحكة مخفية ..انتَ متكلي شبيك وياي ليش تتحارش بيه..

قائد ..بضحكة رجوليه..ههههه لا هذا مو اسمه تحرش هذا شقه ..

تقرب منها بخطوة سريعة وخله ايده الخشنه على خصرها وسحبها ليصير ضهرها على صدرة ..

لما ..شنو تسوي بتعد عني لا احد يجي ويشوفنه.

تقرب اكثر وهمس بحة رجوليه.

قائد ..هذا يسموه تحرش يحلوة .

لما ..دفعته بكتفي وهوا بتعد خطوات باوعتله بنظرة غاضبه وخليت الكيكه بالفرن وغسلت وجهي رجع تقرب مني ورفعت اصبعي بتهديد هو لزمة ويباوعلي بنظرات غريبة كلها بريق .

قائد..أحبج .

لما ..فتحت عيوني وأني رافعة حواجبي وضحكت بعلو صوتي ..

قائد..لج شبيج صوتج فضحتينه.

لما ..كافي شقه يمعود زودتها هواي..

قائد..بجدية ..لج لاااا مو شقه احجي جديات والله احبج احبج احبج يا لبوة هههههه.

لما ..سكتت واني اباوعله شلون يحجي غمضت عيوني وفتحتهن حتى استوعب ملت راسي وأني احرك شعري وكتله .انت مو تكره الي تشبه نفسها بالحيوانات.

قائد..لج والله احجي هيج حتى أشوف عصبيتج اصلا اني اموت عليج والله .

لما ..بتعدت عنه وأني اباوعلة بغموض .

قائد..وهسا كليلي اني شنو بالنسبة الج .؟

لما ..بهدوء ..ماعرف .

قائد..تمام انتظرج تعرفين بس هاا لا تطولين اني قدمت اوراق قبولي بمنحة دراسية بالولايات المتحدة الأمريكية ف حاب اكلج اذا تحبين نزوج ونسافر سوا حتى أقدم اوراقج مالكلية ونسافر سوا .

لما ...اووكف لحظه هاي هواي عليه خلال دقيقة تعترف بحبك وتريد تزوجني وتريد اكمل دراستي.

قائد.. اوف حبيبتي المنتشية ما تتحمل اكثر من جرعة يولو فرحي عاد ركصي شبيج فاتحه حلكج ..

لما ..قائد ممكن تروح وتخليني اشوف شغلي لان احس بدوخة وعقلي ما دا يستوعب الي كلتة ..

قائد..تمام ولاتنسين حبيبج عود جيبلي قطعة كيك.