'''''' '' ''''' '''''''''''''''' ''''''''' ما يخفيه الظلام ''' ''' '''' ''''
البارت 22
دخلت ملك المكتب وقعدت
ملك : قاسم قولهم يجيبوا باقى الورق بتاع اخر مشروع دلوقتى
قاسم : حاضر
ملك بتفكير : ااااه وعارف الشغل المشترك بينا وبين شركه جدو صالح
قاسم : اه
ملك : هاتهولى كمان اوريهم الدنيا عامله ازاى
قاسم : حاضر اى حاجه تانيه
ملك : لا ... كلم اسر بس شوفه عمل ايه
قاسم : حاضر
فتح قاسم الباب لقى رئيس القسم
قاسم : فى حاجه
دخل بسرعه
رئيس القسم : فى حاجه مش حلوه بتحصل
ملك : فى ايه
اداها التابلت : البرصا بتقع
ملك باستغراب: ازاى امبارح كان كل حاجه كويسه
رئيس القسم: أنا لسه جاى من الحسابات وفى خلال 24 ساعه احنا خسرنا 3 مليون جنيه
مالك بصدمه : 3 مليون ايه
ملك : انت متاكد ان الكلام دا صح
رئيس القسم: اه دا إلى خدته من هناك وقولت لازم اجى اوريكى
ملك : غريب مع أن كل الاخبار انهارده بتقول. إن البرصا فى ازدهار وبعدين حتى لو خسرنا فى مصر المفروض إلى برا مصر يغطى ¾ الخساير
رئيس القسم: يعنى ايه
ملك : روح انت دلوقتى وانا هعرف اشوف الموضوع دا
رئيس القسم: بس
ملك بزعيق : قولت روح خلاص
خرج رئيس القسم وقفل الباب
مالك : دى خساره كبيره اوى
ملك بابتسامه: انت صدقت
يزيد : يعنى ايه
ملك : هتعرف
مسكت ملك تليفون المكتب
ملك. : وصلينى بالحسابات بسرعه
بعد دقيقتين
ملك : تعالا حالا المكتب
قفلت ملك
ريان : انتى بتتحولى كده امتى أنا بدأت اخاف
ملك بابتسامه: الشغل شغل يعنى مثلا لو فضلت اتعامل فى الشغل زى ما بتعامل معاكم أو مع كتكوتي دا مظنش انى كان زمان ليا المكانه دى
يزيد بإعجاب : كل مره بانبهر بيكى اكتر من الاول
ملك بضحك : طب اسكتوا باه خلونى. اشوف شغلى
مالك : أنا كان عندى فضول اعرف حاجه
ملك: قول
مالك : كنت اسمع دايما أن اى حد من رجال الأعمال لازم يبقى ليه حد فى الشرطه أو الجيش مثلا فهل انتى ليكى
ملك بضحك : انت بجد متعرفش
يزيد باستغراب: اعرف ايه
ملك : أن معاذ نقيب و حسام رائد.
ريان بصدمه : دا بجد
ملك باستغراب: فكرتكم عارفين والله
خبط الباب
ملك : ادخل
دخل مدير الحسابات
ملك : ممكن تفهمني ايه دا
اديته ملك الورق
مدير الحسابات بتوتر : دا بسبب ...
ملك بحده : بسبب انك بتسرقنى صح
مدير الحسابات: أنا مسرقتش حد أنا كنت باخد حقى
ملك: وانا هديلك حقك بردو دلوقتى علشان تعرف انى مباكلش حاجه على حد
مدير الحسابات: تقصدى ايه
ملك ببرود قعدت على الكرسي : يعنى دى فيها 3 سنين وجدعنه منى ممكن اخليهم 6 كمان ( رفعت التليفون): ابعتيلى معاذ أو حسام بسرعه
مدير الحسابات بترجى: خلاص خلاص هقول
ملك : ها
مدير الحسابات: استاذ ادم جالى من فتره وقال انو محتاج الفلوس دى وهددنى بأولاد وانا ملقتش حل غير كده
ملك بتفكير: متأكد من الكلام دا
مدير الحسابات: زى ما أنا متأكد انى واقف دلوقتى
ملك : ماشي .... بس دا بردو ميمنعش انك سرقتنى علشان كده هكتفى انى ارفدك وبس .... اتفضل سلم حاجتك للسكرتيره وامشي
خرج وقفل الباب وراه
ملك: يادى ادم زفت
يزيد : ناويه على ايه
ملك بابتسامه: انت ورتنى بتاخد حقك من إلى بيدايقك ازاى فى حياتك الخاصه .... جه وقتى اوريك هاخد أنا حقى ازاى
مالك بضحك: أنا واثق فيكى
.............................
بليل فى المطعم
دخل يزيد وكانت كارما مستنياه
كارما : الكلاسيك لايق فيك اكتر من الكاجول
يزيد بضحك : بجد
كارما بضحك. : أنا مش بعاكس علشان مقدرش على ملك أنا
يزيد : لكن مالك عادى مش كده
كارما : مش اوى يعنى ..... اقعد
قعدوا الاتنين
كارما : تشرب ايه باه
يزيد بهمس : أنا دلوقتى إلى بقيت رجل اعمال المفروض اعزمك اسكتى باه
كارما بضحك : نقطه ضعفي رجل الأعمال حيث كده ناكل باه
يزيد : أنا دلوقتى عرفت انتو ليه علاقتكم ماشيه .... شوفها تاكل ايه
طلبت كارما اكل كتير
كارما بضحك: اوعى تكون متقله عليك ولا حاجه
يزيد بسخرية : ودى تيجى بردو ........... مخليانى سايب حبيبتى وجايلك ليه باه
كارما : بص انا معرفش حد تانى قريب من مالك غيرك .... أنا عايزه اعرف هو متغير معايا ليه ومش بيرد عليا زى الاول ودايما مش فاضي غير لملك وبس وقت ما تكلمه يرد حتى لو أنا إلى عايزاه
يزيد بهدوء: بصي لازم تفهمى أن احنا فى حياتنا كلها متحطناش فى مكانه زى دى احنا دلوقتي بقينا مش بس مسؤولين عن نفسنا احنا كمان مسؤولين عن اسم عيله كامله لازم نعمل الله نقدر عليه علشان كل حاجه تمشي كويس ومحدش يعرف يبوظ حاجه..... والفترة دى كمان انا ومالك وريان متوترين وتقدرى تقولى خايفين بس انا بحكم أن ملك قدامى طول الوقت مش بعرف أبين حاجه وتلاقى ريان بيعمل اكتر من إلى مالك بيعمله
كارما : طب المفروض أنا اعمل ايه دلوقتي أو اتصرف ازاى
يزيد : حاولى تتفهمى الوضه متضغطيش عليه زياده ماهو مضغوط خليه يحس بالأمان معاكى فهمتى
كارما بتفكير : مش اوى بس هحاول
يزيد باستسلام: فوله واتقسمت نصين فعلا
...................................
عدت فتره من أصعب الفترات إلى مروا بيها واختفى لوكا
ملك بنوم : سبينى أنا يا كارما ورحمة امك طول الليل صاحيه
كارما : انتى عارفه انى مبعرفش اروح هناك لوحدى تعالي معانا
ملك : مي معاكى روحوا انتو الاتنين
مي : مش خايفه واحده تلف على يزيد من غير علمك
ملك : خليها تلف عليه وتاخده لحد ما انام واصحى
كارما شدتها بالعافيه : قومى يلا
قامت ملك وهى بتأفف : وسعى كده
...........................
فى النادى
كان الشباب بيجروا
بيلا : اهو ده اللي بحبه
سلمى بسرحان : ودا مالك يا هايدى ومتأكد أن دا ريان إلى انتى بتحبيه
هايدى بضحك : وحتى لو مش بحبه احنا قولنا لازم نتجوز 3 صحاب
بيلا : ومش هنلاقى احلى وأجمل منهم وعلى ضمانتى
بعد شويه وقفوا يرتاحوا ووصلوا البنات
سلمي بدلع: خد يا ملوكتى اشرب تلاقيك عطشان
مالك : وسعى ايدك يا سلمي
كارما مسكتها من أيدها وزقتها
كارما : أنا هشربه يا حبيبتى
هايدى : انتى ازاى تمدي ايدك عليها
كارما. بزعيق: واكسرها كمان لو حابه
هايدى رفعت أيديها علشان تضرب كارما مسكتها ملك وزقتها بعيد
هايدى: يولاد....
ملك : جربى تقربى منى كده علشان تلاقى نفسك برا المكان كله
سلمي بسخريه : بحب ثقتك إلى ملهاش لازمه اوى
ضحكت ملك : تحبى تشوفى ثقتى ممكن تعمل ايه
مالك: خلاص خلاص خلونا نمشي
شد مالك كارما ... وقربت ملك من بيلا
ملك بهمس: أنا عارفه كل حاجه ابقى خدى بالك ماشي
سابتها ملك ومشيت
مي : مكنش لازم تعملى مشكله يا كارما
كارما : وماله اسيبها تقربله واسكت
خبطتها ملك فى كتفها جامد
ملك بعصبية: أنا مش عايزه اسمع صوتك ماشي
كارما : لو كنا اتاخرنا شويه كمان مكناش نعرف هيحصل ايه على فكره المفروض تشكرونى
مالك بابتسامه:. طبعا ياروحى شكرا
ملك نامت على الترابيزه : أنا هنام مش عايزه كلب يصحينى ماشي
ريان : اتخمدى خلينا نرتاح
رن تليفون ملك
ملك : نعم يا تيتا .... حاضر هجبهم هناك ... مافيش مكان اقرب طيب بيعد اوى دا...... حاضر حاضر
قفلت ملك وبصت لكارما بغضب : روحوا انتو الاتنين ومسمعش صوت واحد فيكم لحد ما اموت
كارما : بس
ملك بزعيق : أمشي
.................................
دخلت ملك والشباب عماره قديمه
يزيد: ايه كل الاماكن دى بتعرفيهم منين
ملك : مش لوحدى إلى اعرفهم يا قلبى
فارس : ورينى وقت التفتيش
مسكته ملك من رقبته : أنا على أخرى يا فارس متهزرش معايا دلوقتى خالص
فارس : فى ايه
سابته ملك ودخلت
قعدوا كلهم ونامت ملك على كتف يزيد
انهار : اختفاءهم فجاه فى وراه مصيبه
فارس : حاسس ان دا هدوء ما قبل العاصفه يا تيتا وغير كده اتقطعت اخبار جاسر نهائى
انهار : ملك فى اى حاجه غريبه بتحصل
سكت الكل وبص لملك خبطت أنهار على الترابيزه
ملك بخصه : ايه ... مين... فين
انهار : انتى كنتى فين طول الليل
ملك : فى مشوار كده كان بيخلص
أنهار: فى اي حاجه بتحصل غريبه فى بيت لوكا أو ماهر أو حتى جاسر
ملك بنوم : طلعى جاسر من الحسابات دى خلاص كلها يومين او اقل ونخلص من زنه
يزيد باستغراب:. وعرفتى منين
ملك وهى خلاص بتغمض عينيها: أنا إلى هخلص عليه
......................................
عند لوكا
كرم: كده كفايه اوى انتى صابرين ليه كل دا إصلا
لوكا : عايز ايه
كرم : انت مش فاهم جدو اداهم الشركه الرئيسيه
ماهر : هنعمل ايه يعنى
كرم : لو مش هتاخدوا خطوه أنا هاخدها لازم نوصل للقصر لازم نعمل اى حاجه متحطناش فى مشكله بعد كده
ماهر : خلاص جه الوقت ننفذ خطتنا
لوكا بخبث : كرم خد حد معاك وجبولى البنتين
ماهر : وكارما ومي مالهم
لوكا : مالكش دعوه
«««««««««««««««« يتبع»»»»»»»»»»»»»»
