قلوب تائهه

حلقه 10

مساء الخير
قلوب تائهة
بقلمي سيلي الزبيدي
(ظهور اخي)

على بختج يروحي مالي حيل الروج
وشراعي تعب والدفه مكسوره

ولا ساحل بقى وادري الصخر ميطوف
حتى اتعب وادور صخره مشموره

(سمير صبيح)
.........................
مقتطفات من البارت سابق

مريم : رحت سبحت وبدلت واجتي نور علمتني ومدري شنو خلصت جابت الاكل اكلت شويه ونمت من وجع من كتلها ...

_انطيني حبايه كالت ..

_مو زين حبايه تشربينها فعفتها ونمت ....
...................... نبدأ

مريم : كعدت والوجع بعده يربي شسوي غطيت بطني زين وضليت كاعده بالفراش شويه ودخلت نور

نور  : هااا عجينه يمه شلون صرتي

مريم : والله يا نور كلش تأذيني مجاي أكدر اكوم من وجعها.

نور : ميخالف امي انتي كم يوم ويروح ارتاحي انتي واذا ضليتي هيج منا لباجر اروح اخذلج اجازه من مدرسه لتشيلين هم دراسه

مريم : ايي رادت تطلع كتلها ...

_عادي تشغليلي تلفزيون

نور  : ايي تدللين

مريم : شغلته تلفزيون وراحت وانه ضليت كاعده واتفرج على قنوات ...

_شفت كارتون حلو ضليت اباوع عليه دخلت نور وكالت ..

نور : هذا عشه جبته الج كلت ...

_متكدرين تكومين من وجع.

مريم : ليش كلفتي نفسج انه على كيف اكوم واكل وهذا هواي ما اخلصه كله

نور  : بلا عياره هيا شوربه خضار دافيه وياها خبزايه وعصير شنوه الي هواي ...

_اكلي يله اروح اخلص عشه بس ياويلج يا عجينه اذا ما خلصتي ماعون اموتج .

مريم : هو أنه أكدر ما اخلص الماعون شيخلصني منج

نور : اييي عبالي يله اكلي

مريم : ايي طلعت وانه اكلت شوي شوي لحد ما خلصت الماعون كله ..

_ااخ يمه بطني شبعت كمت شلت صينيه الوجع احسن من صبح خف وجع عندي وفتحت الباب ونزلت على كيف ..

_وشفتهم ملتمين على اكل وكتلهم ...

_لا ياا خونه هيج تنسوني بكل بساطه مع الاسف عليكم

محمد : لا ياهو كلج ناسيج سمعنه دايخه وراسج مصدع كلنه ...

تعبانه

مريم : هاااااا هنا الحجي هاهيا سامحتك ههههه

محمد : هههههههه

مريم : وديت الماعين للمطبخ غسلتهن ورجعتهن بمكانهن ورحت صعدت فوك قريت تحضيرات باجر لحد ما حسيت نفسي نعست اجاني سلطان نوم واخذني