(في بيت عائلة سعود)
ابو:سعود : تكلمي يابنتي اش صار لأخوك؟
شوق:وهي تضم امها وتبكي سعود يبه سعود صار عليه حادث وحالته مره خطيره
ام سعود:يمه ولدي يارب انك تحميه يارب احفظه بعينك التي لا تنام يارب
ابو سعود :البسي عبايتك مشينا
شوق:يبه بروح معكم تكفى يبه
ابو سعود : لايابنتي خليك في البيت
ام سعود :انتبهي لك بطمنك لا تخافي سكري الباب وما تفتحي لأحد
ابو سعود :يلا يا ام سعود اسرعي
وشغلو السياره وام سعود ماوقفت بكي وتدعي ربها انه يستر على ولدها وزوجته كل الطريق تدعي وتبكي
ابو سعود ماقدر يخفف على ام سعود لانه كمان خايف على ولده رغم ذالك ضل يحسسها بالأمان ويطمنها انه ربي بيحميه هو والي معه
_______________________________________
(في بيت عائلة مهند )
مهند:يلا يا جود انتِ وسحر بوصلكم الدوام
جود:غريب انت بتوصلنا؟
مهند :ليش حرام يعني!
جود: لا شدعوه بس استغربت بالعاده السواق يودينا!
مهند عندي أجازة ثلاث ايام بتطفشو مني
جود:هههههه الله يقطع سواليفك ياخوي شدعوه!
جود:ياسحر ياليل تأخرت على الجامعه بسببك
سحر:يلا شوي بنزل انتو اطلعوا
مهند:سحر شوفي لو ما نزلتي بعد ثلاث دقايق بطلع اسحب شوشتك
سحر:نزلت نزلت اوف ماتخلون احد يتجهز على راحته وبعدين خير انت بتودينا
مهند:اقول قصري حسك لا اعطيك مخمس الحين
جود:ياليل منكم يعني ماتقدرو تجلسوا دقيقتين من غير ما تتناقروا
سحر:اقول امشي بس تأخرنا
__________________
(في غرفة شوق)
ماوقفت شوق عن البكي والدعاء لخوها الوحيد انه يكون مافيه شي خطير راحت شوق تقرأ قران وهي متوتره
(في مستشفى الطايف)
ابو سعود: السلام عليكم نبي نشوف ولدنا
الموظف:عفوًا ياعمي هدي شوي وعلمني شسم ولدكم
ابو سعود:متوتر اسمه سعود الله يجزاك خير
الموظف:سعود عبدالله ؟
ابو سعود :اي اي هذا ولدي
الموظف: تفضل معي للغرفه ورتاح وراح يجي الدكتور يعلمك بكل شي
الدكتور:السلام عليكم ابو سعود؟
ابو سعود:اي علمني وينه ولدي الله يسعدك كيفه؟
ام سعود :الله يخليك يادكتور علمنا ولدنا وينه وشفيه ليكون مات ، مات صح قول لي الصدق لا تعور قلبي تكفى
الدكتور:الله يسعدكم تعوذي من ابليس هدو بحكي لكم كل شي
الدكتور:في الحقيقه هو في حاله خطره جدأ معه كسر با لجمجمه ونزيف حاد داخل راسه ورقبته انكسرت وعنده عموده الفقري فيه كسور بسيطه والحين منومينه بالعنايه وحتمال فيه إعاقة مايقدر يمشي لمده طويله بنشوف بعد مايصحى والخبر المحزن ان البنت الي معه توفت وعطتكم عمرها
ام سعود :تكفى يادكتور ابي اشوفه الله يسعدك ياولدي
الدكتور :مانقدر ندخلك بالعنايه لكن تقدري تشوفيه من برا الغرفه
ام سعود:لاحول ولاقوة الا بالله الله يرحمك يابنتي عنود الله يرحمك برحمته ويغفر لك
ابو سعود:لأحول ولاقوة الا بالله الله يرحمها
ابو سعود نزل ضغطه وطاح عليهم
الدكتور :هدي ياعمي ان شاء الله خير تعال ارتاح هنا الله يصبر قلوبكم وجميع المسلمين
_________________________
(الجامعه الي تدرس فيها جود وشوق)
جود ليه اليوم شوق ماجت معقوله اهلها ماخلوها تداوم اذا رجعت البيت بكلمها آن شاء الله خير
