قلوب تائهه

حلقه 11

مساء الخير
قلوب تائهة
بقلمي سيلي الزبيدي
(اختفاء حبيبتي 💔)

كال هواي تصفن
كتله معذور!
عيونك عگل شيخ
تريد حجاي!
كال بغيتي لاگوك
شمات!
كتله وداعتك
صدگاني وعداي!
كال انه الك
لا كتله غلطان!
انه وخلفوني نحبك
هواي!
.............................
مقتطفات من بارت سابق
إسماعيل : غالين خويه

مهيمن : طلعنه من بيتهم وجان اشوف سياره ...
..................... نبدأ

مهيمن : واشوف سياره تايراتها نازله ...

_اييييييه على هل طركاعه الوكعت فوك راسي

محمد : هاي شنزلهن

إسماعيل : دفع الله ما كان أعظم ...

_يمكن ربك دفع عنكم بلا خلي باتايرات ولا بواحد منكم ...

_تعال ادخل جو مقسومتلكم تنامون يمنه اليوم هههههه

محمد : هم صدك هههههههه

مصطفى :هههههههه متشوفون الفرحه الي نرسمت على وجهي ..

_فرحان هو غير انه فشيت تايرات ههههه زوج نرجع هسه بهل ليل خن نبات ...

_اريد اشبع شوف هههههه والله ياخوي شكلنه راح نام هنا

مهيمن : قربت عليه شاورته ...

_انعل شرفك اكص ايدي اذا مو انت ورا سالفه يا سافل

مصطفى : كصها خويه كصها ههههههههه

عمر : ادخل حبيبي أدخل

مهيمن : دخلنه لبيتهم كامن النسوان يحضرون عشه واحنا ضلينه كاعدين بالحديقة

إسماعيل : جو حلوو نطلع اليوم بليل للبستان

محمد : خير ان شاء الله

فيروزه : باتو يمنه بيت عمي محمد فرحت لان مريومه رح تبقى ..

_لان اضوج وانه ويا سعاد ما اتوالم لان احس تفكيرها مو نفس تفكيري اكبر مني ...

_فالهاذا سبب منتوالم انه وياها فكعدنه نسوي عشه جلفراي وكُباب طاوه و بتيته ونواشف هواااااي شغلات ترسنا سفره ابوي كال ..

إسماعيل : بويه سفره بالحديقة

فيروزه : تامر حبيبي

إسماعيل :ميأمر عليج عدوم

فيروزه : حبيبي انت ..

_طلعنه سفره وفرشناها بالحديقة جو كلش حلوو وخلينه خضره و طرشي واكل على سفره وفرشناها من طول لطول وصحتهم يله تعالو اكلو ..

إسماعيل : يله خويه كوم تعشه

محمد : ياخوي غريب انه وتسونن هذا كله

إسماعيل : قابل انت كل يوم جاييني وشمسوين احنا مامسوين شي

محمد : اااااخ منك