(شخصيات القصه )
عائلة ( البطل مهند )
ام مهند: تبلغ من العمر٥١
ابو مهند:يبلغ من العمر٥٦
مهند: يبلغ من العمر٢٥ غير متزوج (طبيب)
جود تبلغ من العمر٢٠غير متزوجه (جامعة )
سحر:تبلغ من العمر١٨غير متزوجة (ثالث ثانوي )
_________________________\|____
عائلة (البطله شوق)
ام سعود:تبلغ من العمر ٤٦
ابو سعود:يبلغ من العمر ٥٠
سعود يبلغ من العمر ٢٦ متزوج العنود(ضابط)
شوق:تبلغ من العمر ١٩ غيرمتزوجه (جامعة)
___________________________________\|_____
نبذه عن عائلة سعود هم عائلة جداً انطوائيه بعكس عائلة مهند خلونا نفهم القصه مع بعض اتمنى للكل قراءة ممتعة
___________________________________\|____
(في صباح بيت مهند)
ام مهند: مهند ياوليدي اصحى تأخرت على دوامك
مهند:اءء يمه نسيتي اني اخذت اجازه ثلاث ايام
ام مهند وهي تضحك: سامحني ياوليدي نسيت في راسي مليون شغله وشغله طيب ياوليدي الله يرضى عليك اصحى افطر معنا اخواتك كلهم بالصالة
مهند:ابشري يانظر عيني بتسبح ولحقك
ام مهند :لا تطول (طلعت)
سحر:يمه جهزت الشاهي والقرصان وين عيالك للحين ماجو
ام مهند الحين جايين
سحر:يمه تراك دلعتيهم بزياده لازم تطلعي يعني لكل واحد
ام مهند وهي تضحك: اسكتي الله يهديك ياما صحيتك
جود: صبحك الله بالسعاده ياوجه الخير تعالي ابوس راسك
ام مهند:الله يرضى عليك يابنتي صبحك الله بالنور والسرور
سحر: جت وجه العنز
جود :يالله صباح خير
سحر:يمه تحبيهم اكثر مني وتدلعيهم شدعوه عاد
ام مهند:مين يفكنا من لسان سحر الحين هههه
مهند:صباح الخير يالغالية
ام مهند ياصباح الورد والياسمين
مهند: الا صح وين ابوي ؟
ام مهند :ابوك طلع يصلي الفجر واتصل علي انه في واحد عزمه على كاس شاهي وراح
مهند :زين
سحر:اقلط ياخوي الشاهي برد
جود:انا مافي اقلطي ؟
سحر:انتِ من غير لقولك تقلطي
مهند:ياليل يمه سكتي بناتك لا اتوطى ببطونهم
ام مهند:بس يابناتي الله يهديكم بكره لاتزوجتوا ايش بتسووا
جود: اتوقع سحر بتخلي زوجها المستقبلي هو الي يسوي لها الفطور
سحر :اقول اسكتي بس لو بيحبني اكيد بيسويلي الفطور
جود :احلمي احلمي الله يهديك
جود:مهند الله يسعدك ابيك توديني عند صديقتي
مهند :مين صديقتك
جود:شوق
مهند: مشغول ليه هي ماتجيك
جود:اهلها مايخلوها تطلع
مهند:خلاص خير
___________________"
("في بيت عائلة شوق ")
ابو سعود :وين شوق ماشوفها
شوق:سم يبه كنت اسوي الفطور
ام سعود :اخوك امس اتصل فيك؟
شوق :لايمه دقيت مارد علي تلقيه مع زوجته وما انتبه للجوال
ام سعود:مادري يابنيتي فيني شعور غريب بالي مو مطمني ابد
ابو سعود:تعوذي من الشيطان يامره مافيه الا العافيه
ام سعود:ان شاء الله خير يارب بس شوق الله يرضى عليك يابنتي ضلي دقي عليه لين يرد
شوق :ابشري ياغاليه ولايهمك
شوق:يمه لا تخافي ماتدري انه متزوج قريب اكيد يقضي وقت مع زوجته
ام سعود : خير اللهم اجعله خير يارب
(في غرفة شوق اتصل رقم مجهول )
شوق:بسم الله الرقم مجهول ارد ولا لا !
المجهول يدق للمره الثانيه:
شوق:بسم الله رجع يدق اكلم ابوي عنه اخليه يتفاهم معه!
الرقم المجهول للمره الثالثه يدق:
شوق:يلا برد ، اءء الو
المجهول:السلام عليكم اختي
شوق:وعليكم السلام مين؟
المجهول:اهل سعود ؟
شوق:مين انت وين سعود ، سعود فيه شي ؟
المجهول:اهدي اختي الله يسعدك
شوق بتوتر :اخوي فيه شي تكلم الله يخليك
المجهول :يفضل انكم تجون للمستشفى على خط الطايف الحين وبأقرب وقت
شوق:الو طيب اخوي فيه شي تكفى تكلم
المجهول :في الحقيقه اخوك مسوي حادث مره شنيع
شوق وهي تبكي وصرخت : يمه ييه يمه يمه
ام سعود:شوق ايش فيك يابنتي؟
ابو سعود:شوق ايش فيك ليه تصيحي
شوق:وهي مو قادره تمسك نفسها من الدموع والرجفه يمه يمه سعود سعود
ام سعود :ايش فيه وليدي قولي؟
ابو سعود :تكلمي ياشوق ايش فيه سعود اش صار له ؟
اتمنى عجبكم البارت الاول
متحمسين تعرفون وش صار لسعود؟
