عشك الكرايب

سحر

صار الصبح .
خولة:أزهار أني اعرف مرة تسوي سحر خل نروح ألها تسويلنة سحر لريبر نخلي يكره أسو وينفر منها ويصير ألج .
أزهار :أوك يمة خل نروح .
راحن للسحارة .
دخلن لبيتها .
خولة:شوفي خية بنتي تحبه بس هوة يحب غير وحدة .
السحارة:انطيني أسمه واسم امة واسمها واسم امها .
خولة:ريبر أبن زهراء وسناء بنت ماريا .
السحارة صفنت شوي ومدري شقرت .
السحارة:هذول ماكدرين تفرقيهم .
خولة :اذا على الفلوس ميخالف ادفعلج .
السحارة: بنفسها هسة خل اسويلهن السحر حتة اذا مامشة شعلية .
وكالتهن اسويلجن السحر بمليون بس ها يبقا بس سنة .
خولة:ميخالف .
أزهار:اكدر اغير كلشي بهل سنة.
السحارة: أوك.
بدت السحارة تشتغل بلسحر وكملتة ألهن .
السحارة:شوفن هاي صرتين وحدة حمرة وحدة زركة الحمرة الصبح هسة تنطينهيا والزركة الضهر وثقن للعصر يشتغل مفعولة .
رجعن للبيت الكل بعدهم نايمين دخلت ازهار لغرفة ريبر وخلت الصرة الحمرة ببطل الماي مالتة  كعد ريبر وشرب البطل ونزل .
ريبر:كعدت من النوم عطشان شربت بطل الماي مالتي ونزلت شفت اسو سلمت علية بس احس نفسي مو كلش منجذب ألها .
اسو:ريبر حبي شلونك .
ريبر:هلا بيج بخير .
أسو:حسيت ريبر متغير كلت يجوز تعبان .
المهم صار الضهر وكعدو على الغدا ريبر راد ماي راحت خولة خلت الصرة الزركة بلكلاص وانطتة لريبر وشرب الماي وخلصو غدا وراحو

((وج يالكاتبه اويلي عليج شعرفج بالسحر اول مره اسمع هيج لا وبمليون صخام الصخمهن كون 😂😭))

نامو .ريبر:نمت وكعدت العصر احس نفسي منجذب لأزهار وكذا وطلعت من شفتها كدامي مو نفس كل مرة  احس نفسي منجذب ألها المهم نزلت ليجوة شفت أسو احس نفسي كارها .
أسو:جنة كاعدين ونزل ريبر سلمت علي شو مارد السلام المهم كعدنا وبعدين شوي راح لغرفتة رحت ورا .
أسو:شبيك حبيبي .
ريبر:أطلعي برة حبابة ماريد اشوف وجهج يلا برة .
أسو:يا شبيك غير اني حبيبتك .ريبر:لا حبيبتي ولا شي اطلعي برة وضربها كف أسو طلعت تبجي وشافها تيمور وحسنين راحو وراها.
تيمور:شبيج حبي كولي متعاركة وي ريبر. اسو:ريبر ضربني .
حسنين:لا هذا اكيد اتخبل امشي تيمور خل نشوفة .
راحو لغرفة ريبر .
تيمور:ليش ضربتها ها احجي .
ريبر:خل تولي شنو ليش ضاربها هية هم حاسبيها بنت ختولي .
حسنين:انجب لك وضربة طراك.
نزلو ليجوة وكالو لاهلهم .
نزل ريبر .
زهراء:تعال الساقط اريدك .
ريبر:لا اني اكول شي اني اريد تخطبولي أزهار .
زهراء:انجب .
ريبر:لو أزهار لو ما اتزوج .
بهل أثناء جانت أسو على الدرج وسمعت كلشي وكامت تبجي وراحت لغرفتها وراحن وراها روان وليلى وريتا وفطوم .
ريتا:خل يولي حبي لاتضوجين.
ليلى:والله ريبر مو طبيعي .
اسو :شنو الموطبيعي يضربني علمودها خل يولي بعد ماريدة.
ليلى:ولج اسمعيني يجوز مسوياتلة سحر .
اسو:لاسحر ولابطيخ لا أريدة ولا شي .
المهم وافقو الكل على خطبة ريبر وأزهار بس مجبورين وبدو يحضرون لان ريبر قرر الخطبة خلال أسبوع اسو جانت حيل تعبانة بس ماتكول وجانت تحس بنغزة بكلبها بس تكابر ومتحجي المهم اتقربت الخطبة وبقا ثلاثة ايام عليها .
مصطفى:حور ديري بالج على اسو تراها مبينة كلش تعبانة .
حور:اي والله صدك وكامت تبجي .
مصطفى:لا لا لاتبجين يروحي وحضنها .
بعدين اجة تيمور .
تيمور:مصطفى ريبر مو طبيعي.
حوراء:اي حتة ليلى كالت .
اجة ريبر .
ريبر:ها تيمور شجاي تسولفون اريد اكعد وياكم تيمور:لا راح نكوم انت روح لخطيبتك يلة حور ومصطفى تعالو .
ريبر:شبيهم وياي .
راحو الكل لغرفة سناء وضلو يسولفون ويحجون المهم صار يوم الخطبة الصبح .
تيمور:أكلكم شباب وضع أسو معاجبني خاف يصير بيها شي .
حسنين:بالله اني هم بس اذا صار على اختي شي ريبر ميخلص من عندي .
سامر:قبلك اموتة هاي مثل اختي .
حسنين:والنعم منك .
روان:شباب ترا أسو كلش تعبانة .
ليلى: اني راح اروح يمها.
سامر:ديري بالج عليها .
ليلى:بعيوني حبيبي .
راحت ليلى لغرفة أسو دكت الباب وفاتت.
ليلى:أسو حبيبتي شبيج.
أسو حضنتها وكامت تبجي .
أسو:لولي صدك ريبر عافني وراح يخطب غيري لولي والله احبة .
ليلى:يابعد روحي لاتبجين واريدج اليوم تطلعين احلى وحدة بين المعازيم .
أسو :مسحت دموعها وكالت تمام اكيد
بدو تحضيرات الخطبة .
فطوم:تيمور كلبي يوجعني احس راح يصير شي وهذا الأحساس ميخيب .
تيمور:لاحبي ماكو شي هسة روحي جهزي نفسج الوادم راح تجي.
المهم صار العصر وكت الخطبة اجو كل المعازيم والكل جهز .
ليلى:أسو لديلة حبي جهزي نفسج هذا فستان ألبسي راح يطلع يجنن عليج .
راحت أسو لبست الفستان جان احمر يجنن وبي دلعة من كدام وصلوخ ومكيجتها ليلى وسوتلها تسريحة طلعت أسو كلش حلوة وتخبل .
نزلن اسو وليلى .
وهنة يمشن على الدرج .
أسو:لولي راسي يوجعني .
ليلى:حبيبتي نرجع للغرفة .
أسو:لا حبي ونزلن ليجوة شوي واجت أزهار طالعة جنها جربوع ولابسة احمر .
تيمور: سامرشوفها شلابسة جنها صخلة وخالة مكياج .
الكل ضحكو بسكتة المهم اجة وكت تلبيس الحلقات  راد ريبر يلبس ازهار الحلقة توة فتح العلبة وسمعو شي انكسر الكل باوعو شافو أسو طايحة والكلاص منكسر (مو منتحرة يعني مغمى عليها)ركض ريبر وخلا راسها بحضنة اجت ماريا وزهراء ذبن على وجها ماي ماكو وفراس طربها راجديات ماكو ماكعدت
ريبر:جنت اريد البس أزهار
الحلقة وفجاة سمعنا صوت شي انكسر فالتفتنة شفنة أسو مغمى عليها اني بلا شعور ركضت وخليت راسها بحضني اجن ماما زهراء وماما ماريا ذبن ماي على وجها ماكو اجة ابوي وابوها ضربوها راجديات ماكو انوب اني كمت اضربها واذب عليها ماي ماكو اجة سامر كال وخر ايدك وخلا ايدة على ركبتها شوي وشال ايدها يشوف النبض .
سامر:هذي مابيها نبض .يتبع.....

لا لا اخر شي القطه عجبتني من اجه ريبر ركض على اسو شوفو الحب ياجماعه مايعرف سحر ولا ظروف ولا مسافات 🌚❤الله عالحب الله