( شوق في سيارة مهند بإتجاهها للجامعه )
-يدق جوال شوق
شوق:سم يبه !
ابو سعود وهو مره مبسوط:شوق يابنتي اخوك صحي من الغيبوبه وانا وامك راحين للمستشفى الحين خلصي جامعه وخلي السواق يرجعك البيت وبطمنك على كل شي
شوق تبكي لا إراديًا:والله جد يبه يارب لك الحمد خلاص يبه ولايهمك ابشر
ابو سعود:انتبهي لنفسك (قفل الخط)
جود:شوق؟ايش فيك عسى ماشر!
شوق من الفرحه مو قادره تتكلم: اخوي ياجود اخوي صحي من الغيبوبه الحين
جود وهي مبتسمه :والله جد الحمدلله
مهند:الحمدلله على سلامته مره فرحت له
شوق :الله يسعدكم يارب
جود:طيب اليوم تعالي بيتنا لين يرجعوا اهلك من المستشفى
مهند:ايوه صح فكره حلوه!!
جود:ايش ؟
مهند : ايش يعني فكره حلوه تكوني معها وكذا
شوق :مادري والله بس ابوي قالي خلي السواق يوصلك البيت لين نرجع لسا بستاذن منه
جود:افا يا شوق تخلي السواق يوصلك وانا صديقتك عيب عليك
شوق:ياعمري انتِ يا جود ماتقصري لين اخلص جامعه خير
________________________________________
(في مستشفى الطايف)
ابو سعود:السلام عليكم دكتور نقدر نشوف ولدنا؟
الدكتور اكيد بس ما تطولوا عنده هو تحسن كثير بس مايقدر يمشي للحين
-ام سعود وابو سعود دخلو الغرفة
ام سعود وعيونها غارقه بالدموع:سعود كيف تحس نفسك ياقلب امك
سعود:ما احس بجسمي ... يبه اليوم ايش؟
ابو سعود :اليوم الثلاثاء
سعود بنبره حزينه جداً :مثل هاليوم تزوجت العنود صح
ام سعود:الله يرحمها يارب ويغفر لها ابو سعود ارتاح ياولدي كلنا على ذي الحياة ماشين
سعود بصوت مبحوح وماعنده ذرة امل انه يمشي مره ثانيه:وين دفنتوا العنود يبه ؟
ابو سعود :اهلها دفنوها بالديره
ام سعود :يلا ارتاح
(في جامعة شوق وجود)
جود : بسألك ياشوق؟
شوق:اسألي!!
جود :انتِ مو قلتي انك محجوزه لولد خالتك؟
شوق:اي ليه تسالي؟
جود :وليه للحين ماخطبك؟
شوق:مادري والله اخته تقول لسا يأسس حياته
جود:طيب وانتي ايش رايك؟
شوق:في وش؟..قصدك بولد خالتي ؟
جود :اي يعني انتِ راضيه فيه ولا لا وكيف تشوفيه مناسب لك؟
شوق:والله انا مالي راي عشان امي وبعدين خالتي من يوم احنا صغار تقول شوق لولدي ، امي بتزعل وخالتي بتاخذ بخاطرها على امي وانا ما ابي يصير مشاكل ممكن نصيبي
جود:طيب لو احد جاء يخطبك غير ولد خالتك بتقبلي ؟
شوق:امم مثل ماقلتلك مابي ازعل خالتي وامي اقولك مادري الله يكتب الي فيه الخير .
جود:اممم تمام الله يكتب لك الخير
شوق:ليش تسالي في شي ؟؟
جود :ولاشي كذا كان بخاطري اسالك وخلاص قفلي الموضوع ....ايش رايك تكلمي امك تجي عندي اليوم لين يرجعوا اهلك من المستشفى
شوق:اي ان شاءالله بعد المحاضرة بكلمها
(في مستشفى الطايف)
شوق تتصل على امها ....الو يمه طمنيني عليكم شفتوا سعود كيف صحته ؟
ام سعود وهي فرحانه :الحمدلله اخوك تكلم معنا وصحى... الدكتور يقول حالته مستقره حاليًا
شوق:الله يبشرك بالخير الحمدلله على سلامته ودي اشوفه والله ...اءء يمه متى راجعين جود تقولي اذا اهلك بيتأخرو تعالي عندي البيت لين يرجعوا اهلك وقلت لها بستأذن منك بعدين بشوف
ام سعود:يكون احسن خليك معها لين نرجع احتمال بكره او بعده احسن ماتجلسي لحالك في البيت روحي مع جود
شوق :تمام يمه في وقت ثاني برجع ادق سلميلي على سعود وابوي (قفل الخط)
جود:ها ايش قالت؟
شوق:قالت اي احسن ماتجلسي بالبيت لحالك روحي معها
جود:قلت لك ياخي بس انتِ ماتسمعي الله يهديك!
شوق وهي تضحك:شسوي لازم اعلم امي حبيبتي...وابشرك سعود صحته احسن من قبل
جود:فرحتيني الحمدلله
(في سيارة مهند قدام الجامعة شوق وجود)
مهند شاف شوق طالعه مع جود فز قلبه وقال بنفسه يالبيه شكله بتجي بيتنا اطلق شي
جود: السلام عليكم
مهند ارحبي وعليكم السلام
مهند :ها اوصلها على بيتها ؟
جود :لا شوق بتنام اليوم عندي
مهند وهو يبتسم :تو ماينور البيت
شوق وهي مستحيه:الله يسعدك ماتقصروا
جود تضرب شوق بيدها شوق بصوت خفيف ايش فيك
جود وهي تضحك ههههه:مسويه مستحيه ها؟
شوق :ياليل منك ومن سواليفك الي ما ترحم ههههه
(في بيت مهند)
جود:يمه اهل شوق بالمستشفى مافي احد باليت وانا قلت لها تنام عندي اليوم لين يرجعوا اهلها من المستشفى
ام مهند:ارحبي يالله انك تحييها كيف حالك يابنتي وكيفها امك واخوك وعظم الله اجركم بموتاكم
شوق:الله يحيك ياخاله ابشرك اخوي صحته تحسنت وكلنا بخير
ام مهند :تفضلي البيت بيتك
شوق: ماتقصري ياخاله
مهند في غرفته عايش لحاله قصة حب يكلم نفسه ويقول كفو كفو جت بيتنا اقدر اشوفها يعني ...اوف ياربي ايش الي ورط قلبي كذا
(في صباح يوم الاربعاء في بيت مهند )
جود :والله مالك داعي ياشوق تطبخي معي الفطور!
شوق: شدعوه يا جود ايش فيها اذا ساعدتك وبعدين خلصنا انا بطلع اتجهز لدوام وانتي افطري ولحقيني تمام
جود:تمام مابطول
مهند طلع من غرفته يناظر يسار ويمين احم احم
ام مهند تعال مافي الا انا وخواتك وابوك
سحر : ايش فيه ولدك يمشي كنه حرامي بالبيت؟
مهند :ايش تبي ذي من الصبح الحين؟
سحر: تعال اجلس بس مسوي تنحنح
جود:مافي يوم على الفطور ماراح تتناقروا هههههه
ابو سعود :الله يهديكم هههههه
مهند يهمس لجود: بنت
جود :بنص عين ها وش ؟
مهند :شوق فطرت؟
جود تهمس: اي فطرت انت عبي كرشتك وتوكل بس
سحر:ايش عندكم تتهامسوا لبعض؟
جود :خليك بنفسك بس وقومي تأخرتي على دوامك
مهند :ملقوفه ياربي تموت اذا ماعرفت
سحر :انننننننننن وخر بس
مهند :والله اختك ذي لسانها طويل يبيله قص
جود :لسا صغيره تكبر وتعرف غلطها يمه منك يالكبير انت !
في مستشفى الطايف)
الدكتور :سعود صحي ومتذكر كل شي تقريباً بس حاولو تبعدوه عن التوتر التفكير الكثير والازعاج وتطلعوه من الحاله الي هو فيه ممكن اي صدمه تجيه في الوقت الحالي يدخل غيبوبه ومثل ما انتوا عارفين سعود متعرض لكسر بالجمجمة بالنسبه لعموده الفقري سوينا اشعه مع المعالجة الفيزيائية او الطبيعية بيقدر يمشي بأسرع وقت بس لازم يكون عنده ارادة قويه عشان يقدر يساعدنا ويمشي بسرعه
ابو سعود:طيب يادكتور نقدر ناخذه بكرسي متحرك يتمشى شوي؟
الدكتور :حاليًا لا مانبي نخاطر او اي ردت فعل بس مع الايام الجايه اكيد راح نطلعه يغير جو
ابو سعود :والكسر الي براسه بيأثر عليه مستقبلًا ؟
الدكتور:اكيد ردت الفعل بتكون سريعه عليه وتأثيرها جداً قوي بس في امل انه يتحسن بس مافي امل يرجع زي قبل تماماً
ابو سعود :الله يجزاك خير يادكتور ماقصرت معنا
