عشك الكرايب

النهايه

صار الصبح كعد ريبر .
ريبر:ها سامر بشر .
سامر:والله ماكو شي جديد .
ريبر:أوف .
شوي ودك تلفون سامر .
سامر :ألو ها تيمورر .
تيمور:عرفت مكان بيت حازم اخر شخص التقى بي ناضم وسالت يكولون انو هوة وناضم اصدقاء وكذا .
سامر:اوك تعال للبيت حتة نروح .
تيمور:اوك باي وسد التلفون .
سامر:ريبرررر الحمد لله عرفنة مكان صديق ناضم الي هوة حازم وراح نروح لبيتة بس يجي تيمور .
ريبر:يالله انشالة خير ولله لشرب من دمه .
اجو الجماعة .
ريتا:ها بشرو .
زهراء:اي يمة بشرونا لان ماريا حيل تعبانة واصلا احنة على مسؤليتنا طلعناها .
رجوعععع...
بيوم الي عرفو أسو مخطوفة .
ماريا:شلون بية بنتي وين ولكم هاي بنيتي وصديقتي وكلشي راح تروح من ايدي .
زهراء:اسم الله يروحي كوليي غيرها صلي على النبي .
ماريا:اللهم صلي على محمد وآل محمد. فطوم :علساس اليوم خطبتي اني وتيمور وجنت فرحانة بقينة نزين بلبيت شوي وريبر فقد أسو وسالنة كلتلة روح شوفها خاف فوك راح اجة كال راحت لسافانا احنة ماهامينة انوب خلصنة زينة قررنة اني ولبنات نروح لسافانا .
فصعدت للغرفة مالت اسو حتة اخذ فستاني وكلت للولي تخابر اسو وتكللها ابقي هناك يم سافانا فاتصلت بيها لولي سمعنا صوت تلفونها بلغرفة دورت لكيته كبل ذكرت ناضم ونضراتة الها اني حيل خفت اخذت التلفون ونزلت ركض لريبر وكلتلة وقلق حيل انوب سامر كال للولي خابري على سافانا
اتصلت لولي عليها وسألتها عن اسو وسافانا كالتلها لا ما اجت يمي ابد .
احنة حيل خفنا صعدنة لغرفتها شفت غراضها كلهن موجودات وجنطتها وهويتها اتخبلنة  كلت لريبر جيب الورقة الي لكيتها بغرفة أسو انطانيها واتفاجأت انو هذا مو خطها كلت لريبر هذا مو خط اسو واخذت الورقة ونزلت ليجوة لغرفة ناضم دورت مالكيتة لكيت دفتر قارنت الخط واتاكدت انو هوة الي خاطف اختي وكلتلهم وراحو يدورون وتيمور رجع قبلهم امي كامت تبجي واني حيل انكسر خاطري ورحت للغرفة واجة تيمور وراي حضنته وضليت ابجي حيل شوي وسمعنا صوت رجعو نزلنة كالو ماكو اي أثر وريبر جان بحالة يرثى لها وامي بس سمعت انو اسو مالكوها اغمى عليها واخذناها للمستشفى كالو ضغطها حيل مرتفع ولازم تبقا كم يوم بلمستشفى بس احنة طلعناها على مسؤليتنا ورجعنة للبيت .
نرجع للقصة ...
زهراء: اي يمة بشروني راح يطك كلبنا عليها وماريا لهسة تعبانة .
ريبر:يمة لكينا عنوان بيت حازم صديق ناضم النذل وراح نروحلهم .
شوي اجة تيمور .
وصعدو بلسيارة وريبر طول الطريق يطك ايد بايد ويبجي ويكول كلة صوجي
وسامر يهدي بي هوة والجماعة .
وبعد ساعة وصلو لبيت حازم .
عند أسو ...
أسو:حيل خفت ومعرفت شسوي وضليت افكر شلون اطلع من هل ورطة انوب خطرت ببالي فكرة. أسو:ناضمممم ناضم تعال ناضم .
ناضم:ها خير شتردين .
اسو:اكدر اطلب طلب وتنفذة الي .
ناضم:اطلبي اي شي بلدنيا الة اطلعج ماطلعج
اسو:لا ماريد اطلع بس هوة طلب بسيط.
ناضم:كولي .
أسو:ممكن تجيبلي شوية فواكه لان اني احب الفواكه وبلذات الانناس .
ناضم:واو اني هم احب الانناس بس فواكه متردين شي ثاني بعد .
أسو:همم وبركر وكص وببسي ههههه صح كثرت اسفة خلاص .
ناضم:لا هسة راح اجيبهن واجي .
اسو:لاتتاخر جوعانة ترا .
ناضم:اوك .
راح ناضم وجابلها الاكل
(شرح الفكرة الي براس أسو انو هوة مو راح يجيبلها فواكه اكيد راح يجيب سجين وياهن فهمتو )
من جابلها الاكل اكل وهوة مبتسم عبالة بدت تحبة .
عند ريبر...
وصلو لبيت حازم ونزلو دكو الباب طلعلهم اخو .
اخو حازم:منو انتو .
سامر:احنة اصدقاء حازم ونريدة .
اخو حازم:اوك .
راح صاحلة اجة حازم .
حازم:اتفضلو انتو منو .
سامرطلعلة صورة ناضم وكلة تعرف هذا .
حازم:لا ماعرفة يلة ولي منا .
ريبر ماتحمل وضربة بوكس وصار يضرب بي وسامر وتيمور يحاولون يفكونة بس ريبر بقا يضرب بي من لمن حازم كال .
حازم:خلاص راح اعترف .
ريبر:عفية احجي .
حازم:اكو بيت بلبساتين مهجور ناضم اخذ أسو لهناك ريبر وين بلضبط ببداية البساتين بلنص بلنهاية .
حازم:والله مادري الي اعرفة بلبساتين .
ريبر:زين شسمها هلبساتين .
حازم:بساتين حجي حامد الله يرحمة.
سامر:بس بعد ماتوفة حجي حامد محد دخل هاي البساتين صارت مهجورة تركوها .
حازم:اي .
صعدو بلسيارة كلهم واتوجهو لبساتين حجي حامد عند أسو..
اكلو هية وناضم ورجع ربطها عبالها يطلع حتة تاخذ السجين وتكطع الحبل وتشرد بس ناضم بقا يمها .
نرجع لريبر..
بعد ساعة وصلو للبساتين وبدو يدورون وضلو يدورون بلساعتين .
اسو:انتضرت ناضم ٣ساعات لمن اجا اتصال وطلع اني بلكوة اخذت السجية وكطعت الحبل بس وي ماردت اكوم اجة رجعت للكرسي وسويت نفسي طبيعية .
أسو:ناضم عطشانة اريد ماي .
ناضم:اوك .
وراح ناضم يجيب لاسو ماي بهاي الاثناء ريبر والجماعة اقتربو من البيت كلش اسو كبل كامت وطلعت بس طلعت سمعت صوت.
ناضم:وين تردين وهوة رافع السلاح عليها .
اسو اندرات الة رفعت ايديها وجانت مسافة بينة وبينها .
ناضم:عرفت وشكيت بيج تردين تنهزمين .
ريبر:وصلنة للبستان وضلينة ندرو وبعدين فجأة شفنة اسو واكفة وناضم على بعد مسافة منها ورافع عليها سلاح اني هنا صحت ناضممم يانذل عوفها .
ناضم:اجة حبيب كلبج .
اسو رادت تندار .
ناضم:ديري بالج تندارين .
أسو:ريبر اني حيل خايفة .
ريبر:عمري لاتخافين.
اسو:اطمنت شوي انوب صار نقاش بين ناضم وريبر وناضم بدا يتقرب وسلاحة علية اني خفت يكتلني التفت لريبر وركضت باتجاهة بس ناضم ضربني طلقة بضهري .
ريبر:صار نقاش حاد بيني وبين ناضم وبدا يتقرب من اسو وسلاحة بوجها هية خافت والتفت الي وركضت باتجاهي انوب ناضم رماها اني اتخبلت وركضت باتجاها بهاي الاثناء اجت الشرطة اني ركضت باتجاه اسو وخليت راسها بحضني  .
اسو:ريبر اني احبك وأمانة ماريدك تضوج بفراكي ابد .
ريبر:لا حبي يروحي يعمري مراح يصير بيج شي اكيد اني متاكد من هل شي .
أسو:ريبر اني كلش بردت.
ريبر نزع سترتة وغطاها .
ريبر:اسو حبيبتي لاتخافين .
اسو:لا اني ماخاف بس احبك وفقدت الوعي .
ريبر:اسو حبي ضربها كف عل وجها حتة يصحيها ماكو .
ريبر:اسو  حبيبي شبيج ليش جسمج صار بارد اسوووو .
اجو سامر ولجماعة .
سامر:اتصلت بلأسعاف راح يوصلون ريبر سامر اسو مدا ترد سامر .
سامر:انشالة ماكو شي .
شوي واجت الاسعاف واخذو اسو .
وصلو للمستشفى واجو الكل .
دخلو اسو لصالة العمليات اما عن ناضم فلشرطة قبضت علي .
دخلو اسو للصالة وريبر جان قميصة مغطى بلدم ويبجي حيل .
ريتا:ياخوية لاتخاف الله موجود .
شوي نص ساعة طلع الطبيب .
الطيب:المريضة بحالة خطر احتمال نخسرها تعالو وقعو على العملية الة نسويها ألها.
راح سامر وقع وبصم .
الدكتور :واحتمال نحتاج دم الها .
كاضم:اي اني اتبرع.
الدكتور:انت مابيك اي مرض مو .
كاضم :لا .
واتبرعلها وسولها العملية ورا ساعتين طلع الدكتور .
ريبر:ها دكتور بشرنا  .
الدكتور :العملية نجحت بس خلال ساعة اذا ماصحت المريضة راح تدخل بغيبوبة دائمة.
ريبر:من كالي الدكتور هيج صاعقة وطاحت على راسي وفجأة فقدت الوعي .
ريبر فقد الوعي وخلولة مغذي نص ساعة وصحا .
ريبر بعد شكد سامر:بعد نص ساعة .
بعد نص ساعة راح سامر للدكتور.
سامر :دكتور المريضة ماصحت تعال افحصها .
اجة الدكتور وفحصها .
طلع الدكتور .
ريبر:بشر دكتور .
الدكتور:للاسف المريضة دخلت بغيبوبة دائمة .
ماريا وكعت وريبر انهار بلبجي .
ورا شوي نقلو اسو لغير غرفة ودخلو شافو ها الكل .
ماريا:سودة علية يمة كون بية ولابيج .
فطوم:ياروحي يعمري انتي
وبعدين طلعو وريبر دخل يمها .
ريبر:دخلت يم اسو بلغرفة ولزمت ايدها وكلتلها اسو حبيبتي الغالية يعمري انتي بس فهميني شلون راح اعيش بلياج انتي تعرفين من وعيت على الدنيا واني حبيتج واتعلقت بيج وحسيتج جزء مني ياروحي انتي .
انوب ريبر نام على ايد اسو  وصار الصبح حس ريبر بحركة وفز .
ريبر:ها اسو حبي .
سامر:ربوري ارجع للبيت بدل ملابسك .
ريبر:اوك.
رجع ريبر للبيت وبدل ملابسة .
ورجع للمستشفى .
بعد مرور اسبوع ريبر جان كاعد يم أسو .
وحس بلعطش وطلع برة الغرفة .
ريبر:سامر اني راح اروح اجيب ماي .
سامر:اوك .
راح ريبر واشترى ماي من راد يرجع اكو حجي كبير بلعمر يريد يعبر الشارع فريبر عبرة
  الحجي:شكرا وليدي بس ليش مبين عليك تعبان .
ريبر:حبيبتي و حجا كلشي بالمختصر .
الحجي:اني بنيتي هنا بلمستشفى هية ورجلها يمها واني راح اروح لكربلاء حتة انخا ابو فاضل يشافيها تروح وياي بلكي وينسمع دعائك .
ريبر:اي عمي صار بس اروح اكول لاهلي .
راح ريبر وكال لاهلة راح اروح لكربلاء .
قبلو.راح ريبر وي الحجي لكربلاء وبعدين وصلو اول شي زارو الحسين .
ريبر:بس وصلنا لكربلاء دخلنا ضريح الامام الحسين بس دخلت ضليت ابجي وانخي بي وكلتلة يا ابا عبدالله بجاه اخيك لاتردني ونذر علية اذا طابت أجيبها ونجي مشايةبعدين صلينة ركعتين وبعدين رحنة لضريح العباس وزرنة وصلينة وانوب رجعنة وصلنة للمستشفى لكيت الجو مخبوص كلتلهم شكو خفت حيل .
سامر:تلفونك وين ليش مغلق .
ريبر:مابي شحن كول شكو خوفتني .
سامر:لاتخاف عندي مفاجأة الك .
ريبر:كول ولك كلبي .
سامر:الحلوة صحت
..رجوع...
ريبر من راح لكربلاء ورا اربع ساعات ماريا جانت يم اسو شوي اسو فزت وماريا ركضت كالت لسامر وصاحو للدكاترة اجو فحصوها .
الدكتور:المريضة صارت زينة .
ماريا: الحمد لله .
ماريا:ها اسو حبيبتي شلونج .
اسو:بخير يمة بس ريبر وين .
ماريا:راح لكربلاء .
اسو:يمة اني حلمت انو اني بلزيارة وبعدين فزيت .
عودةريبر:والله صدك كعدت الحمد لله
ودخل ريبر يمها .
اسو:ها يروحي انتي .
ريبر:يابعد عمري شلونج شلون صرتي .
اسو:بخير يروحي دباع لوجهك شكد تعبان سودة علية .
ريبر:غير فراكج هد حيلي وتعبني .
اسو:وهياتني رجعتلك .
ريبر:اي حبيبتي كلة بفضل الله ثم بفضل سيدي الامام الحسين وسيدي العباس .
اسو:والنعم منهم.
ريبر:بس تطيبين ونزوج نروح مشاية الهم .
اسو:انشالة .
ورا كم يوم اسو طلعت من المستشفى .
ورجعو للبيت .
تيمور:بما انو كلشي صار بخير .
لازم نسوي حفلة خطوبتي .
ماريا:اي صح يلة نحضر .
فطوم:اني رايحة للغرفة لانو تعبانة .
ماريا روحي حبي .
راح تيمور لحكها .
ريبر :اكلك سامر تعال .
تيمور راح لغرفة فطوم ودخل حضنها تيمور واخيرا راح تصيرين ملكي.
فطوم اي حبيبي واخيرا يعمري وبادلتة الحضن دخل ريبر .
ريبر:شوفو انتم الاثنين ترا زواجكم مبقالة شي .
وحضرو لخطبة تيمور وفطوم وتمت الخطبة وكلشي وقروو انو العرس بعد اسبوع وجانو مخبوصين بلتحضيرات واجة يوم زواج تيمور بلقاعة الكل مجموعين وريبر اتقدم لأسو واسو وافقت .انوب خلص الزواج على اكمل وجه ورا زواجهم باسبوع صار زواج اسو وريبر وخلص .
بعد ٣ ايام من زواج اسو وريبر.
ريبر:شوفي حبي اني راح اكولج شي بس مو تفهمينة غلط .
اسو:كول عمري .
ريبر:اني من رحت لكربلاء ودعيتلج نذرت اذا طبتي نروح مشاية.
اسو:اي .
ريبر:او اني حاب انو تتحجبين اذا ماعندج مانع يعمري لان اني اريد احفض زوجتي واخليها تمشي على نهج فاطمة الزهراء .
اسو:صار تدلل اتحجب والبس عباية هم .
ريبر:اروحلج فدوة يبعد روحي .
ورا شهرين صار محرم  بيوم ٢٥ محرم اسو جانت تحس بلعبان نفس وكذا فراحت سوت تحليل طلعت حامل .
ريبر:الحمد لله اللف الحمد صدك ماقصرو اهل البيت اني نذرت اجي اني وياج هسة لا ابنة راح يجي ويانة .
اسو:اي حبيبي وابنة اذا ولد نسمي عباس واذا بنت نسميها زينب .
ريبر:انشالة .
اجة وقت المشاية وراحو ريبر واسو للمشاية وصلو بعد ايام من المشي وزارو .
ريبر:حبيبتي احنة تعبانين اليوم نبات هنا ولباجر نرجع .
اسو:اوك حبي .
واجرو غرفة بلفندق ونامو والصبح كعدو زارو ورجعو للبيت ونذرو اذا جابت اسو بسلامة يجيبون الطفل ويجون لهنا .
وصلو للبيت وخلص  صفر والمشاية ومصطفى خطب حوراء وازوجو وريتا وحيدر ازوجو .
وقت ولادة اسو وفطوم حامل بشهر الخامس .
دخلت اسو المستشفى وتمت ولادتها بخير وجابت ولد وسمو عباس ورا اسبوعين راحو كلهم لكربلاء وزراو وكلهن البنات اتحجبن وزارو وكعدو بين الحرمين ولهنا النهاية

اتمنى تعجبكم واسفه عالاخطاء الاملائيه وياريت لو تحطون نجمه لانو القصه الجايه خنفشاريه طبعا كاتبته كامله ورح انشرها كامله ومو تنسون اتابعوني حتى من انزل القصه يجيكم اشعار وبس باي 💕🥺