'''''' '' ''''' '''''''''''''''' ''''''''' ما يخفيه الظلام ''' ''' '''' ''''
البارت 6 و 7
تانى يوم فى الشركه
قاسم باستغراب وقلق : انتى بتضحكى على الصبح
ملك بابتسامه كبيره : اه عادى يعنى اول مره تشوفنى بضحك
قاسم : اول مره فعلا اشوفك بتضحكى فى الشغل
ملك بكسوف خبطته فى كتفه: بس بااااه
حط قاسم أيده على رأسها : موضوع امبارح بوظ دماغك صح
اختفت ضحكت ملك
ملك بجديه : والله .....روح اطلع برا حالا يلاااااا
قاسم: كده اتاكدت انك ملك صحبتى ومديرتى فى الشغل باي هخلص شغلى
مشي قاسم وقعدت ملك تبتسم جامد على الى حصل بينها وبين يزيد
....................
بعد ساعه
قاسم جه يجرى : يزيد يزيد يزيد
يزيد : فى ايه
قاسم : تعالا ادخل معايا والنبى اقول الخبر دا لملك
دخل عثمان
عثمان بحده : قاسم ملك فين
قاسم : جوه
عثمان بتهديد : مهما حصل متدخلش حد علينا
دخل عثمان
مالك : هو فى ايه
اسر : هتقوم مشكله كبيره دلوقتى اولا بسببى وبعدين بسببكم وبعدين بسبب إلى حصل امبارح
.............................
عند ملك
عثمان بزعيق : أنا عايز افهم حاجه بس انتى عايزه تعرى العيله
ملك : ليه
عثمان : انتى مقرتيش الاخبار انهارده .... بلاش دا كله جدتك مكلمتكيش
ملك : كلمتنى امبارح ..... بابا إلى عمل كده ادم أو فريده الاتنين كانوا عندى امبارح وقالولى أن لازم اقولك انى مش عايزه الشركه
عثمان بعصبية: ملك متجننيش أنا مش بتكلم عن الشركه أنا بتكلم عن إلى برا دول بتشغليهم عندك بمناسبه ايه تعرفى عنهم ايه
ملك : اعرف أو لا دى حاجه ترجعلى لأن فى الأول والآخر هما شغالين معايا أنا أنا إلى بدفع مرتبات وانا الى بختبر موظفينى
عثمان : التلاته دول بالذات أنا متاكد انهم مش مجرد موظفين وبس
ملك بتأكيد : صح هما مش مجرد موظفين هما عيلتى .... عيلتى إلى مش حقيقه إلى ببقى مبسوطه معاهم لمجرد أن على طبيعتى مش محتاجه اتظاهر طول الوقت انى قويه علشان اعجب صحابك أو أبان قد ايه انا Lady علشان اعجبك صحبات ماما أو انافس اخواتى على حاجه المفروض تتقسم علينا كلنا اساسا أنا مش محتاجه انافسهم
ضربها عثمان بالقلم
عثمان : انهارده التلاته دول مش هيبقوا معاكى
ملك بتحدى : أنا إلى بقرر وانا مش همشيهم مهما حصل
خدت شنطتها وخرجت
ملك : ألغى اليوم انهارده يا قاسم
يزيد: ملك
مسكه اسر
اسر بهدوء : سيبها دلوقتى ..... محدش يدخله أنا هدخله
قاسم بحزن: هيهزءك بدالنا كلنا
اسر : معلش انا متعود
دخل اسر
عثمان بهدوء: مشيهم
اسر : حضرتك عارف انى مقدرش اخد قرار من غير ما ارجعلها
عثمان بعصبية: انت عرفت إلى بيتقال
اسر : دى اشاعات
عثمان : هوضح أنها اشاعات لماما ازاى
اسر : ادم إلى عمل كده صدقنى حتى جه امبارح ورفع مسدسه عليها لولا وجود يزيد
عثمان : اسر اسر انت كل مره بتقول كده وبيحصل ايه فى الاخر .... أنا بس مش عايزها تتأذى بسبب حد
اسر بابتسامه: يمكن دى اول مره تكلمنى براحه كده .... ثق فيا كمان ملك مش هتتاذى
عثمان : انا ماشي وعايز الموضوع الى بينتشر دا يتقفل انهارده
اسر : اعتبره اتقفل
......................................
كان قاعده ملك بتعيط
لوكا قعد جنبها : الدنيا دى وحشه اوى وقاسيه مش كده
مسحت ملك دموعها وبصتله
لوكا بحزن : تؤتؤتؤ لازم تحطى تلج على خدك واضح انو هيورم
ملك : انت مين
لوكا بتفكير : فى ناس بتقول انى ملاك بس الاغلب بيقولوا أنى شيطان .... بس بينى وبينك أنا ولا دا ولا دا
ملك قامت : انت باين عليك مجنون
لوكا : بتخافى من المافيا
ملك بصتله باستغراب
لوكا : بعمل بحث عن الناس إلى بتخاف من المافيا وبين الناس إلى بتحبهم
ملك : بكرهم
لوكا بابتسامه: حتى لو اقرب حد ليكى واحد منهم
يزيد شدها : تعالى يلا نمشي
لوكا : كنا بنتكلم يا استاذ
ملك : فى. ايه
يزيد : مش مهم فى ايه المهم أن لازم نمشي دلوقتى ماشي
لوكا : طيب واضح انو مستعجل اوى
جه لوكا وقف جنبهم مسك يزيد ايد ملك وجابها جنبه
لوكا بابتسامه: نتقابل تانى باي
مشي لوكا
يزيد: متتكلميش مع حد متعرفيهوش تانى .... ومتخرجيش لوحدك كمان
ملك : سيبنى فى حالى أنا مدايقه خلقه
رن تليفون ملك
ملك : لا لا مش دا الى بيحصل. ...... معرفش صدقيني معرفش ........ اخويا فى شغله مش بكدب اسالى اى حد هيقولك هتنزلى مصر ليه طيب انا هجيلك
اتقفل التليفون فى وش ملك
ملك بعصبية: بتتصل بيا علشان تقفل فى وشي
.........................
بيلا : بيحبها جدا اكتر من اى حاجه تانيه فى حياته
لوكا بابتسامه: حلو دا
بيلا : بس فى حاجه
لوكا : هى مش بتحب المافيا عموما أو بمعنى أصح المجرمين
بيلا : ومتعرفش أنهم كده
لوكا : اديها تلميحات
بيلا بتفكير : فاكر اسر
لوكا : اممم ماله
بيلا: شغال معاها بردو
لوكا بضحك : يعنى كده الاربعه لا لا الخمسه فى أيدى ........ طب روحى انتى وارميلها حقيقتهم فى نص الكلام من غير ما حد ياخد باله
بيلا : حاضر
.....................................
فى البيت كانت واقفه ملك وبيلا فى المطبخ
بيلا : أنا أعرف يزيد والكل من بدرى اوى على فكره
ملك : اممم بجد كويس
بيلا : انتى عارفه شغلتهم كانت ايه هناك فى إيطاليا
ريان : بيلا اخرجى انتى برا انا هحضر مع ملك انتى ضيفه
............................
مالك : أنا شايف أن حد فينا يقول لملك الحقيقه
يزيد : هتبعد
مالك : بس هنقدر نشرح انما لو حد قلها مش هتعرف نعمل كده
يزيد : أنا خايف يا مالك افهم مش عايزها تضيع ومش عايزها تبعد
مالك بهدوء: أنا فاهم كل دا علشان كده بقولك لازم تقولها قولها بهدوء بعيد عن بيلا وعن اى حد ممكن يبوظ كل حاجه
يزيد : ولو بعدت
مالك بإصرار : أنا متأكد انها هتفهم لما تقولها وبعدين احنا بعدنا عن الموضوع كله اصلا
يزيد : رايك كده
مالك : مافيش عندى راي غيره اصلا
يزيد : ماشي
حضروا الاكل وقعدوا
بيلا : يزيد كان عليه ماسكه مسدس لما كان شغال مع ...
قاطعه يزيد : انتى مش بتاكلى ليه يا ملك
ملك : باكل اهو أنا قربت اخلص الاكل كله
مالك بغمزه : خلصي وانا هعمل غيره
دخل اسر وقاسم
اسر : بقالى كتير مكلتش الاكل دا
قاسم : انهار هانم عايزاكى
شرقت ملك
اسر كتم ضحكته : اشربى اشربى
ملك : نعم يا تيتا
انهار بعصبية : ملك هما كلمتين مش هقول غيرهم ودى اخر مره هتصل
ملك : طبعا طبعا اتفضلى
انهار : أنا مش هستنى 3 شهور لسه انتى هتروحى تمسكى الشركه من بكره
ملك : مش هينفع صدقينى أنا كده بنتحر
انهار بعصبية: خلاص روحى اديها لادم يا ملك علشان ترتاحى
ملك. : مش كده مش دا قصدى أنا بس لسه بضبط حاجات صدقيني هخلص كل حاجه انتى عايزاها
انهار : أما نشوف
ملك : تيتا كنت عايزه
قفلت انهار التليفون
بصت ملك فى التليفون
ملك بضحكه ساخره : يا اخى نفسي اكمل باقى المكالمه زى البنى ادمين بجد
ريان : نفسي اشوف جدتك دى
قاسم : ربنا ما يكتبها على حد فيكم يا ابنى وتشوفوها
يزيد : أنا خارج شويه
ملك : خدنى معاك وصلنى وروح مشوارك
يزيد : ماشي تعالى
خرج الاتنين
..........................
ملك : سوق براحه شويه بدل ما نموت احنا الاتنين
يزيد : خايفه
ملك باستغراب : مين مش خايف من الموت
يزيد بابتسامه: متخافيش أنا مش هخليكى تموتى مهما حصل
ملك : واثق اوى
يزيد : تقدرى تقولى كده
ملك : جبت شمع كتير اوى علشان ميحصلش إلى حصل امبارح .... وكمان قررت اجيب حراسه زياده
يزيد : مافيش حاجه هتحصلك وانتى معايا
ملك : وافرض بعدت
يزيد : مش هسيبك تبعدى
ملك : وافرض
وقف يزيد على جنب
يزيد: مش هسيبك تبعدى مهما حصل طول ما انتى تحت عينى انتى فى امان
اتوترت ملك ومسكت تليفونها
بعد ربع ساعة
يزيد : متاكده انك هتعرفى تدخلى هنا لوحدك
ملك : دا بيتى بردو متقلقش
يزيد : هرجع اخدك ماشي متروحيش
ملك : حااااضر
سابته ملك ودخلت
................................
وقف يزيد عربيته قدام البرتو
(الحوار مترجم )
البرتو : هل علمت بما يحدث الان
يزيد : اممممم
البرتو : وماذا ستفعل
قعد يزيد على عربيته
يزيد : لا اعلم أنا لا اخاف مواجهة لوكا حاليا وانما ....
قاطعه البرتو : هل تحبها بجديه
هز يزيد رأسه
البرتو بتفكير : هل تحب هى ..... هل سوف تتقبلك بعد أن يخبرها بماضيك
يزيد : لا اعلم ولكننى خائف
البرتو : من المفترض ألا أخبرك بشئ ولكنك كنت اخى الصغير طوال حياتك لهذا سأعطيك نصيحه صغيره ..... فلتخربها لأن لوكا يخطط لاخبارها قريبا يجب عليا الذهاب فهو بانتظارى
مشي البرتو وفضل يزيد فى حيره اكبر
يزيد فى سره : مالك يا يزيد فى ايه انت عمرك ما اتهزيت كده فى حياتك حتى لو سابتك فيها ايه يعنى دى كلها شهر إلى عرفتها فيهم ...... وافرض قولتلها ايه يضمنلك باه أنها متغدرش بيك زى اى حد وتطلع أنا إلى مغفل وكنت بتحبها بس
.................................
رزان : ملك
ملك ببرود : خير
رزان : عندك حاجه بكره
ملك : على حسب
رزان : صحابى جاين بكره
ملك : ماليش دعوه
رن تليفون ملك
ملك : مش هعرف اجى سلام
خرجت ملك لقت يزيد مستنيها
ملك بابتسامه: اتاخرت عليك
يزيد : اركبى
ركبت ملك وتقريبا طول الطريق هو ساكت
ملك : فى حاجه مزعلاك
يزيد : لا عادى
ملك : غريب يعنى اتغيرت فى ساعتين
يزيد : ولا اتغيرت ولا حاجه
ملك : امممم ماشي إلى انت شايفه
وقف يزيد عند النيل ونزل
فتح باب العربيه لملك
يزيد : انزل دقيقه
نزلت ملك
ملك باستغراب: عايز تقول حاجه طيب
هز يزيد رأسه
ملك : طب قول
يزيد بتردد : لو عرفتيها مش هتتكلمى معايا تانى
ملك بابتسامه: لا متقلقش قول انت بس
خدت يزيد نفس عميق : هقولك وخلاص تعالى نقعد
قعد الاتنين
يزيد : بصي الموضوع كله بيبدء لما كان عندى 10 سنين تقريبا يمكن اكبر أو أصغر مش عارف اهلى قرروا يتخلوا عنى مع انى كنت من عيله مرموقه جدا بس تقدرى تقولى كنت ابن مش شرعى رمونى فى الشارع وقابلت ريان ومالك وقتها فضلنا مع بعض فتره لحد ما شافنا واحد ايطالى ( سكت يزيد )
ملك بتركيز : كمل أنا بسمعك
يزيد بتنهيده : كان زعيم المافيا الايطاليه وكان نازل مصر زياره قرر انو ياخدنا فهربنا برا البلد وشغلنا معاه مع الوقت بقيت أنا ومالك ايديه الاتنين ريان مكنش ليه لازمه اوى علشان كان بيخاف وكان عندو صحاب بيحبهم إنما احنا وخصوصا أنا مكنش عندى حاجه احبها ولا اخاف عليها كان قلبى عايش فى ضلمه مافيش حاجه اسمها نور ابدا
بصتله ملك وبعدت عنه شويه بخوف
يزيد بحزن: يوم ما اتقابلنا كنا لسه نازلين مصر علشان نخلص منه قابلنا ماهر رحنا على اساس انو عايزنا فى شغل بس هو كان عايز يدبسنا فى حاجه منعرفش نخرج منها ولما نرجعله يومتنا. ........ مش هنكر انى كنت وحش وزباله زمان بس بجد دلوقتى أنا مش عايز ارجع لأى حاجه من دى مهما حصل صدقينى انتى غيرتى حاجات كتير اوى محدش عرف يعملها أنا قولتلك كل حاجه وانتى ليكى الحق تبعدى لو عايزه
قام يزيد
ملك بحيره وهمس : بتخافى منهم لمى نفسك وامشي .... بس استنى هو قال انو مش عايز يرجع زى الاول وانتى غيرتى حاجات كتير يعنى انتى دلوقتى مميزه عنده ..... بس اينا كان هو كان هيبقى يوم من الايام زعيم مافيا ...... ما اسر كمان كان هيبقى كده وانتى ساعدتيه
بعد ربع ساعه من مناقشه ملك مع نفسها
يزيد : تعالى اوصلك مش هينفع تروحى لوحدك
ملك بتردد: انت مش هترجع تانى زى الاول صح
يزيد : اه بس انا ممكن اشرحلك كل حاجه
ملك بهدوء: انت قولت الحقيقه كلها عن ماضيك ومخبتش حاجه يبقى انا إلى اختار صح .......... أنا مدايقتش لما حكيت حاجه بص انا بحبك زى ما انت يعنى مش مهم كنت ايه قبل كده انت اكيد اتحطيت فى ظروف جبرتك تعمل كده مش فارق معايا اصلا متقلقش أنا مش هبعد اساسا ومكنتش هفكر ابعد متخافش أنا بردو هفضل معاك
يزيد بصدمه : بجد
ملك : بجد.... كلنا بنغلط عادى يمكن غلطك كبير شويتين بس دا مش معناه انى المفروض اعلق حبل المشنقه لأى حد يغلط أنا مش ربنا اكيد ربنا هيحاسبك على الى عملته. ........ إنما أنا معاك كده كده بس لازم توعدنى انك مش هتبقى زعيم مافيا فى يوم من الايام
اتنهد يزيد براحه : أنا ... أنا مش عارفه اقولك ايه بجد
ملك بابتسامه: متقولش حاجه اوعدنى وبس
يزيد بابتسامه فرحه : اوعدك
ملك : خلاص تمام يبقى اتفقنا ...... بس انا انهارده مش هعرف اروح البيت علشان المفروض اخلص شغل لتيتا هنا فا انت هتروح وانا ممكن ابات برا
يزيد : اكيد مش هسيبك تروحى لوحدك
ملك : بقيت حشرى اوى
...........................
المهندس : احنا لسه بنعمله يا هانم
ملك : مبحبش ادخل فى التفاصيل دى أنا سألت سؤال دلوقتى .... المفروض العماره دى كانت اتسلمت من أسبوع ليه التأخير
المهندس : استاذ ادم ....
ملك بحده: انت إلى بيدفعلك مين بالظبط انا ولا استاذ ادم
المهندس بضيق : المصنع كمان مش بيدينا الى احنا عايزينه
ملك بعصبية: فى حاجه اسمها تليفون ترفعه آلو ممكن اكلم ملك أو استاذه ملك أو ملك هانم أو اى زفت يحولوك ليا تقولى حصل واحد اتنين تلاته لكن إلى بيحصل دا لعب وانا مقبلش بكده
كان واقف يزيد مراقب ملك بابتسامه طلع تليفونه ( تمت المهمه )
راحت ملك ناحيته
يزيد : هنمشي
ملك : تعبت
يزيد: لا بتكلم عليكى انتى
ملك : مافيش حاجه عادى
المهندس: اتفضلى دى التصاميم إلى المفروض هنعملها
مسكت ملك الورق
يزيد باستغراب: انتى مش تخصص فاشون بس
ملك بضحك: انت عارف انا تخصصي كان حاجه
يزيد : لا
ملك : خد عندك هندسه عماره و تصميم الازياء و عطور ومستحضرات تجميل
يزيد : كل دا
ملك : للاسف ...... بص انا عايزه الروسمات دى تتعاد تانى وبما انكم اصلا مبداتوش فى الشغل هنحط شويه حاجات زياده
المهندس : والمصنع
ملك بعصبية: متقعدش تدخلني فى ميت حاجه باه أنا دلوقتى إلى قولته دا أتفهم ولا لا
المهندس : حاضر
ملك : ماشي اتفضل يلا
بصت ملك ليزيد وركبوا العربيه
............................
ملك بتفكير : تحب تشوف المصنع هنا
يزيد : مصنع حديد وصلب دا انا عارفه
ملك بابتسامه: لا طبعا التانى دا هبقى اروحه الصبح علشان بعيد .... دا مصنع مستحضرات التجميل والعطور تعالا
شدته ملك من أيده وراها
يزيد : جميل اوى
ملك : انت عارف انى كل قطعه من دول بيتصدر منها فوق ال 30 مليون نسخه حول العالم كله
يزيد : بجد
ملك : اها وبتتباع كلها علطول
يزيد بابتسامه: ربنا يزيدك
ملك : عملتى ايه
السكرتيره: كل حاجه تمام الاسبوع الجاى العينات هتكون جاهزه
ملك : تمام اهم حاجه متنسيش تصرفى ليهم مكافئاتهم ماشي
السكرتيره: حاضر يا فندم
خرجوا الاتنين
يزيد : كويس أن حياتك ماشيه حلو كده
ملك بابتسامه حزن : امممم حلوه اوى
يزيد : بعيد عن اخواتك يعنى
ملك بنوم: اركب يلا خلينا نروح مبقتش قادره
يزيد : يلا
ركبوا الأتنين العربيه ونامت ملك
بصلها يزيد بابتسامه
.........................
وصلوا البيت وشال يزيد ملك
بيلا بضيق : كنت فين كل دا
يزيد بهمس: شششش نازلك
طلع ملك الاوضه وجه يمشي مسكت أيده
ملك وهى نايمه: متسبنيش ..... هيرجعوا تانى
يزيد بهمس : محدش هيرجع
نزل يزيد لبيلا
بيلا : هى كانت بتعمل ايه معاك لحد دلوقتى
شرب يزيد : مالكيش فيه وقولتلك احنا مجرد صحاب
بيلا : يزيد انت بتاعى انا وبس أنا احسن منها ميت مره وبعدين أنا أقدر اقف فى وش لوكا علشانك لكن هى هتقدملك ايه
يزيد : حب ... حب من غير مقابل
بيلا : أنا احسن منها
يزيد : كفايه أنها احلى واحده فى عينى أنا مش عايز اكتر من كده
قربت بيلا منه بسخريه : طب ابقى خلى بالك منها علشان هدفعها تمن كلامك دا
»»»»»»»»»»»» يتبع »»»»»»»»»»»»»»
