'''''' '' ''''' '''''''''''''''' ''''''''' ما يخفيه الظلام ''' ''' '''' ''''
البارت 9
تانى يوم فى مكتب ملك
خبط الباب
يزيد: انتى مستنيه حد
ملك : لا
دخل بنت بابتسامه كبيره اوى
مي : ملوووووووك وحشتينيييي
ملك باندهاش : اده انتى رجعتى امتى
بصتلها مي بقرف : ايه المقابلة المقرفه دى
قامت ملك وخدتها بالحضن
ملك : كده كويس
مي بصتلها بتفكير وبعدين ضحكت : كويس اوى
ملك : مقولتيش ليه انك جايه
مي : سمعتى عن الحفله إلى عاملوها
ملك باستغراب: حافله ايه ..... صح نسيت اعرفك يزيد مي ... مي يزيد
يزيد : اهلا بيكى
بصتله مي بسرحان خبطتها ملك
ملك : حفله ايه
مي بتركيز : اه اه ... يستى الشباب من الجامعه والمدرسه الثانويه قرروا يعملوا حفله نتجمع فيها كلنا وطبعا علشان محدش بيعرف يوصلك كلموني قولت لازم انزل ونروح سوا
ملك : مين هيبقى هناك اصلا
مي : فارس ومراد وفاروق و هاجر ومارينا وطبعا مش هننسي جاسر حبيب القلب
ملك بارتباك : يزيد ممكن لو سمحت تستنى دقيقه برا معلش
يزيد : عاجبنى المكتب
شدته ملك وقفلت الباب
مي بخبث : هو فى ايه بيحصل هنا قوليلى
ملك بضحك. : مافيش حاجه
مي : عليا أنا بردو قولى قولى قولى
ملك بابتسامه: هقولك خلاص اقعدى
قعدت مي وملك جنبها
ملك : بصي يا ستى أنا يمكن معرفوش اوى بس هو حد كويس وحباب
مي : وبتحبيه
ملك : جدا
مي : ايوه بااااه يا ملوك يا قمر
ملك: امبارح كنا بنتكلم وقال إن هو هيتجوزنى بس عملت نفسي مش سامعه
مى : يعنى قالك انو بيحبك
ملك بتفكير: لسه مقالش علشان كده انا مش متاكده من حاجه
مي بتفكير : اممممم أنا هخليه يقول
ملك. : ازاى
مي : انتى لسه هتسالي يلا نروح نجيب اللبس من البيت عندى علشان نلحق نلبس
..............................
أسر: يا عينى خرجتك
يزيد بضيق : أنا مش طايق نفسي اقعد ساكت
قاسم : معلش يا صحبى هى غداره حبتين
رن تليفون يزيد وبعد عنهم
اسر بتفكير : مفضوح اوى هيقولها امتى
مالك : حاولت معاه كتير بس مافيش فايده بردو
ريان : عندى فكره حلوه اوى
كلهم : ايه هى
ريان : هقولكم
بعد ربع ساعة خرجت ملك ومي
ملك : يزيد فين
مالك بخبث : معاه تليفون عايزه ايه
ملك : انتو ممكن تروحوا أنا هروح بيت مي نجيب حاجات من هناك
ريان : احنا رايحين نجيب حاجات علشان خارجين بليل
ملك : طب تمام نتقابل فى البيت
سابتهم ملك ومشيت
مي : كلهم حلوين اوى بجد .... وأسر شكله اتغير جامد
ملك : طبعا يا بنتى بقالك سنين مجتيش
مي : الدنيا هناك حلوه عن هنا فى حاجات كتير بس ادينى رجعتلك اهو
ملك : طب يلا بينا
..........................
بليل
مالك : متاكد انهم هيبقوا هنا
قاسم : متأكد لسبب
اسر : إلى هو
قاسم : أن المفروض انى اكون معاهم هنا دلوقتى بس انا عندى حاجه اهم
ريان : يعنى مش هتفضل معانا
قاسم : مش هعرف بجد ادخلوا انتو لو عوزتوا حاجه كلمونى
يزيد : خد بالك على. نفسك
دخلوا وقعدوا وبعد شويه جت ملك و مي
فاروق صفر اول ما شافها
فاروق :. مش ممكن بجد متغيرتش
ملك بابتسامه: بجد
مراد : لسه جميله زى ما انتى
زقهم جاسر بعيد ومسك ايديها
جاسر : انتى طول عمرك حلوه اصلا
ابتسمت ملك وقعدوا يتكلموا
مارينا : تعالوا نلعب
مي : ياريت هنعلب ايه
مارينا : صراحه طبعا بما اننا بقالنا كتير مشوفناش بعض
ملك بملل : ايه شغل العيال دا اكبروا باه
فاروق : موافق يلا
جاسر : ايه يا ملك انتى خايفه من حاجه
........
على الترابيزه التانيه
كان قاعد يزيد هيولع من الغيره
ريان بضحكه مكتومه : ايه الريحه دى ... فى ريحه حاجه بتتحرق
مالك : شكلها كده نار الغيره
يزيد : مش عايز اسمع صوت حد
اسر : عيال صغيرين دول ولا ايه
يزيد بصله بنظره غضب: عايز اقوم اولع فيهم كلهم دلوقتى
اسر مسكه: لا أهدى وحيات امك
.........................
مارينا : سؤال كلنا عايزين نعرفه يا ملك هل بعد ما وصلتى لسن 25 لسه بتحبى جاسر ولا فى حد غيره
جاسر : ايه الإسئله دى يا مارينا كلنا عارفين الاجابه
ملك بابتسامه وتوتر : جاسر مكنتش بحبه أنا بس كنت معجبه بيه ..... بس دلوقتى فى حد تانى فى حياتى
مراد : يمكن اعجاب
ملك : اكيد لا علشان أنا متاكده انى بحبه اوى
جاسر بضيق : والله طب تمام مجبتهوش. نتعرف عليه ليه
ملك : هعرفكم عليه فى الوقت المناسب
جاسر : صحيح يا ملك بعد كل الوقت دا كله علاقتك اتصلحت مع أهلك ولا لسه
فاروق بهمس : فى ايه يا جاسر براحه شويه
جاسر : ولاقيتى إلى يحبك بجد ولا لا
ملك بثقه وغرور. : علاقتى ما اتصلحت بيهم يا جاسر بس فى المقابل بقيت من أكبر سيدات الأعمال ويمكن اكبر من رجاله اعمال كتير فى مصر وبرا مصر دا غير انى بقيت مصنفه ال9 على العالم فى الماركات مش بعيد اصلا القميص إلى انت لابسه دا يكون انتاجى ..... وبالنسبه للى بيحبنى فانا لقيته وفى يوم هعرفك عليه
جاسر بسخريه : وماله ادينى مستنى
فضلوا قاعدين والحوار بين ملك وجاسر عمال يشد اكتر
مارينا بضحك : الوقت اتاخر والله محستش بيه نتقابل تانى باه
فاروق: معاكى حق يلا يا جاسر نروح
جاسر : صح يا ملك الولد الصايع إلى قطعتينا كلنا بسببه فين
قامت ملك وقفت قدامه
ملك : اول اسمه اسر ثانيا هو مش صايع
جاسر بتفكير : ايوه صح صح نسيت هو مش صايع هو قتال قتله
ملك حاولت تتمالك أعصابها : مش هرد عليك علشان خساره مجهود الكلام الى هيطلع دا يكون ليك اصلا
مراد : أنا هقعد شويه روح أنا يا فاروق وخد جاسر معاك
فاروق: اكيد اكيد يلا يا جاسر
مشيوا كلهم وأتبقى مراد وملك ومي
ملك : مستفز
مسكها مراد من خدها : معلش يا بطوووووط
ملك زقت ايده: وسع كده
بصوا ناحيه الباب لقوا بيلا داخله بصتلها ملك بتركيز
مي بهمس : دى الحربايه صح
ملك هزت راسها
مراد : استر يارب
ملك : جايه تقابل مين
...................
مالك بصدمه : بيلا بتعملى ايه هنا
بيلا : جيت اتكلم مع يزيد
جت بيلا تقعد جنبه
مالك : تعالى اقعدى هنا احسن
بيلا: لا هقعد هنا
جت تقعد حطت ملك شنطتها
ملك بابتسامه : مش قالك اقعدى هناك
بيلا : انتى بتعملى ايه هنا ...
زقتها مي فى كتفها : تعمل الى هى عايزاه ايه ليكى راي غير كده ولا ايه حابه اسمع
بصتلهم بيلا من فوق لتحت
بيلا : يزيد تعالا نتكلم برا احسن
يزيد : مافيش حد غريب يا بيلا
شد مراد ملك بعيد
مراد بهمس : أنا عارفها البت دى
ملك : منين
مراد : خلي فى مسافه بينك وبينها احسن
ملك هزت راسها
بيلا بعصبية: مبتردش على مكلماتى ليه
يزيد : جايه تقولى كده
بصت بيلا لملك
بيلا : لا أنا جايه اتكلم معاها هى
طلعت بيلا حاجه أشبه بالسكين الصغير وراحت ناحيه ملك علشان تطعنها بس وقف يزيد قدامها
ملك بخوف : يييي يزيد
بيلا بقلق : يزيد ... يزيد أنا اسفه مكنش قصدى انت مكنش ينفع تقف هنا
مراد بص عليه : لازم يروح مستشفى بسرعه
...................
وصلوا المستشفى
ملك بدموع : مراد .... ادخل انت معاه
مراد : حاضر حاضر
سابهم مراد وراح مع يزيد
خدت مى ملك فى حضنها .... بصوا الاتنين لبيلا
مي بعصبية: انتى ياااا.....
مالك بهدوء مسكها : بيلا اخرجى برا متقفيش هنا
بيلا : أنا بس عايزه اطمن عليه
مالك : امشي دلوقتى وانا هبقى اكلمك
خرج مراد
ملك : فى ايه
مراد : محتاجين دم
اسر : فصيلته ايه
مراد : O
ملك بتسرع : أنا O
مراد : طيب تعالى معايا
خدها مراد ومشيوا
.............
فى اوضه سحب الدم
مراد : بطلى عياط والا هتتعبى انتى زياده
ملك بعياط : هيبقى كويس صح
مراد : اكيد هيبقى كويس أنا هشرف عليه ...... بس قوليلى الاول هو يقربلك ايه انا اعرفك من زمان اوى من ايام ما انهار هانم كانت بتخليكى تاكلى غصب عنك عمرى ما شوفتك خايفه على حد بالطريقه دى
ملك بتنهيده: مش عارفه يا مراد بس تقريبا بحبه
مراد: وهو
ملك : مش متاكده بصراحه
مراد بتفكير : والمفروض نعمل ايه
ملك : مش عارفه
مراد بابتسامه : اظن انو هيقولك اكيد فى يوم
ملك : اتمنى
.............................
فاق يزيد
مراد : كويس أن صحتك وجسمك كويسين ساعدوك كتير انك تبقى كويس دلوقتى
يزيد بتعب : شكرا .... م ...
مراد : ملك كويسه متقلقش هى بس تعمل كذا حاجه وبتخلص ورق وهتيجى
ابتسم يزيد
مراد : تسمحلى اخد من وقتك شويه
يزيد : طبعا اتفضل
قعد مراد
مراد : أنا وقاسم ومي واقدم ناس نعرف ملك قاسم ومى كانوا فى الأول مجرد صحاب فى المدرسه بس إنما أنا تقريبا يومى كله كان معاها هتقولى ازاى هقولك يا سيدى جدتها وبابا شغالين مع بعض وحاليا بردو بابا مع جدتها فى سويسرا بيخلصوا شويه حاجات
يزيد : مش فاهم
مراد : انت بتحب ملك ومش محتاج تقول مافيش حد يرمى نفسه قدام سكينه بالشكل دا علشان يحمى حد تانى غير لو كان بيحبه ..... علشان كده ياريت تعترف بسرعه قبل ما اى حاجه تحصل لو معترفتش قبل جدتها ما تيجى هتعيش عمرك كله ندمان الف سلامه عليك
سابه مراد ومشى
دخل مالك والباقى
مي : الف سلامه عليك
...........
فى وقت متأخر
ملك : روحوا انتو أنا هبقى هنا مش مهم
مالك بنوم: لا لا أنا هفضل هنا مش هسيبه لوحده
اسر : وانا كمان
ملك : بكره الصبح تعالوا احسن
ريان : راي كده بردو .... متقلقوش ملك هنا يعنى
ملك : لو حصل حاجه هكلمكم
مالك بتنهيده : طيب
ملك بابتسامه: ممكن تاخدوا مي فى طريقكم
مالك: حاضر حاجه تانى
ملك : شكرا
مشيوا كلهم ودخلت ملك ليزيد
يزيد : لسه فاكره تيجى أنا قولت انك مشيتى
قعدت ملك وهى باصه فى الارض
ملك : أنا اسفه كل دا حصل بسببى
يزيد : وليه يعنى بسببك اى حد كان مكانك كنت هعمل معاه كده بردو
ملك بصدمه: بجد
يزيد : اه. طبعا
ملك : يعنى انت كان ممكن تخاطر بحياتك علشان اى حد
يزيد : مافيهاش مخاطره ولا حاجه دى مجرد سكينه
سابته ملك وخرجت وهى بتعيط
دخلت الممرضه
الممرضه بإعجاب : الف سلامه عليك .... مراتك كانت خايفه اوى
يزيد بصلها بعدم فهم
الممرضه بضحك : طول ما انت كنت نايم بتعيط ودلوقتى لما صحيت وبتتكلم بردو بتعيط
يزيد : هى بتعيط
الممرضه : أنا عمرى ما شوفت حب كده بجد دى بسببها انت لسه عايش دلوقتى
يزيد : هى عملت ايه
الممرضه وهى بتغيره الجرح: انت كنت جاى محتاج نقل دم وفصيلتك مش متوفره هنا راح دكتور مراد قالهم يدوروا بس فصيلتها طلعت زيك واتبرعت هى مع أن كلنا قولنلها تبطل عياط و متتبرعش كتير علشان متتعبش بس مسمعتش حد فينا...... خلصنا خلاص لو عوزت اى حاجه تقدر تكلمنا .... ربنا يخليكم لبعض دايما
..............................
كانت واقفه قدام المستشفى بتعيط
ملك بعياط : اى حد تانى كان هيعمل معاه كده واكتر ليه أنا ترجمتها غلط .... اوووف يارب الأرض تنشق وتبلعنى هروح فين أنا دلوقتى
يزيد من رواها : احممم
لفت ملك واول ما شافته بصت الناحيه التانيه
ملك : متبصش عليا الموضوع مخرج اوى
قرب يزيد منها ووقف قدامها
ملك بعصبية مع عياط: انت مجنون ازاى تخرج أنا المفروض تفضل مرتاح جوه ايه إلى خرجك دلوقتى اتفضل يلا ادخل هات ايدك
مسكت ملك أيده علشان تدخله
فضل يزيد باصصلها
ملك : متبصليش كده
يزيد : كده ازاى
ملك : كده نظرتين زعلانين
يزيد : أنا آسف
ملك : علي ايه يعنى
يزيد : مكنتش اقصد إلى قولته كده انا مش هعمل كده علشان اى حد غيرك انتى ........ أنا مش مستعد اموت الا لو انتى ممكن يحصلك حاجه
ملك بعياط : بكل تقول كده بطل تقول كلام مالوش معنى وتلغبطنى
شدها يزيد لحضنه: أنا بحبك يا ملك ومبقتش قادر أخبى اكتر من كده
فضلت ملك واقفه مصدومه
يزيد مسح دموعها وهو بيبتسم : ايه فى ايه
ملك بارتباك : مافيش حاجه مافيش حاجه
««««««««««« يتبع »»»»»»»»»»»»»»»»»
