" කේලන් මම.. කේලන් මම ඔයාට ආදරේ කරනවා.. "
" හාහ්..?? "
" මට සමාවෙන්න... ප්ලීස් කේන්තිගන්න එපා.. මම ඇත්තටම ඔයාට ගොඩක් ආදරේ කරනවා.. "
" මොනවද ඔයා මේ- "
" මම දන්නවා.. ඒක වැරදියි... ඒත් මම ඔයාට ආදරේ කරන්නෙ යාළුවෙක් විදියට නෙවෙයි... මම කොච්චර හංගන්න උත්සාහ කළත්, මට මගෙ හැඟීම් පාලනය කරගන්න බැහැ, කේලන්.. "
" රියෑන්.. මට කවදාවත් ඔයා ගැන එහෙම හිතන්න බැහැ.. ඒක නිසා, දැම්මම ඔය මනස්ගාත හිතෙන් අයින් කරගන්න... ම්ම්.. "
" මම කොහොමද ඒක කරන්නෙ, කේලන්..?? "
" දැන් ඔයා මට කියන්නෙ, මටත් ඔයා වගේ වෙන්න කියලද ආහ්..?? කවදාවත් නොවෙන දේවල් ගැන බලාපොරොත්තු තියාගන්න එපා... අනික මම ඔයවගේ දේවල්වලට කොහෙත්ම ආස නැහැ.. මම ඔයාව මගේ හොඳම යාළුවා කරගත්තෙ, මේ වගේ දේවල් බලාපොරොත්තුවෙන් නෙවෙයි.. මම විහිලුවට කරපු දේවල්, ඇත්ත කියලා හිතන්න එපා, තේරුණාද..? "
" මට.. මට සමාවෙන්න.. "
RIAN POV:
මම කේලන්ට ආදරෙයි.. ඒක බොරුවක් නෙවෙයි; හංගන්න පුළුවන් දේකුත් නෙවෙයි.. මට එයා එක්ක යාළුවෙක් විදියට ඉන්න අපහසු නිසයි, ඔලුව නිදහස් වෙන්න ඒක කියලා දැම්මෙ.. මම දන්නවා, කවදාවත් කේලන් මම ගැන එහෙම නොහිතන බව.. ඒත් මට සැහැල්ලු වෙන්න ඕනි වුණා...
ගෑනු ළමයි දෙන්නෙක්ට එකට ජීවත්වෙන්න බැරුව ඇති.. සමාජෙන් කොන් වෙයි.. ඒත් මම කොහොමද හැඟීම්වලට බොරු කරන්නෙ..? කොහොමද මම ලෝකෙ ඉස්සරහ රඟපාන්නෙ..? මට ඒක අමාරුයි...
කේලන්ව රූෆ්ටොප් එකට ඇදගෙන ආව මම, හිතට සෑහෙන්න ශක්තියක් අරගෙනයි, හිතේ තියෙන දේ කියලා දැම්මෙ.. මම බලාපොරොත්තු වුණා වගේම කේලන් ගොඩක් පුදුමවුණා.. සමහරවිට මං ගැන එයාට ලොකු පිළිකුළක් ඇතිවෙන්න ඇති... මම එයාට මුකුත් කියන්නෙ නැහැ.. එයාට එහෙම හිතෙන එක සාධාරණයි...
මොකද්දෝ හේතුවකට මගෙ හිත ගොඩක් රිදුණා.. කේලන්, එයාව මගෙ හිතින් අයින්කරගන්න කියද්දි, මගෙ පපුව පිච්චිලා ගියා.. සමහරවිට, කඳුලු ඉනුණෙ ඒකයි.. කේලන් ඉස්සරහ මට ඇඩුණෙ, මම එයාට ආදරේ කරන තරම දරාගන්න බැරුව.. තවත් පිළිකුල් වෙයි කියන බය නිසාම, මම පුළුවන් තරම් ඉක්මනට රූෆ්ටොප් එකෙන් බැහැලා, එළියට දිව්වා..
YOU ARE READING
|<| SILENT SCREAM |>|
Teen Fiction|| ' No one and nothing can ever stop, you from being the person you want to be.. love who you want, be who you want.. Love is Love ♡ ' where there is love, there is life.. heart to heart, there is no force strong enough to tear the love apart.. . ...
