عشك الكرايب

دخول طرف ثالث

ريبر :تيمور راح تجي عمتي خولة أم أزهار .
تيمور :أهووو عاي شلون شغلة عايزين احنة أستلم يربييي شنسوي هسة .
أسو :شبيكم شكو ها صدك نسيت اكللكم خالتي خولة راح تجي .
تيمور:اي هوة هاي مشكلتنة .
ريبر:سد حلكك .
أسو:شكو ريبر .
ريبر:لا ماكو شي بس انو منحبها .
أسو :أي والله اني هم ماحبها دوم .
شوي اجة كاضم كال راح اجيب الدكتور حتة يفحص فطوم ونشوف شكد ونطلعها .
الكل :أوك .
اجة الدكتور فحص فطوم كال لا مابيها شي طلعوها بس كملو الأجرائات فكملو الاجرائات وخلصو .
كاضم يعرف بفطوم ضايجة من تيمور فحب يقربهم .
كاضم:هسة شلون بهاي الحالة لازم نشيل فطوم للسيارة لان اذا رحنة نجيبلها كرسي راح نتأخر .
ريبر عرف خطتة .
ريبر:اي عمي شلون .
فطوم خلو لو ابوي لو خالي فراس يجي يشيلني .
ريبر:ابوج وابوي تعبانين واخوتج ميكدرون واني هم .
فطوم :جا شلون؟.
تيمور :اني اشيلج.
فطوم:لا أشكرك اني امشي .
تيمور راح وشالها وفطوم تكولة عوفني هوة كاللها اسكتي حبابة شكد مزعجة وشالها وطلع واجو ورا وصلو للسيارة خلوها بلسيارة وبعدين راحو للبيت وصلو للبيت .
تيمور شال فطوم وداها لغرفتها وكلمن راح لغرفتة يرتاح.
روان مرت حسنين :حسنين تعال اريدك بشغلة .
حسنين جاي حياتي .
مصطفى :صارت بيها حياتي .
حسنين ضربة على راسة وكالة انجب .
راح حسنين .
دخلت روان ودخل حسنين وراها وسد الباب حسنين: ها حبي كولي .
روان :ها لاماكو شي بس هيج ردتك ترتاح شوي لان تعبان .
حسنين :بدا يتقرب منها وهي ترجع لورا .
روان:ح ح حسنين شبيك .
حسنين :مشتاقلج .
روان صارت وي الحايط اتقرب حسنين منها كلش اختلطت انفاسهم .
روان:حسنين وخر مني حباب .
حسنين بكيفي مرتي وحلالي شريد اسوي .
روان دنكت من الخجل حسنين رفع حنجها واتقرب على شفتها وباسها.
حيدر وشراسة :ريتا وين حسنين ريتا مدري اعتقد بلغرفة .
حيدر وشراسة :ومرتة ويا .
ريتا :لا مرتة بلمطبخ اعتقد .
راحو شراسة وحيدر لغرفة حسنين .
حيدر: ندك الباب.
شراسة :لا يول خل ندخل هوة وحدة .
دخلو وشافو حسنين ومرتة دارو وجهم .
شراسة وحيدر:اسفينن مندري.
حسنين شجابكم متعرفون تدكون الباب .
روان:حسنين اتقرب علي وباسني اني بلبداية قاومت بعدين بادلتة شوي ودخلو حيدر وشراسة اني حيل استحيت وطلعت بسرعة من الغرفة.
حسنين :ها شتردون .
شراسة وحيدر:أكولك تعرف انت شراح يصير اذا اجت أزهار .
حسنين:بس اعتقد أنو ريبر حجا كلشي لأختي.
حيدر:خل نروح نسألة .

﴿بس خل اكلكم ملاحضه زغيره ولو دوختكم حبايب اكو بالقصه ثنين حيدر، حيدر الي هوه تيمور اخو ريبر وحيدر ابن حسين ابن عمه ﴾

راحو لغرفة ريبر ودكو الباب ودخلو .
ريبر:خيركم كلكم هنا خوماكو شي.
كالولة انت كلت لأسو على شغلة أزهار.
ريبر:لا ماكلتلها ابد مكدر ماعندي جرأة .
حسنين :جا شلون.
اهنا اجة سامر .
سامر: شكو شبيكم .
حيدر :تعرف أنو ريبر لهسة ماكايل لأسو عن أزهار .
سامر:ريبر انت لازم تكللها انو انت جنت مرتبط بأزهار وانفصلت عنها .
ريبر:صح جنت مرتبط بيها بس والله ماحبيتها من لزكتها بية ارتبطت بيها .
سامر :هسة المهم لازم تكول لأسو .
ريبر :انشالة .
تيمور راح لغرفة فطوم يشوفها لكاها نايمة غطاها وطلع .
صار الصبح ....
ريبر:حسيت بهوسة بالبيت وكذا كعدت نزلت جوة  .
ريبر:ماما ماريا هاي شنو .
(طبعن ريبر يصيح لماريا ماما لانو يحبها مثل أمة كلش )
ماريا:وليدي راح تجي عمتك بعد شوي  بس اريد اطلب طلب .
ريبر:كولي ماما ماريا .
ماريا:ريبر روح كعد أسو لانو تنام هواي وراح يجون عيب .
ريبر:أوك ماما .
راح ريبر دخل لغرفة أسو وسد الباب واجة كعد يمها .
ريبر:يربي شحلاتها وهية نايمة تخبل .
بعدين ريبر وخر شعرها عن وجها وبدة يكعدها.
ريبر:أسو حبيبتي اكعدي يروحي كعدت أسو .
أسو:صباح الخير حبيبي .
هلا بهل صباح يلة امج تكول تعاي ساعدينة راح يجن .
اسو :ريبر اني البارحة حيل ضجت على فطوم يعني لو صاير بيها شي اني اموت.
أسو جاي احجي وكلتلة اذا صار شي على فطوم اني اموت قبل مااكمل باسني .
ريبر :أسو جانت تحجي شكد ضايجة على اختها اني ماخليتها تكمل وبستها وهية بادلتني .
شراسة:ماما ماريااا  ريبر وين .
ماريا بغرفة أسو.شراسة اوك .
وراح لغرفة اسو كبل فتح الباب وشاف ريبر وهوة يبوس أسو شراسة بس دخل همة كمزو .
ريبر:شجابك متكلي غير تدك الباب .
شراسة لا والله تكوم كافي رومانسية هسة تعال خلنجيب اغراض من السوبر ماركت .
راح ريبر وشراسة واسو سبحت وبدلت ونزلت ليجوة اجو ريبر وشراسة من السوبر ماركت شوي واندكت الباب .
فراس:اني راح افتح الباب .
خل اعرفكم على عائلة أزهار .

(خولة:عمرها ٤٤سنة وهية أرملة بس خبيثة فعلا بس فراس يحبها وماريا كذلك .أزهار:بنت خولة عمرها ١٨سنة وهية تحب ريبر ولازكتلة لزك وريبر ارتبط بيها بس جفيان شر بس بعدين عافها لان خاينة وهية حقيرة وحية تنكط سم.
رنا:اخت أزهار وعمرها ١٧ هاي رنا تحب تيمور وهية هم حية لكطة مثل اختها وامها وهذني راح يكلبن كيان القصة كلها)

نرجع للقصة فراس حضن أزهار ورحب بيها وحضن خولة ورنا ودخلن ليجوة أزهار ركضت وحضنت ريبر أسو ضلت مصدوة رادت تجي تبعدها عن ريبر بس تيمور لزم ايدها كاللها مو هسة اوكفي .
دخلن كلهن ليجوة .
رنا:هلاو تيمور شلونك مشتاقين .
تيمور: هلا بيج .
خولة:صدك ماريا سمعت شصار بفطوم ليش انتحرت.
ماريا:لاخية هية اتعورت مانتحرت اوك .
خولة :ها أوك بس وينها خل نشوفها ودخلن لغرفة فطوم سلمن عليها وطلعن تيمور بقا.
تيمور:فطومتي أسف عليج الله سامحيني والله احبج .
فطوم :تيمور تطلع لو اصيح ها شكلت .
تيمور :اوك وطلع تيمور لبرا .
أسو :حيل غرت من أزهار حضنت ريبر وبعدين من خلصن سلامنهن اني رحت لغرفتي وكعدت بس شوي قررت اروح لريبر واسألة ليش حضنتة هاي العوبة المهم طلعت من غرفتي ورحت اريد اشوف ريبر من وصلت قريب غرفتة سمعت اصوات بغرفتة كلت يمكن اخوانه بس وصلت للغرفة ودخلت اتفاجأت بشي حيل صدمني.يتبعع..

اولا واهم شي رايكم 🌚 ثانين مو تنسون النجمه ترا هيه سبب تأخيري عليكم حبايب
ثالثا كاعد اكتبلكم قصه حرفيا تخبل رهيبه لو انزله ورى ماخلص هاي القصه لو بهل كم يوم انزله فلا تلغون الفولو واتمنه تنشرون حسابي يمكم حتلو بالتيك توك وشكرا