ခဏနေဖြေရမယ့် interview အတွက်ပေးထားတဲ့မေးခွန်းစာရွက်ကို ဒုတိယအကြိမ် အနေနဲ့အဆုံးထိဖတ်ကြည့်ပြီးနောက်တော့ သူမျက်မှန်ကိုချွတ်လိုက်ပြီး ကားနောက်မှီကိုမှီကာမျက်လုံးပိတ်ထားလိုက်တယ်။ တစ်ခုခုကိုပြင်းပြင်းထန်ထန်အာရုံစိုက်ပြီးတိုင်း
အာရုံကြောပြဿနာကို သူရင်ဆိုင်ရတာ ဆယ်စုနှစ်တစ်ခုမှမကတော့တာလေ။
"အဆာပြေတစ်ခုခုစားထားချင်လား Dr Park
.......အအေးတစ်ခုခုဆိုရင်ရော.....
Interview ဖို့ဖိတ်ကြားထားတဲ့ GMS entertainmentရဲ့ တာဝန်ရှိအမျိုးသားက
ကားရှေ့ခန်းကနေ Jimin ကို လှည့်မေးတယ်။
"နေပါစေ......ကျွန်တော်အဆင်ပြေပါတယ်....."
"မေးခွန်းတွေကိုရော စိတ်တိုင်းကျရဲ့လားဗျ...."
"ဟုတ်ကဲ့......"
စကားသိပ်မပြောချင်လှတာကြောင့် ခေါင်းညိတ်အဖြေပေးလိုက်ပြီးတော့ သူ ကားအပြင်ဘက်ကိုလှမ်းကြည့်နေလိုက်တယ်။ သောကြာနေ့ရဲ့ မနက်ခင်းက ကြည့်ကြည်လင်လင်နဲ့လှပနေတာကြောင့် ခေါင်းကိုက်နေတာတောင် သက်သာသွားသလိုပဲ။
*တောင်*
စာဝင်လာတဲ့အသံကကြောင့် လက်ဆွဲအိတ်ထဲကဖုန်းကိုဖွင့်ကြည့်လိုက်တော့ 1358 hotline ကဖြစ်နေတယ်။
*လူကြီးရဲ့ secret message တွေကိုသိမ်းဆည်းရမယ့် သက်တမ်းကုန်ဆုံးပြီဖြစ်ပါသောကြောင့်ဆက်လက်သိမ်းဆည်းလိုပါက No-1ကိုနှိပ်ပါ.....ဖျက်ပစ်မယ်ဆိုရင်တော့ No-2ကိုနှိပ်ပါ....
သိမ်းဆည်းခြင်းအတွက် တစ်လကို $1358
ကျသင့်မှာဖြစ်တယ်..."
"secret message????? "
သူတီးတိုးအသံထွက်ကာရေရွတ်ပြီးတော့ နှုတ်ခမ်းတွန့်ရုံပြုံးလိုက်မိတယ်။ မိသားစုမရှိ၊ ဆွေမျိုးမရှိတဲ့ သူက ဘာကိစ္စ Secret message ထားရမှာလဲ။ ပေးရမယ့်ဝန်ဆောင်ခကများတာကြောင့် No-2ကိုနှိပ်လိုက်ပြီးတော့ ဝန်ဆောင်မှုကိုဖျက်သိမ်းဖို့ဆုံးဖြတ်လိုက်တယ်။
ဖုန်းကိုအိတ်ထဲပြန်ထည့်ကာ အပြင်ဘက်ကို သူဆက်ငေးကြည့်တော့ GCF entertainment ရဲ့
ဂိတ်တံခါးကိုတောင် ကားကဖြတ်ကျော်လာခဲ့ပြီ။
"အထဲမှာ သတင်းထောက်တွေရောက်နေကြပါပြီ......Dr Park ခဏလောက်နားချင်သေးလားမသိဘူး......."
