شوق:سعود خلاص تجهزت خالتي؟ لبست؟
سعود :كلهم جاهزين الا انتِ
شوق :يلا توكلنا على الله او ثواني ببخرك تعال
سعود: ياليت امي وابوي معنا في ذا اليوم
شوق :الله يرحمهم يارب
سعود صارخ :ها ها انتبهي بتحرقين الثوب
شوق:انت لا تتحرك طيب عشان ما احرقك ولا اقولك بخر نفسك وفكني
سعود:هات يلا امشي قدامي السيارة
نوف شافت سعود خرج من الغرفه بينها وبين نفسها والله سعود صار مز وجع لو خطبني كان افضل من ذيك
(وصلو الى بيت ابو مهند )
في مجلس الحريم دخلت شوق ونوف وخالة شوق
في مجلس الرجال دخل سعود
(في مجلس الرجال )
سعود:متوتر يطقطق اصابعه: والله ياعمي و انا ابي اخطب بنتك ع سنة الله ورسوله
ابو مهند وهو مبتسم:والله يباركها من ساعه تستاهل ياسعود تستاهل
ابو مهند يمسك مهند على جنبى: عسى الولد زين بس ؟
مهند:ولو يبه سعود رجال كفو ماعليك بنتك بتكون معه بيد امينه
ابو مهند :الله يكتب لهم الخير
(في مجلس الحريم)
ام سالم :والله مالحقنا نتعرف عليك يا ام مهند بس واضح من كلام شوق انك اصيله
ام مهند: ان شاءالله نصير اهل ونعرف بعض اكثر
شوق :ممكن اروح انا وسحر عند جود
ام مهند :سحر روحي ياعين امك معها
سحر:ابشري يمه ماطلبتي شي يلا
(في غرفت جود)
دخلت شوق وسحر
شوق:ماشاء الله ايش الجمال هذا الصلاة على النبي
جود وهي تضحك:لا تبالغي
سحر:هذا كله الزين طالعه علي صح
شوق وهي تبتسم :اكيد اكيد يازينكم زيناه
جود:بنات والله متوتره اوف
شوق تضحك: يلا انزلي ودي القهوه ولا تنسي الي قلته لك
سحر:ايش السالفه ههههه
جود:ولاشي ولاشي يلا ننزل يع الحين بشوف خالتك ولازم اسلم عليها لحول
شوق:تكفين ياشيخه سلمي عليها و اسحبي ولا تهتمي حتى لو قالت كلمه كذا ولا كذا
جود وهي تمزح:اكيد عشان سعودي مابضايق نفسي
شوق تضحك وتغمز بعينها :لو سمعك مابينام سعودي ها
سحر :سعودي اجل امشي امشي جود
———————————————
(جود بمجلس الحريم)
جود :السلام عليكم
ردو كلهم السلام ..راحت جود تسلم على نوف وخالة شوق وجلست
ام سالم :كيف دراستك يابنتي
جود:والله ياخاله تمام الله يعين ... ويقاطعها صوت ابوها :جووود
شوق ترفع حواجبها:لا تنسي الي قلته لك
جود بصوت خفيف :اسكتي يابنت متوتره
شوق :يلا بزغرط لك زغروطه بعد ماتطلعي
ام مهند:جود يلا حبيبتي ابوك منتظر
جود دخلت مع القهوه وحطت كاس سعود قدامه ومهند قام يكمل التوزيع
جود تناظر :لسعود متى يشرب القهوه
سعود اخذ القهوه اول ماشربها تعابير وجهه تغيرت مليون درجه
جود وهي تبتسم وتناظر لسعود
سعود يناظر لها وتعابير وجهه معفوسه سعود عرف ان جود هي ورا الخطه ذي اخذ الكاسه وشربها كلها
جود تناظر وترفع حواجبها وتضحك ..
سعود اخذ الكاسه بعد ماخلصها يناظر بجود ويقول :جعل قهوتكم دايمه
جود بينه وبين نفسها تضحك: دايمه اجل وجهك صار الوان
ولبسو بعض الخواتم وابو مهند مبسوط ومهند يسولف مع سعود وسعود كل شوي يناظر بجود ام مهند تبارك لسعود ولابنتها.. وجود تبتسم وتسلم على امها وابوها جود خرجت من الغرفه
شوق:قلولوولو الف مبروك ياعمري
جود مستحيه : اسكتي كلهم بالغرفه احسني متوتره مادري كيف
شوق تضحك :خليهم يسمعوا وين المشكله اهم شي اني فرحانه لكم مو مصدقه صديقتي بتصير زوجة اخوي
جود متوتره: يمه متوتره احس بيجيني هبوط هههه
شوق :تعالي اشربي شي بارد وعلميني ايش صار يوم شرب القهوه؟
جود تمسك يد شوق :تعالي اعلمك ايش صار بتضحكي والله
شوق :شرب القهوه كلها ولا ؟
جود تضحك:والله يشوق ما اعلمك كيف صار وجهه كله اللوان
شوق تضحك :مسكين والله
جود: اقولك صار يناظرني شكله عرف انو انا مسويه بالقهوه كذا
شوق :ماتكلم طيب ؟
جود: الا خلص الكاسه وقال قهوتكم دايمه ههههه
شوق تضحك بصوت عالي :امانه قال كذا
جود:اي والله ويناظر فيني وانا اضحك
نوف :ايش صاير ؟؟
جود:ولاشي
شوق :ولاشي بس يضحك عليها يقول متوتره
نوف تناظر بنص عين :اهاه طبيعي لا تكبروا الموضوع ،ومشت
جود:شوق امسكيني لا اروح اكفخها ذي الي تشمق بعيونها
شوق :سيبيك منها اليوم بنستانس ولا
جود:صح ذي نفسيه ..خالتك مو طايقه ولا سوال منها بتسألني شي ...قاطعتها شوق وقالت سيفون ماعليك
جود تضحك :يافهمتني امشي
(في مجلس الرجال )
ابو مهند :اللهم بارك لهم
سعود : امين يارب الله يحفظك ياعمي
مهند: ودكم تطولو في الملكه ولا ايش الوضع
سعود بصوت خفيف :والله ودنا بسرعه بسرعه
مهند يضحك : متى ودك ؟ ..الا صح وين خالك طلع بسرعه
سعود :والله خالي مادري وين راح اكيد عنده شغل اذا خلصه بيرجع وين كنا
مهند:واضح انت مو معي بالسالفه مع زوجتك
سعود:شدعوه معك والله بس مثل ماقلتوا نحدد يوم عشان الملكه ورايكم اكيد
مهند :اشرايكم نخليها نهاية الشهر هذا ؟
ابو مهند: يمدينا نلحق نشتري ونجهز الاغراض
سعود:والله الي يريحكم ياعمي
مهند :ايوه يبه يمدينا
"سعود يرسل لجود الف مبروك ياطلق عروسه.."
"جود تبتسم الله يبارك فيك الله يتتم لنا على خير "
