'''''' '' ''''' '''''''''''''''' ''''''''' ما يخفيه الظلام ''' ''' '''' ''''
البارت 12
جت عربيه بسرعه وخبطتها
فى المستشفى
وحيد: انتى كويسه
ملك بوجع : جسمى مكسر هو حصل ايه
وحيد : جسمك مكسر ايه بس انتى مافيش فيكى كسر واحد بس
ملك : الله واكبر فى عينك فى ايه مش كده قول مشاء الله
وحيد :. مشاء الله يستى أنا هروح اتصل بيهم فى البيت
ملك : لا متتصلش بحد
وحيد :. عايزه تتصلى بيه صح لا مش هخليكى تعمليها وقبل ما تتصلى بيه هكون قايل لجدتك
بصتله ملك بنظره كلها شر
ملك: عمرك سمعت عن الدكتور إلى المريضه قتلته ومتحبسش
وحيد بعدم فهم : دكتور مين دا
مسكت ملك مشرط: دكتور كده طلعنى عن شعور فقررت اخلص عليه
حطته على رقبته : كلمتين مافيش غيرهم لو مفكر أنى باقيه على حاجه تبقى عبيط .... ابعد عنى وخلينى أخرج علشان أنا ممكن اعملك اكل كلاب مش بنى ادمين حتى
وحيد بخوف : بس
ملك : لو حد عرف انى جيت هنا هخليك لا تصلح للعيش فى المجتمعات كلها ويبقى الموت احسنلك من انك.تشوف وشي الجميل دا
سابته ملك ومشيت وقفت واحده فى الشارع
ملك بترجى : معلش ممكن دقيقه بس اتصل بحد
اديتها التليفون
ملك بوجع وتعب : ايه يا كارما
كارما : مين معايا
ملك : أنا ملك يستى فوقى معايا
كارما : ملك انتى فين احنا قلبنا الدنيا عليكى
ملك : مش وقته دلوقتى معرفش تليفونى فين ابعتى اسر أو كلمى مراد ابعتيهولك يستى عملت حادثه جسمي كله واجعنى ومكسر بجد
كارما. : ماشي ماشي انتى فين دلوقتى
ملك. : أنا معرفش كل إلى اعرفه ان دى المستشفى إلى بيشتغل فيها وحيد
كارما بتركيز : عرفتها عرفتها اقفلى وانا هبعت حد ياخدك دلوقتى سلام
قفلت ملك
ملك : شكرا لحضرتك
اتمشت ملك شويه لحد ما قعدت بعيد عن المستشفى وسندت على الحيطه
...............................
يزيد بخوف : بردو ملقتهاش
مالك: أن شاء الله خير هتروح فين يعنى
رن تليفون أسر
اسر : دى مي
شد ريان التليفون منه وفتح الاسبيكر
ريان : ها يا مي
مي : حد فيكم بسرعه يروح يجيب ملك من مستشفى***** إلى فى شارع قصر النيل
مالك : مستشفى ليه
مي : معرفش بتقول حادثه ولا معرفش حصل ايه المهم حد يروح يجبها
ركب يزيد عربيته بخوف كبير ومشي
.................
طول الطريق يزيد كان بيانب نفسه وبيلومها انو سبب فى إلى حصل لملك وانو عمروا ماهيسامح نفسه مهما حصل
وصل يزيد وفضل يدور على ملك
يزيد بخوف : ملك ... ملللك انتى فين
فضل يدور كتير لحد ما لقاها
جرى يزيد وشدها لي بسرعه
ملك بوجع : ايدى ايدى
يزيد بخوف وقلق كبير : انتى كويسه ايه إلى بيوجعك فى دكتور شايفك
بعدت ملك أيده بعيد
ملك : مافيش داعى لخوفك الكداب دا روح خاف عليها هى اكتر هى المفروض تبقى اهم منى عندك
يزيد بعصبية: مافيش حد اهم منك وبعدين انتى ازاى تفضلى لحد دلوقتى فى الشارع انتى عارفه الساعه كام اصلا أو حتى إيه إلى ممكن يحصل انتى ليه دايما عايزانى ابقى قلقان عليكى كده
عيطت ملك : متزعقليش كده... وبعدين اصلا اصلا انت مالكش دعوه احنا مش فركشنا وانت قولت انك مش بتحبنى اصلا وانك كنت بتستغلنى و .... و ..
مسكت ملك قلبها بوجع
يزيد: في ايه
وقعت ملك على الأرض
يزيد مسكها: ملك .... ملك فوقى
شالها يزيد ودخلوا المستشفى يزيد بعصبية: شوف مالها
كان واقف وحيد بيبصله ببرود
يزيد: بقولك شوفها
وحيد : لازم حد من أهلها يقولى
الممرضه: ضربات القلب سريعه اوى يا دكتور
سابهم وحيد وعلى وشه ابتسامه
وحيد: متقلقيش شويه والقلب هيقف
مسكه يزيد من هدومه : عملت فيها ايه
وحيد: ولا حاجه هى كانت تعبانه فقولت اديها حاجه تريحها مش اكتر
رفع يزيد أيده علشان يضربه
مراد مسكه : انت دكتور وسخ يا وحيد عمرك ما هتتغير .... دخليها اوضه الطوارئ بسرعه
وحيد: سلطتك ايه هنا
مراد بعصبية: تحب تشوف سلطتى بجد
سابه مراد ومشي
قربت كارما من وحيد وضربته بالقلم
كارما : دى علشان تفكيرك مع ادم من ورانا
ضربته تانى : ودى علشان أنا قولتلك وحذرتك تفضل بعيد عن اختى ... ودى علشان
مسك وحيد اديها وزقها بعيد
مالك ضربه فى وشه
مالك بتحذير : ايدك النجسه دى متقربش عليها تانى ..... انتى كويسه
فضلت كارما بصاله شويه
خرج مراد وطلع تليفونه
مراد : تيتا فى حاجه لازم تعرفيها لو سمحتى تعالى على المستشفى القديمه
قفل مراد وبص لوحيد : يا امننن متخلوش الحيوان دا يروح فى حته
يزيد : مراد .... مراد طمنى
مراد هى عامله ايه
بصلهم مراد وسكت
كارما : ما تنطق
مراد: لحد دلوقتى الحاله مستقره معرفش بعد كده ممكن يحصل ايه وخصوصا أنى مش عارف اصلا هو أداها ايه
فضلوا كلهم قاعدين وبعد ساعه وصلت أنهار والباقى
فريده : ملك مالها يا مراد
انهار بقلق : هى فين
مراد : هى كويسه بس دى شروع فى قتل هو أداها نوع حقن معين المفروض يتاخد بنسبه قليله اصلا هو ادهولها بنسبه كبيره جدا فوق المعتاد وغير كل دا هى مكنتش محتاجه
وحيد: لا كانت عامله حادثه كان لازم اديهولها
مراد بعصبية: من امتى الادرينالين بيتحقن بالكمية دى أنا عبيط
بصت انهار لوحيد
وحيد بخوف : ادم قال انو عايز يخلص منها
ادم بهدوء: أنا مجنون أنا هقتل اختى الصغيره
مسك يزيد وحيد وفضل يضرب فيه........ مسكوا يزيد بالعافيه وسط نظرات انهار
انهار : خدوه من هنا يلا...... يزيد تعالا معايا
راح يزيد وراها
فريده: أنا عارفه أن انت إلى عملت كده
ادم: على اساس انك مش بتتمنى دا يحصل
فريده: لا طبعا عمرى ما اتمنى كده انا قولتلك تبعد عن الشغل بس ... بس هى فى الأول والآخر اختى والمفروض أنا الأكبر منها عمرى ما شوفت منها حاجه تستدعى أن اموتها بالطريقه دى يا آدم متكلمش فى إلى. بتعمله
تجاهل ادم فريده ومشي
........................
عند يزيد
يزيد بضيق : بصي أنا عارفه انتى عايزه تقولى ايه بس انا مش همشي غير لما.....
انهار: عمرهم متعاملوا معاها على أنها فرد من العيله من وقت ما كان عمرها 5 سنين لسه
بصلها يزيد بتركيز واستغراب
أنهار بتنهيده : مش عارفه أنا وجدها السبب ولا هما الرحمه انعدمت من قلوبهم ..... كانت اصغر احفاد العيله وبمعنى أصغرهم فهمى فعلا أصغرهم الكل كان بيحبها كانت جميله وطيبه وبتحب الكل زى دلوقتى بالظبط كانت مركز اهتمام الكل حتى اعمامها وعمتها وحتى أهل كارما الله يرحمهم عمر ما حد حس بالغيرة من ناحيتها الا ادم معرفش ليه كان بيفضل يعمل معاها مشاكل رغم أن فى فرق سن كبير بينهم ..... عدت الايام وجدها مات وبدأت معاملة رزان تتغير معرفش هل هى بتكرها بجد ولا بتمثل الحقيقه بس عمرى ما تخيلت أنها ممكن توصل للقتل كده
يزيد بعدم فهم : أنا مش فاهم حضرتك بتقوليلى كده ليه
انهار : أنا مش بحبك ولا بحب صحابك ودا شئ اكيد بس عمرى ما شوفتها مبسوطه اوى كده زى ما كانت معاكم وخوفك دلوقتى بيوضحلى أن إلى سمعته عنك كلو كان غلط وهى إلى كان معاها حق
حطت ايديها على كتفه : أنا بقيت واثقه دلوقتى انك هتعرف تخلى بالك منها وعمرها ما هتتاذى جنبك ........ علشان كده انا بحسب كل كلمه قولتلها متبعدش خلاص
فضل يزيد باصصلها شويه وهو جواه مليون سؤال وازاى هيشرح لملك كل الى بيحصل وازاى اصلا جدتها اتغيرت بالطريقه دى
انهار بتردد : أنا اسفه على الى قولتهولك قبل كده
يزيد بتوتر : لا لا حضرتك مش لازم تعتذرى منى ولا حاجه أنا الأصغر المفروض انا إلى اعتذر عن كل دا
ابتسمت انهار بخفه
يزيد بارتباك : ممكن ادخل علشان بس قلقان
انهار :روح روح
جرى يزيد
عثمان : عملتى كده ليه مع أن مع فريده كنتى مصممه على رايك
انهار : فى وقت فريده أنا كنت شايفه الغدر فى عينه وكنت متاكده أن إلى يبان فى عينه نظرة غدر كده يبقى ولا بيحب ولا عمره هيحب ....... زمان ابوك قالى أن الراجل إلى بيحب بجد عمروا ما يقدر يشوف حبيبته بيحصلها حاجه ويقف يقول ماليش دعوه أو مع اوى مشكله تقابلهم يسيبها ويمشي .... اذا كانت ملك هتتعب فى بعادهم فهو هيتعب أضعاف اضعافها فهمت
عثمان : أنا فهمت بس انتى مش خايفه من ماضيه
انهار بضحك : لو كان على الماضي مكنتش جبتك
عثمان بضحك : قلبك كبير اوى انتى
شدته من ودنه : لو مفكر أن علشان كبرت وعيالك. هيخلوك جد قريب يبقى هسيبك كده لا أنا ممكن اربيك من الاول وجديد عادى
عثمان : بس باه شكلى هيبقى ايه قدام الناس كده
.........................
مالك بتردد : كارما
كارما : نعم
مالك : روحى البيت ارتاحى وتعالى تانى بكره
كارما : لا طبعا مش همشي
مي بصت لريان : ولا أنا
يزيد : خلاص يا بنات كلكم هتمشوا اصلا
كارما : لا علشان ملك اوقات بتحتاج حاجات بليل
يزيد : انتى مش واثقه فيا ولا ايه
كارما بضحك : ولا 1% حتى
يزيد بابتسامه : شكرا لثقتك الغاليه دى ..... اسر خد الكل وروح البيت ( قرب منه بهمس ) متنساش إلى قولتلك عليه
اسر : حاضر
خدهم اسر بالعافيه ومشيوا
انهار : ادم فين يا فريده
فريده: مش عارفه يا تيتا كان هنا
.......................
عند لوكا
كان قاعد لوكا
ماهر بتفكير : انت نسيت يزيد والى معاه ولا ايه
لوكا بتجاهل : شووووط باه
رمى دراع البلاى ستيشن
لوكا : الدراع دا بايظ على فكره
ماهر بعصبية: أنا بكلمك
بص لوكا لادم : لو مكنش الغبى دا عمل كده كان زمانى اتحركت بس اى حاجه هتحصل دلوقتى هتخلى العين علينا زياده
ادم : انت مكنتش بترد علي اتصالاتى ولا كنت مدينى عقاد نافع كان لازم اتصرف واخلص عليهم
ضحك لوكا باستهزاء : وعرفت تتصرف وتخلص عليهم اديك اتحطيت فى الدماغ اكتر ورينى باه هتعمل ايه
ماهر : فى مشكله بدأت تظهر اكبر دلوقتى
لوكا : انت مبتعرفش تجيب غير مشاكل
ماهر: جد يزيد بيدور عليه ولو يزيد عرف إلى أنا عملته مش هيرحمنى
لوكا : حل مشاكلك بعيد عنى
ماهر : يعنى ايه احلها بعيد. عنك نسيت أن انت زمان إلى خلتنى اجيبه لابوك
لوكا بهدوء :. تؤتؤتؤ انت جبته علشان كنت مفكر أن اختك ممكن تبقى زوجه تانيه لابوه متجيش دلوقتى تقولى الغلط عليا ماشي
سابه لوكا ومشي
...................................
فى المستشفى كان قاعد يزيد جنب ملك وماسك أيدها
يزيد بعيون فيها الدموع : اتعودت تكونى اوقات هاديه بس كنتى بتبقى صاحيه بردو كنت على الأقل عارف انك كويسه لكن دلوقتي أنا مش حابب الوضع دا مش حابب تبقى هاديه فى المستشفى
سكت شويه وبعدين قام وقف : أنا بأمرك دلوقتى تقومى .... اتخانقى معايا وقوليلى انك مش بتتامرى من حد على الأقل ......قولى اى حاجه بس متبقيش كده
خبط مراد ودخل
مراد باستغراب : غريب لحد دلوقتى مفاقتش
يزيد : مش هينفع أفضل هنا لازم امشي
مراد : ليه مش هتستنى لما تفوق
يزيد : هرجع تانى اكيد بس لازم ابقى فى البيت دلوقتى ..... لو حصل اى حاجه قولى
خد يزيد حاجته ومشي
مراد : مش هتستنى تفوق
يزيد: مينفعش تشوفنى
...........................
فى بيت كارما
كانت قاعده كارما بتعمل حاجه
مالك: بتعملى ايه
قفلت كارما بسرعه اللاب
كارما بتوتر : انت مرحتش معاهم ليه
مالك بشك : هروح معاهم ليه اصلا وهسيبك انتى ومي لمين
كارما بابتسامه مرتبكه : اه صح نسيت معلش
مالك : انتى كنتى بتعملى أيه
كارما : ولا حاجه أنا بس كنت بخلص شغل فى الشركه عند ملك
مالك بصلها بتركيز: شغل ايه
كارما : مش مهم يا مالك بتسال كتير ليه يعنى
مالك : بستفسر بس بلاش استفسر
كارما : لا لا براحتك
رن تليفون كارما
كارما : بعد اذنك قامت كارما وبعدت
.......
كارما بهمس : أنا عملت إلى مخططين لي بس مش عارفه المفروض هنعمل ايه بعد كده .... البيت الأساسي متراقب وفى كاميرا من الكاميرات مش شغاله والكاميرات الاساسيه فى المكتب كلها مش شغاله بس فى حد دخل المكتب وكان بيدور على حاجه
ملك بتعب : حد نعرفه
كارما : لا غالبا مش تبع ادم
ملك بتفكير : انتى شوفتى بيت ماهر
كارما : سمعت كام حاجه كده بس لسه متكلموش فى حاجه مهمه ..... وكمان اخر موقع لادم كان عن ماهر فى البيت ومن وقتها مخرجش
ملك : تمام ..... سيبى كل حاجه انتى مين معاكى فى البيت
كارما : كلهم مشيوا معادا مالك ومي معايا
ملك : خلى بالك من مالك ها مالك ذكي ولو قفشنا هيعرف يزيد كل حاجه ماشي يا كارما مش عايزين غلطه
كارما : وبالنسبه للبنت إلى قولتى عليها
ملك : بيلا مشكلتى معاها مش كبيره زى ماهر وادم ...... ماهر وادم بيهددوا مستقبلى وشغلى وبيشكلوا خطر على حياتى عموما هنخلص من حاجه حاجه
كارما: هتفضلى ممثله انك مش واعيه لحد امتى
ملك : الصبح هفوق
كارما : ماشي خلى بالك من نفسك
قفلت كارما ولقت مالك وراها
كان واقف وبصصلها بوش مافيوش تعبيرات
مالك : كنتى بتكلمى مين
كارما بارتباك : ولا حد
شد منها التليفون
مالك بعصبية: إيه دا
كارما بتلعثم : دا دا دا .....
مالك: دا ايه ردى
كارما: خلاص هفهمك وامرى لله
حكتله كارما كل حاجه
مالك : بتلعبوا يعنى
كارما: لا بص يزيد مش المفروض يعرف دا نوع من أنواع العقاب لي اصلا وغير كده لو عرف مش هيرضي بحاجه زى كده
ربع مالك ايده واتكلم بسخريه : ومين قالك أن أنا موافق اصلا
كارما : لازم توافق يا مالك مافيش حل تانى لازم نبعد ماهر و ادم عن الطريق
مالك: انتى عارفه يزيد والباقى فين دلوقتى
كارما باستغراب: ودا ايه علاقته بالى بقولك
مالك : بكره تعرفوا
سابها مالك ومشي
كارما : مااالك .... ماااالك استنى
جريت كارما وراه
......................
الصبح فتحت ملك عينيها لقت جاسر
بصتله ملك : انت بتعمل ايه هنا
جاسر بتمثيل القلق : الحمد لله انك كويسه
ملك بهمس : قرب
جاسر : فى ايه
ملك : اطلعوا برا
دخل مالك
مالك: عايزك
رزان : لسه فايقه دلوقتى
مالك : مش مهم أنا عايزها دلوقتى
كارما : معلش يا خالتو سبونا شويه
خرجوا كلهم
كارما : ملك فى حاجه لازم تعرفيها
ملك: ايه
كارما : اخوكى قرر يساعد يزيد
ملك بقلق : اخويا مين
....................
فى مكان شبه خالى من الناس كان واقف يزيد وخد تانى
يزيد مد ايده : موافق تساعدنى
حسام بابتسامه : اااكي..
قاطعته ملك من وراه
ملك : لا مش موافق
يزيد بقلق : انتى ازاى تيجى هنا المفروض تفضلى فى المستشفى
تجاهلة ملك كلام يزيد وراحت قدام حسام.
ملك بغضب : انت مش هتساعدهم علشان محدش محتاجك
حسام : تفتكرى ..... بس انا رأى
ملك بضحك : رايك .... دا مين العبيط الى طلبه
حسام : ليه متغيرتيش وقولتلك عندى اسباب
ملك : مش جايه اسمها يا حسام مالكش دعوه بيهم ماشي هما مش زيك
راحت ملك ومسك ايد يزيد علشان تمشي
حسام: قولتلك ادم مكنش موافق
ملك ملك بعصبية : وانا قولتلك انى هساعدك قولتلك خليك اتحايلت عليك وانت عملت ايه
حسام بزعيق : مش المفروض انتى إلى تساعدينى وتحمينى منهم أنا إلى المفروض اعمل كده
ملك بهدوء. : حسام أنا بجد تعبانه ومش قادره حتى اقف دلوقتى متخلنيش اتكلم كتير اهرب تانى انت مبتعرفش تعمل غير كده اصلا
كان يزيد هيتكلم بس مسكه مالك
مالك بهمس : خلينا نمشي احسن
..............................
دخلت ملك البيت وقعدت
يزيد. : انتى لازم تروحى المستشفى.... وانتو ازاى تخلوها تخرج اصلا
ملك بهدوء: عرفت حسام منين
يزيد : يعنى ايه عرفته منين ..... انتى إلى عرفتيه منين اصلا
ملك : يبقى اخويا .... جاوبتك خلاص اتفضل انت ادينى اجابه باه
اسر : أنا إلى كلمته
ملك بهدوء: هحاول متعصبش ماشي ........ مين قالك تكلم حسام من غير علمي يا اسر
اسر : علشان كنا محتاجينه يا ملك انتى كان ممكن يحصلك حاجه
ملك : طب علشان نحسم الموضوع دا وميخدش اكبر من حجمه اى حد من إلى موجودين هنا بيفكر ياخد مساعده من حسام ياريت ينساني
اسر. : كان ليه اسباب متعمليش معاه كده
ملك بعصبية: متخلنيش اشتمك أنت واسبابه ..... دا ايه حرقت الدم دى انتو اكيد كلكم عايزين تموتونى صح
قامت ملك بعصبية : دى عيشه تقرف
سابتهم ملك ودخلت المطبخ
««««««««««««««« يتبع »»»»»»»»»»»»»»»»»
