- တရုတ်စကားပန်းလေးရဲ့ အဓိပ္ပါယ်က
ကိုယ့်ဘဝရဲ့နောက်ဆုံးအချစ်ဖြစ်ပေးနိုင်မလား တဲ့။
-
အသက်(20)ဝန်းကျင်လောက်
ကောင်ငယ်လေး တစ်ယောက်ရဲ့
လောကကြီးကို အရွဲ့တိုက််ခဲ့ပုံတွေပေါ့။
1990 ခုနှစ်လောက်က ဖြစ်ခဲ့မယ်ထင်တယ်။
သူမေ့ချင်ခဲ့တဲ့မှတ်ဥာဏ်တွေက ဝိုးတဝါးဖြစ်နေဆဲ။
ကြီးမားကျယ်ပြန့်လှတဲ့ သင်္ဘောဦးပိုင်းအပေါ်မှာ
လူပေါင်းများစွာ ရှုပ်ယှက်ခက်နေခဲ့တယ်။
သင်္ဘောထွက်ခါနီးအခြေအနေဆိုတော့
နှုတ်ဆက်စကားပြောသံတွေလား
လမ်းခွဲစကားပြောသံတွေလား
သေချာမသဲကွဲပြန်တော့။
"စိတ်ရှုပ်လိုက်တာ"
တီးတိုးလေးရေရွတ်လိုက်တဲ့
သင်္ဘောဦးက ကောင်လေးတစ်ယောက်။
သူများတွေလို အများနဲ့ရပ်နေတာမဟုတ်ပဲ
တစ်ယောက်တည်းသီးခြားရပ်လို့နေတယ်။
ထင်းနေတဲ့ မျက်ခုံးမွှေးထူထူလေးတို့အပြင်
ခပ်ချွန်ချွန်နှာတံလေးနဲ့ ကကြီးပုံနှုတ်ခမ်းတို့။
နဖူးပေါ်ဝဲကျနေတဲ့ အညိုရောင်ဆံသားနုနုတွေ။
အချိုးကျစွာပြည့်စုံနေတဲ့ မျက်နှာအချိုးအစားဟာ
ဘုရားသခင်ရဲ့ အချိန်ဘယ်လောက်ကြာကြာယူပြီး
ထုဆစ်ထားခဲ့ရတဲ့ နတ်ဘုရားငယ်လေးဖြစ်မလဲ။
နှုတ်ခမ်းမှာကိုက်ထားတဲ့စီးကရက်အတိုလေးကို
ခပ်ပြင်းပြင်း တစ်ချက်မှုတ်ထုတ်လိုက်တိုင်း
စိတ်အစုံဟာ ပိုတိုးလို့ရှုပ်ကုန်တယ်။
ညနေခင်းအချိန်အခါက
ကြည်နူးစရာကောင်းမနေတာတော့ အသေအချာပဲ။
လူတွေတစ်ယောက်နဲ့တစ်ယောက်တွေ့ဆုံပြီးရင်
ခွဲခွါကြရမှာ သဘာဝပဲမလား။
ခွဲခွါရမယ့်သူတွေအချင်းချင်း ချစ်ခြင်း မုန်းခြင်း
အဲ့ဒီ့လို ခံစားချက်တွေထားနေကြသေးတယ်လို့။
ပိုင်ဆိုင်လိုခြင်း ရယူလိုခြင်းတွေလည်းပါသေးတယ်။
တစ်ဖက်လူရဲ့စိတ်ဆန္ဒမပါပဲ ရယူလိုခြင်းကို
ချစ်ခြင်း ဆိုပြီး ခေါင်းစဉ်တပ်ကြဖို့ကိုလည်း
ဝန်မလေးကြပြန်ဘူး။
![𝙲𝚒𝚐𝚊𝚛𝚎𝚝𝚝𝚎𝚜,𝙿𝚕𝚞𝚖𝚎𝚛𝚒𝚊 & 𝙻𝙾𝚅𝙴 [SungJake]](https://img.wattpad.com/cover/318255178-64-k837024.jpg)