عشك الكرايب

كشف الحقيقه

ريبر :شنو مابيها نبض سامر ارجع اتأكد .
سامر خلا ايدة على خشمها حتة يشوف تتنفس او لا .
سامر:هذي حتة نفس متتنفس .
ماريا ضلت تبجي.
ريبر:سامر كول غيرها .
ريبر:اني ماضل عقل براسي كبل شلتها وركضت بيها للسيارة واجو الكل وراي اني اسوق بأعلى ماعندي من سرعة دقايق وصلنة شلتها ونزلت اركض دخلت للمستشفى اصيح اجو الدكاترة اخذوها ودخلوها للغرفة وصلو الكل .
شوي وطلعو الدكاترة يتراكضون سامر كمش الدكتور.
سامر:دكتور شبيها .
الدكتور:هذي متعرضة لسكتة قلبية جابو اجهزة الصدمات وبدو يسولوها صدمات كهربائية ماكو ضلو بلربع ساعة يسولها صدمات كهربائية وفجأة رجع النبض الدكتور طلع .
الدكتور:المريضة رجع نبضها بس حالتها جدا خطيرة.
كاضم:شكرا دكتور الله يوفقك وباس ايدة. الدكتور:استغفر الله وسحب ايدة خوية اني ماسويت الة واجبي ادعولها مع السلامة راح الدكتور.
حسنين اجة لزم ريبر من ياختة .
حسنين :ريبر بالله العلي العظيم اذا صار باختي شي انهيك وحقك .
ريبرضل ساكت بس .
اجن يمة ماريا وزهراء .ماريا:انت مو تحبها

(للعلم اسو كالت لامها بعلاقتها وي ريبر وريبر كال لامة كذلك .)

ريبر:ي والله احبها واموت عليها .
زهراء:جا شبيك قفلت الة ازهار لو ماكو .
ريبر:والله مادري مدري شبية حسيت نفسي فجأة منجذب لازهار .
ماريا: عزا العزاني خاف مسويات سحر .
زهراء:من تطلع أسو من المستشفى نشوف شنسوي .
بعد مرور وقت قليل .
كاضم راح للدكتور .كاضم:دكتور نكدر نطلعها هسة .
الدكتور :لا المريضة تعبانة خولها لباجر الصبح .
كاضم :تمام شكرا دكتور .
شوي وكعدت أسو واجة الطبيب فحصها وكاللهم لباجر تكدرون تطلعونها وهسة تكدرون تدخلون وتشوفونها .
دخلو شافوها بس ريبر ماخلو  يدخل .
أزهار:تعال حبيبي معليك وأذا ماخلوك تدخل خيولون.
ريبر:أزهار ترحين عن وجهي لا اسوي شي ميعجبج انكلعي من وجهي.
راحت ازهار والكل دخل وشاف اسو واطمنو عليها .
صار الصبح اجة الدكتور فحصها .
الدكتور:تكدرون تطلعون المريضة بس ديرو بالكم عليها واهتمو بأكلها وبشربها وراح اكتبلكم ادوية تجيبوها ألها .
كاضم وفراس:يطيك العافية دكتور ماقصرت انشالة .
الدكتور:ولو هذا واجبي يلة تعالو كملو اوراق الخروج .
المهم كملو اوراق الخروج وطلعو وصلو للبيت زهراء نزلت اسو وسندتها ونزلو الكل ودخلو للبيت وهمة يمشون اسو داخت رادت توكع لزمها ريبر وشالها .
أزهار:ريبررر شكو تشيلها ختولي هاي انيي خطيبتك .
اسو:ريبر نزلني يلة ماريدك .
ريبر:اسكتي حبابة.
وانتي أزهار انكلعي من وجهي .
أزهار:شنو انكلعي اصلا هية جذابة كلشي مابيها وسوت هيج بس علمود تخرب خطبتنا يلة نزلها وتعال خل نكمل الخطبة .
ريبر:دولي بابة ياخطبة يابطيخ روحي الله يهديج بطلت ماريد خطبة .
الكل:هاي شبيكم نصو اصواتكم .
أزهار:والله نكمل الخطبة هية شنو لعبة انت مو تحبني .
ريبر:لا منو كالج احبج اني احب اسو والكل يدري احبها .
أسو:رجعنة للبيت وماما زهراء ساندتني وي مادخلنة حسيت نفسي دايخة وردت اوكع اجة ريبر شالني ودخلنة للاستقبال ازهار بس شافتة ضلت تعيط وتكلة انت جبيبي ومدري ايش وهاي جذابة وتعال خل نكمل الخطبة بس ريبر كاللها بطلت ماريد الخطبة واني ماحبج احب اسو هنا حيل انصدمت بس فرحت .
المهم ريبر اخذ اسو وداها لغرفتها وطلع والكل راحو لغرفهم .

في غرفة ازهار وامها... .

أزهار:جا هاي السحارة مو كالت سنة  .
خولة:هسة اخابرها .
اتصلت بالسحارة ...
خولة:انتي شنو تنصبين على العالم مو كلتي السحر سنة .
السحارة: شوفن بس شكلت بلبداية انو متكدرين تفرقيهم والسحر انفك وراح بعد شسويلجن بس السحر بعد ملامس لجسم ريبر واذا مافكو ريبر يموت .
أزهار:مادامة ميردني خل يموت .
بهاي الأثناء جانن ماريا وزهراء يسمعن كلشي انوب راحن للغرفة .
ماريا:عزا العزاني شلون هسة .
زهراء:شنسوي ماكو خير نروح لام الخيرة ونشوف شنسوي ماريد اخسر ابني .
صار العصر راحن لام الخيرة وصلن لبيتها دكن الباب ودخلن وسلمن .
زهراء:خية ابني مسوياتلة سحر يكره بي البنت الي يحبها والسحر انفك بس بعدة ملامس جسمة وخاف يموت شلون بية .
ام الخيرة:لا تخافين الحل عندي وجابت بطل ماي وبدت تقرة علي فد ساعة خلصت .ام الخيرة:هذا الماي تخلينة يصير بارد كلش وتشربينة لريبر دفعة وحدة بعد شوي راح يتقيء سائل اسود اذا ماتقيء تعالي تمام .
زهراء:تمام يطيج العافية خية وانطتها الفلوس وراحت .
وصلن للبيت خلت الماي بلثلاجة للغروب جمعت الكل ماعدا خولة وبناتها. زهراء:اسمعوني وحجت خولة وبنتها مسويات .......وحجت كلشي الكل انصدم ماريا:ريبر هذا البطل اشربة كلة .
ريبر:تمام .
واخذ البطل شربة كلة .
شوي خمس دقايق كام يتقيء سائل اسود.
شوي وارتاح ريبر .
ريبر:احس نفسي رجعت لطبيعتي .
هنا اجن خولة وأزهار ورنا .
خولة:هذا شنو السائل الاسود .
ماريا:هذا سحرجن يالحاقدات .
خولة:ماريا شنو هالكلام عيب عليج .
كاضم:عيب عليج انتي واصلا اتصلت بلشرطة وراح يجون ياخذونجن .
المهم اجت الشرطة واخذت ازهار وخولة ورنا وراحت .
ريبر كعد على القنفة وضل صافن
ماريا غمزت لزهراء زهراء فهمتها .
زهراء:ريبر روح كعد أسو .
ريبر:حاضر ماما وراح لغرفة اسو .
دخل ريبر وشاف اسو نايمة كعد يمها وضل يباوع بوجها شوي وفزت اسو .
اسو:فزيت شفت ريبر  يباوع بوجهي اني كلتلة ها حبيبي .
ريبر:هلا عمري يلة صحي النوم .
اسو:ريبر شبي وجهك ليش اصفر شنو مماكل لو مريض .
ريبر ارتبك وخاف تكشف انو هوة مريض .
ريبر:ها لا ماكو شي يلة راح انزل وانتي تعاي. انوب ريبر كام من يمها بس مشه خطوات قبل لايوصل لباب الغرفة وكع واغمى علية واسو كامت تصيح .يتبععع.....

ياترى ليش ريبر فقد الوعي وشنو مرض ريبر الي خافي عن الكل