قلوب تائهه

حلقه 6

صباح الخير
قلوب تائهة
بقلمي سيلي الزبيدي
( لا حب بلا مهيمن )

ادفـــــــع بالبلـــــم
ماادري بــــــــــــــي غرگان
والمردي انكسر والروجه خانگته

وبديرة ...مناجل سنبلة نحطيت
حصدوني وخضار الطيش ماشفته

وصدگت الرمــــل
بي تگشخ الصحراء
ماادري..الأبل كل حول ساحگته

عله گنطرة غيرك .. لاتحط رجليك
وكتك موش امان اذياب دايرته

................
مقتطفات من البارت السابق 

مهيمن : طلعت من بيتنا ورجعت لدوام عادي وطبيعي ..

بس اشتهيت جركايه ام سمسم من هذا رجال الي دائما نشتري منه صمون وهيج سوالف ..

طلعت بالسياره ورحت جبت جرك وبطريق الرجعه حاصرتني سيطره وهميه وهنا مكدرت افك نفسي منهم ....
............... نبدأ

مهيمن : وكفتني سيطره وهميه كالو ..

انزل كتلهم ..

عليش انزل اكو شي؟!

ظابط : كتلكك انززل ولتضل تلغي زايد يلهه

مهيمن : شو هذا يحجي من ورا خشمه عصبني نزلت هفيته بوكس كسرت سنه بحلكه وكتله ..

احترم نفسك واعرف ويامن جاي تحجي باثناء الحجي ..

وجان يهجمون عليه زلم مسلحه وخذوني وين مادري ..

خلو مثل مخدر على خشمي وبعده ما حسيت بشي ..
...............

عمر : نايم بليل واحس اكو صوت مال شي انشمر و انه الغرفه البيها طل على حوش شني هذا صوت ..

كمت على كيف بسام نايم يمي كعدته بسامم خوييه كوم

بسام : فزيت هاا خويه تريد شي

عمر : خويه شني هذا صوت

بسام : يا صوت خويه.

عمر : اكو صوت شي انشمر بالحوش كوم خويه شوفه

بسام :والله خويه مادري هسه اشوف شني سالفه واكلك

عمر : اجي وياك لو لا

بسام : لا ياخوي وين كايم استراح هسه اشوفنن شكو واكلك ..

كمت فتحت باب الغرفه بالمسلك ماكو احد كلت ..

خن اروحن افتح الباب رحت فتحت الباب وطلعت للحوش وهيا ضلمه ماكو ضوه ..

وصلت قريب من الباب واحس رجلي داست على حجاره اااااه يمه نشاغت روحي شني هاي ..

هذا يا مطي شامرها هنا لزمتها حسيت شي هاي موو الحجاره عاديه هاي مغلفه ..

طلعت هاي ورقه وخالين مادري شني علمود من تنشمر توكع مو طير ..

اااه خن اكومن واشوف شني هاي دخلت وسديت الباب ورحت للغرفه

عمر : هااا شني هاي البيدك؟؟!