جود بغرفتها...معقوله شوق تدري ولا علمتني ؟لازم اتصل عليها! او صح جوالها مسحوب نسيت بروح اكلم مهند يشتري جوال وبعطيها عشان نتواصل حسبي الله ونعم الوكيل على خالتها
(جود تدق غرفت مهند)
مهند:ادخلي؟
جود:مهند ابيك بسالفه
مهند وهو يضحك :ايش فيك مستعجله على الزواج امداك تفكري ؟
جود :اكيد لا مو ذا موضوعي الي جيت عشانه !
مهند :ايوه تعالي اجلسي ايش الموضوع؟
جود:ابي جوال جديد تقدر تشتريلي؟؟
مهند :ليش ايش فيه جوالك ؟
جود:لا مو لي بهديه شوق!
مهند هنا بنبره عصبيه :ليه يعني ماعندها جوال؟
جود:ايش فيك عصبت اهدى خليني اقول لك السالفه شوق والله تقطع القلب من بعد ما ماتو اهلها كل يوم تعاني مو مرتاحه ببيت خالتها وحتى سحبت منها الجوال معاملتها معاملة شغاله وتبي تفصلها من الجامعه وتخيل وجهها فيه كدمات خالتها تضربها مره حزينه عليها وربي
مهند مصدوم:اوف الحين هذي خالتها من جد؟؟
جود:اقولك يامهند من يوم شفتها مارتحت
مهند:سعود يدري بهذا كله الي يصير مع اخته وساكت؟؟
جود:لا مايدري هي ماتعلمه ايش يصير وهي مره مسكينه ماتتكلم والجامعه لها اسبوع ونص غايبه حرام تضيع مستقبلها
مهند:هذا وخوها ضابط ؟؟ليه ماتقول لأخوها الي قاعد يصير معها ولا عاجبها وبعدين وين الي بيتزوجها؟
جود وهي حزينه:والله يامهند مادري بس بديت احس انهم مايبوها بس يبوها تخدمهم
مهند:طيب يصير خير ان شاء الله
جود:انتبه تكلم سعود في الموضوع بتزعل مني شوق بس اذا زاد الوضع اكثر من كذا مابسكت
مهند:خلاص بشتريلك جوال وعطيها وموضوع الجامعه لازم تكلم اخوها هو الوحيد الي بيقدر يساعدها
جود:شكراً مهند مره اسعدتني
مهند:ولو انتِ عروستنا. الا قوليلي ايش فكرتي
جود وهي مستحيه:اممم خير ان شاءالله
مهند يبتسم ويغمز لاخته :يعني وش موافقه
جود: اي
مهند يغمز مره ثانيه لجود:ها بنشوفك عروسه ازغرط يعني ؟
جود تضحك :تزغرط مجنون ماتعرف أصلًا ؟
مهند :عادي بجرب لو مره بزواجك قلولولولوولوو
جود تضحك:مهند اسكت اسكت مجنون اهلي بيسمعو
مهند:اعرف ؟ولا لا
جود:اي اي تعرف اسكت بس
مهند :الله يسعدك ويحقق لك الي تتمنيه
جود تضم اخوها مهند :امين ويسعدك ويرزقك ببنت الحلال
(سحر تدخل الغرفه)
سحر وهي تناظر بعين وحده:ياويلي ايش في اصواتكم لين الغرفه!؟
مهند :تعالي تعالي يا ام لسان اختك وافقت تتزوج
سحر:والله جد؟
مهند وهو يضحك:اساليها وشوفي
سحر:جود هل انتِ تقبلين الزواج من سعود ؟
جود تضحك :نعم اقبل
سحر: الف الصلاة والسلام عليك ياحبيب الله محمد قلولولووي
جود استحت :تبون ابوي يصحى خلاص
مهند :والله ماحد شايلته الفرحه غيرك الحين هههه
جود:والله لو ماطلعت الحين بتستلموني يلا تصبحون على خير
سحر:تعالي تعالي وين رايحه
جود:نامي انتِ وراك دوام
مهند:هربت هههههه
سعود في بيت ابو سالم)
سعود :كيفك ياشوق والله معليش الدوام ماعد خلاني مع احد
شوق :عادي شدعوه كلنا عارفين دوامك صعب واطمنك انا بخير وانت ؟
سعود:انا بخير والحمدلله ..الا علميني كيف الوضع هنا عسى مرتاحه؟
شوق:اطمنك كل شي بخير
سعود:ليه دقيت كم مره عليك ماتردي !؟
شوق :جد والله ممكن مانتبهت
سعود :ايش فيك متوتره ؟
شوق:لا عادي بس جوالي شكله صامت !
سعود :عندي لك خبر بيفرحك؟
شوق :امانه وش الخبر ؟
سعود:انا طلبت يد جود من اخوها مهند!
شوق فزت من مكانه مبسوطه:امانه جد؟
سعود :اي والله قبل امس كلمته وقال اكيد برجع لك خبر
شوق: والله انك سويت الصح !
سعود : والله حسيتها انسانه نشهد فيها ولو امي عايشه كانت اكيد بتفرح
شوق :الله يرحمهم يارب صح
سعود :انا دقيت عليك عشان اعلمك الموضوع واستشيرك بس ماكنتي تردي
شوق:يلا الي سويته اكيد صح والله يتمم على خير ترا جود صديقتي واعرفها من زمان وتستاهل كل خير
سعود :اكيد لاشك في الموضوع ..بس قولي لي عنها شوي !
شوق :مثل ايش اقول لك يعني ؟
سعود:يعني لها ماضي مع حبيب او مع خطيب او شي؟
شوق تناظر بنص عين:ايش قصدك لا اكيد ماحد خطبها ومالها في امور الحب افا عليك تفكر كذا فيها
سعود:والله مافكرت شي غلط لا يروح بالك بعيد
شوق :ماعليك على ضمانتي البنت ..الا عادي اخذ جوالك شوي !
سعود:شتبين فيه ؟
شوق: جوالي فاضي شحن بكلم شوق من جوالك شوي !
سعود : طيب تمام حافظه رقمها؟
شوق :اي معليك هات
سعود: بس ممكن تشوف الرقم وماترد ؟
شوق :برسلها رساله اذا ماردت
