'''''' '' ''''' '''''''''''''''' ''''''''' ما يخفيه الظلام ''' ''' '''' ''''
البارت 10
ادم من وراهم : عيب ردى عليه اوعى ترفضي دى فرصه متتعوضش
ملك : انت بتعمل ايه هنا
قرب منها ادم
ادم بابتسامه: كون انك تخلى مراد يمسك المستشفى وكل حاجه بدل وحيد دا ميمنعش ابدا انى بردو قادر اعرف انتى بتعملى ايه وبعدين فى ناس من معارف يزيد عايزين يطمنوا عليه
ملك بحده : امشي من هنا يا آدم
خدت ملك يزيد
ادم : عدى 20 يوم من انهارده وتيتا هتكون فى مصر
ملك بابتسامه : كويس اهو على الأقل تيجى تلمك شويه
ادم : تفتكرى رد فعلها هيكون ايه أن حفيدتها المصونه بتحب زعيم مافيا
ملك : مش زى ما هيكون ردها على حد بيحب رقاصه
سابته ملك وخدت يزيد ومشيت
..........................
ملك : براحه ..... افرد ضهرك شويه
قعد يزيد وفضل باصصلها
مسكت ملك تليفون المستشفى
ملك : وصلينى بدكتور مراد
مراد بنوم: عايزه اعرف
ملك : ابوك جاى امتى
مراد : معرفش مقاليش ملك اول ما تعرف تيجى تقولى بسرعه أنت فاهم
قفل مراد فى وشها
ملك : غبى
يزيد باستغراب : خايفه من ستك اوى كده
قعدت ملك بتنهيده حزن : تيتا مرعبه فى كله حاجه هى يمكن مش بتكرهنى زى باقى العيله بس بردو مش بتسيبنى براحتى وهى موجوده بتقعد تقول اعمل ايه ومعملش ايه والمفروض البس ايه وامشي أزاى واكل ازاى ....... أنا فاكره أن فى مره نيمتنى فى الجنينه علشان لبست بنطلون بدل فستان بس مش مهم دلوقتى اتعودت
يزيد : أنا موجود متقلقيش
ملك بضحك : موجود ايه بس أهدى شويه تيتا لو جت محدش فيكم هيدخل اصلا
يزيد : طب يلا نامى الفجر قرب يأذن
ملك : لا انت نام دلوقتى ومتشغلش بالك بيا يلا
...................................
الصبح جه الكل
مي : صباح الخير يا شباب
مالك : صباح النور
مي بابتسامه : بصراحه يا يزيد معرفتش المفروض اجيب ايه دى اول مره حد اعرفه يدخل المستشفى فجبت اكل لينا كلنا معادا ملك طبعا
ملك : شكرا يا ستى
كان كل واحد منتبه لتليفونه وبيتكلموا
ريان : ايه يسطا فوق كده
يزيد : أنا وملك فى علاقه
سكت الكل وبصو لملك
ملك بارتباك: بتبصولى كده ليه
اسر بأسف. : مكنتش اعرف انك كده بتستغلى الواد علشان تعبان عيب يا ملك عيب
ملك : استغل مين انا معملتش حاجه
مالك : قولتلكم خلونا قاعدين امبارح محدش سمع كلامى
قاسم : ياويلاتاااه يا ملك ياويلاتاه بجد
يزيد: أنا إلى اتكلمت هى معملتش حاجه
ملك بارتباك: صح انا حتى مردتش عليه
مي بابتسامه : احنا فيها ردى عليه
ملك بارتباك اكبر : انتو عايزين ايه
ريان : عايزين ردك وبس
ملك : المفروض يكون معروف
مالك بحزن: معلش يا اخويا شكل اتكتب عليك وجع القلب هى واضح انها مش بتحبك
ملك بدون وعى : لا بحبه على فكره
حطت ايديها على بوءها وخرجت
اسر بص لمالك باستغراب
مالك : فى ايه
اسر : ايه إلى عملته ده
مالك بغرور : بعرف اسيطر على عقلها واخليها تعترف عادى
............................
مي : استنى عندك
ملك : سبينى فى حالى
مي : تعالى هنا متهربيش منى ..... ملك ... ملك استنى
جريت مى وراها
ملك : بس باه ابعدى
.....................
فضلوا باصين ليزيد
يزيد ببرود : خير
ريان : كل خير
قاسم : اعترفتلها ازاى ومن غير ما تقولنا
يزيد : مش لازم اقول كل حاجه
خبط الباب
اسر باستغراب: مدام رزان
رزان : ملك فين يا اسر
اسر : خرجت تجيب حاجه ... انتى عرفتى منين أننا هنا
رزان : مش مهم أنا هستنى برا ياريت تتصل بيها تخليها تيجى بسرعه علشان مش بترد عليا
اسر : حاضر
خرجت رزان
بص قاسم لأسر
قاسم : هتتصل بيها بجد
بعد ربع ساعة جت ملك ومي
رزان : كل دا علشان تيجى
ملك : بتعملى ايه هنا
رزان قربت منها بهدوء وشديتها ومشيت
مي : ملك
شاورلتلها ملك تفضل ومشيت
زقت رزان وقعت على الأرض اتعورت
رزان بهدوء: انتى بتحاولى تعملى ايه انا عايزه افهم ..... عايزه تبينى للكل أن ادم وحش وانتى إلى كويسه هقولهالك يا ملك للمره الاخيره ادم هو. إلى المفروض ياخد كل دا
ملك بابتسامه حزينه : مين يصدق انى المفروض بنتك بردو
رزان : دى الحاجه الوحيده إلى بندم عليها انك بنتى معرفش أنا ليه خلفت واحده زيك من الاول
ملك : بتتمنى اموت دايما .... متقلقيش فى يوم من الايام هحققهالك
رزان : ياريت فى اسرع وقت ...... وبالنسبه للى موجود جوه دا انا عرفت انكم ارتبطوا ولازم تسيبيه انتى نسيتى أن مامت جاسر اتكلمت عليكى أنا مش عارفه هى عاجبها فيكى ايه واحده غبيه زيك ....
قاطعتها ملك بهمس : متتكلميش عنه وحش
رزان : قولتى ايه
ملك بهدوء : متتكلميش عن يزيد وحش
رزان ضربتها بالقلم : هتعلمينى اتكلم ازاى كمان ..... أنا نفسي افهم مطلعتيش زى اخواتك ليه
ملك بسخرية : اخواتى مين ادم وفريده ولا اخويا الأكبر إلى لحد دلوقتى معرفش راح فين
رزان : ششش قومى امشي من هنا بوظتى اعصابى شوفى حته تبعدك عن عينى وحطى كلامى فى دماغك دايما
سابتها رزان ومشيت
مد اسر أيده ... بصتله ملك وقامت لوحدها
اسر : بعتلك رسايل علشان متجيش
ملك بتنهيده : كده كده كانت هتعرف توصلى
اسر : اتعورتى
ملك بابتسامه: خليك مع يزيد والباقى ماشي وقولهم انى تعبت أو اى حاجه محتاجه ابقى لوحدى شويه
اسر : ماشي ... هتبقى كويسه
ملك : هيحصل ايه اسوء من كده يعنى
اسر : يزيد احتمال يخرج انهارده
ملك وهى ماشيه : كده كده مش هبقى فى البيت
...............................
بليل فى بيت كارما
كارما: كلنا عارفين انك من الاول مخطوبه لجاسر حتى لو كلام
ملك بتفكير.: مبحبوش يا كارما أنا مش عايزه غير يزيد
كارما : ملك أحد الأسباب اى. كان بتخيلى مبقاش صحبتك فى. الجامعه جاسر صدقينى كان بيهدد اى حد يقرب منك
ملك : محدش مهتم بالى أنا عايزاه ليه
كارما : يمكن علشان انتى مفكرتيش تقولى
ضحكت ملك بسخرية: تفتكرى أنا مقولتش طول عمرها مش شايفه غير ادم وفريده علشان فريده راحت اتجوزت حد اصلا متعرفوش علشان رزان هانم عايزه كده وادم علشان محسسها أنها الأمر الناهى فى كل حاجه إنما أنا ..... أنا عمرى ما حسيت انهم بيحبونى أو ليا عيله حتى علطول كنت حاسه بالوحده يبقى باى حق تيجى تقولى احب مين ومحبش مين
كارما : انا متاكده أن دا مجرد اختبار من ربنا والى هيجى بعد كده
ملك : ونعمه بالله بس انا تعبت إلى بيجى بعد كده مش حلو يا كارما كل مادا الموضوع بيبقى اصعب عليا
كارما : كل حاجه ليها ضريبه يا ملك والى كان بيحصل كان ضريبه نجاحك وثروتك والى هيحصل كده ضريبة حبك
رن تليفون ملك
كارما : شكله قلقان دى المره 11 إلى يتصل فيها فى نفس الدقيقه
ملك سندت رأسها بحزن: مش قادره اتكلم مع حد
.................................
يزيد بقلق : مبتردش
مي : يمكن عند كارما
اسر : عرفتى منين اصلا
مي : كل مره بتقابل امها بتروح لكارما
يزيد : مين كارما دى ومعاكى رقمها
مي : تبقى صحبتنا وبنت خالة ملك كمان
يزيد : هاتى رقمها طب بسرعه
اتصل يزيد وفتح الاسبيكر
كارما : الو
مي : ازيك يا كوكو عامله ايه انا مي
كارما : ايه ما يويا عامله ايه
مي : أنا كويسه الحمد لله ..... بقولك ملك عندك
بصت كارما جنبها : اها جنبى
مي بتفكير : طب مش بترد علي التليفون ليه
كارما بتنهيده : الوضع صعب هنا شويتين بس
اسر : السبب
كارما : خالتو كالعاده
مي بتفكير : حصل ايه طيب يا كارما قوللنا اى حاجه
حكتلهم كارما إلى حصل
مي شاولت ليزيد يسكت : يعنى هى مش هترجع
كارما : هترجع بس ممكن بعد ساعه ولا حاجه
اسر : خلى بالك منها يا كرامله
كارما بضحك : هتدينى تعويض
اسر : عينى ليكى
كارما : أما نشوف ....... اسر بقولك ايه متسيبوش ملك لوحدها ابدا
مي : ليه
كارما بشك : حاسه كده أن في ميول انتحاريه جايه فى الطريق خصوصا بعد ما خالتو قالتلها أنها عايزها تموت بأسرع وقت
اسر. : تمام خلى بالك من نفسك
كارما : وانتو كمان سلام
قفلت كارما
مالك : أنا مصدوم من إلى بيحصل دا بجد
يزيد بعصبية: ازاى تقدر اقولها كل دا هى مفكره نفسها مين علشان تقولها تبعد ولا تقرب
ريان: المهم دلوقتى انك تهدى يا يزيد وبما انك لازم ترتاح فتره الاول فمي و اسر لو سمحتوا انتو خلوا بالكم منها
مي قعدت وحطت ايديها على رأسها : أنا مبقتش عارفه المفروض اعمل ايه
اسر : متقلقيش هنعرف. ........ حاليا وبنسبة 90% ملك هتدخل فى اكتئاب مش عايزين نحسسها أننا عرفنا حاجه
مالك : ولو قولنا أننا عرفنا هيبقى امها إلى جت قالتلنا
اسر : بالظبط
ريان : أن شاء الله خير
.......................
رجعت ملك فى وقت متأخر
ملك بتعب : يارب عدى الايام دى على خير أنا بجد تعبت
قعدت ملك على الأرض وعيطت ....... وقف يزيد قدامها ... مسحت دموعها
ملك : انت ايه إلى خرجك دلوقتى انت مش عارف أن كده غلط
يزيد: قلقت عليكى ..... ملك انتى مش مجبره دائما تبقى قويه قدامى ماشي
ملك بابتسامه: أنا كويسه كده كده متقلقش
يزيد: عارف انها قالتلك انى ممكن اسيبك ( مسح يزيد دموعها ) متقلقيش أنا مستحيل افكر ابعد عنك خالص
حضنته ملك وهى بتعيط : اوعدنى بكده انت بتنفذ اى حاجه
يزيد : اوعدك أن عمر مافى حاجه هتفرق بينا ابدا
ملك : لو أنا بعت أعرف انى مش عايزه ابعد بس مجبوره متسبنيش معاهم لوحدى ابدا
يزيد حط أيده على شعرها: حاضر ......... يلا ندخل
«««««««««« يتبع »»»»»»»»»»»»»»
