قلوب تائهه

حلقه 4

مساء الخير 😘❤️
قلوب تائهة
بقلمي :سيلي الزبيدي
(فصل العشائر)

من مهيمن إلى والده :
ابوي الما مخليني بوجه زعلان
فدوه اندارله شكد عنده حنيه
ابوي النفس هذا ارايح راد
اذا ينگطع لحضه توكف الريه
ابوي اعگال حير للستر منگول
ابوي بجتفه تكشخ شكو خاجيه
يتغير لون وجهه وخالگه حيل يضيج
اذا حس العسر فد يوم مر بيه
يبو النيه البيضه الگطن دايخ بيك
ابوي ويه الگطن صاروا فرد نيه
.....................................
احداث من البارت سابق :
رضا ومهيمن: كضوها ضحك رضا صعد مهيمن بسياره ع كيف وسنده صعدو اهلي بسياره وتوجهنه للبيت سعاد وشفنا
............... نبدأ

رضا : ايي خويه وين صاير بيت سعيده مدري سعديه مدري شسمها اخت عمر؟!

مهيمن : شارع دجله .... هناك البيت

رضا : خوش ..

ظلينه طريقه گله نسولف علمود الفصل

محمد : شكد عيب من ابو عمر دزالي طارش اروحن وياه لگعده عشاير ومارحت

رضا : بويه يمكن رجال مايعرف و اگيد هو رح يتفهم الوضع ..

محمد : اييي ارجع واشوفاََ شلون اتصرف

رضا : خويه دخلنه بشارع وين بالظبط

مهيمن : ضليت ادليه لحد ما وصلنا لبيتها يله يمه نزلي

نور : ايي يمه نازله ..

نزلت وضليت ادگ بالباب

سعاد : منووو على الباب

نور : انه يمه خالتج ام رضا

سعاد : ايي خاله جايتج ..

طلعتها بدون شيله كلت هيا مره وحيده ما و ياها احد وانه حنطيه وعيوني عسليات على امي وشعري طويل اسود ..

ابوي ما يقبل انگصه ابد رحت فتحت الباب ليها وجان يصير ابنها كبالي وانه بسرعه لبدت ورا الباب تعاي تفضلي خاله ..

نور : هلا يابعد كلبي شلونج

سعاد : سلمت عليها ..

شلونج خاله عمي شيخ الولد البنات شلونهم

نور : گلهم بخير حمدلله يمه ولو زحمناج بس البنيه نريد ناخذها

سعاد : جاا ليش مهيمن ما اجه خذاها؟!!

نور : والله يمه تصاوب بصدره وعدت سلامات حمدلله

سعاد : لا ميستاهل الحمدلله على السلامه ميشوف شر  انشالله تعاي دخلي شوي يمي

نور : لا يمه غير مره هسه تعبانين من مستشفى هم شوي نرتاح

سعاد : الله يساعدكم تفضلي زين گعدي هنا بالحديقة

نور  : ايي كعدت وراحت هيا

سعاد : هاا ولج راح ترحين ويا خاله نوره  جتي تاخذج ..