قلوب تائهه

حلقه 14

مساء الخير يا حلوين
قلوب تائهة
بقلمي سيلي الزبيدي
(وداعاََ حبيبتي💔)

يكول شاعر :
رايدلي بيت كبال بيت الخذاها
بلكت تمر على الباب واشتم كفاها

شايب يكول :
انطاها ابوها وكال خل يسمع افلان
باجر عرسها يصير وبلايه نيشان

............................
مقتطفات من بارت سابق
عمر : هااا خوش سؤال شوفي ...

_لان ثار لإمام علي عليه سلام مأخوذ ثاره بس ولده مماخوذ ثأرهم

مروه : ومنو الي رح ياخذ ثأرهم؟

عمر : الياخذ ثأرهم الإمام مهدي عجل الله فرجه

مروه : امممم .....

.................. نبدأ

مهيمن : اليوم اخر يوم بسنه يعني رح نخلص من 2007 تجينه 2008 ...

_طلعت الصبح لشغل مكعدت مريم كلت ...

_خطيه وعندي ملفات وسجلات مال سجناء لازم اخلصهن كعدت عليهن دك

مريم : كعدت الصبح وابتسامه على وجهي فرحانه اليوم خلصت السنه ...

_نزلت سويت ريوك بيضه سلك وجاي طلعت خبزه تريكت خلصت ريوكي لميت الماعين غسلتهن عزلت مطبخ  ...

_لميت الماعين زايده ضميتهن ونزلت بردات ذبيتها بالغساله خاطر تنغسل ولميت هول دخلت لديوان شلت فرش خليتهن بره ديون ...

_وجبت سطله مال مسح ترستها ماي وزاهي وطشيت المي وجبت مكناسه اكنس وضليت اكنس بالديوان ساعه  ...

_وبعدين طلعت المي على طرمه لان باب ديوان طل على طرمه ونشفته ومسحت الخشاب وصور محطوطه صوره حمودي وابوه ...

_وصور قديمه من تراث القديم و مسحت الارضيه 3 مرات انتظرتها تنشف يله ارجعها كلت ..

_اشغل بخور بين متنشف و ادك على مهيمن ازعجه شويه دكيت عليه بسرعه جاوب ..

_الووو

مهيمن : الووو ياهلا بصوت الحلو شلونها معشوقتي

مريم : زينه الحمدلله انت شلونك ..

_شجاي سوي ؟

مهيمن : زين  ...

_جاي اشتغل عندي شغل قابل جاي العب ..

مريم : ايي يمكن صدك جاي تلعب ..

_مهم مو هذا موضوعي تجي اليوم لو لا؟

مهيمن : لا ما اجي واحد من ظباط غايب وانه رح اخذ مكانه

مريم : وماكو غيرك بس انت تأخذ مكانه؟!

مهيمن : ليش ؟!

_تردين شي

مريم : لا هيج يله روح كمل شغلك وانه اكمل شغلي