အချိန်ဘယ်လောက်ကြာအောင်သူတို့ငိုကြွေးခဲ့ကြလဲမသိပေမယ့် အသိပြန်ဝင်တဲ့အချိန်မှာ သူ့ခြေထောက်တွေ အတော်လေးထုံနေခဲ့ပြီ။
အငိုတိတ်သွားချိန်ပြောလာခဲ့ပေမယ့်
သူ့ဆီကလား ကိုယ့်ဆီကလားမသဲကွဲတဲ့
ရှိုက်သံတစ်ချို့ကတော့ ကျန်ရှိနေဆဲ။
"မေမေက ကိုယ် ၈ နှစ်အရွယ်မှာဆုံးသွားတယ်"
ဘာလို့ပြောပြလဲမသိပေမယ့်
သူကတော့ တိတ်တိတ်ကလေးနားထောင်ပေးရုံပါပဲ။
"မေမေကသိပ်ကိုလှတဲ့ အမျိုးသမီး။
တရုတ်စကားပန်းတွေကိုလည်းသိပ်ကြိုက်တာ။
ကိုယ့်ဆီက ပါးချိုင့်နဲ့ သွားစွယ်ချွန်ချွန်လေးတွေက
မေမေ့ဆီကရခဲ့တဲ့ တစ်ခုတည်းသော အမွေတွေပဲ။"
ဖလင်ဓါတ်ပုံထဲမှာကြည့်ရုံနဲ့တင်
အတော်လှတဲ့အမျိုးသမီးမှန်း သူသိ၏။
"အဲ့ဒီလိုလှပတဲ့အမျိုးသမီးရဲ့ အိမ်ထောင်ရေးကတော့ နည်းနည်းလေးတောင် မလှပခဲ့ဘူး"
ခါးနားကအင်္ကျီစကိုဆုပ်ကိုင်ထားတဲ့လက်အစုံတို့
တင်းသွားကြောင်းကို ငါသတိပြုမိလိုက်တယ်။
ပခုံးကိုခပ်ဖွဖွလေးပုတ်ကာ နှစ်သိမ့်ပြန်တော့
လက်ကအားတွေပြန်လျော့ကုန်တယ်။
"မေမေသေဆုံးရတဲ့အကြောင်းရင်းက အဲ့ဒီ့လူကြောင့်။
သူ့ရှေ့မှာ ဖောက်ပြန်နေပေမယ့် အချိန်အတိုင်းအတာ
တစ်ခုထိ မသိချင်ယောင်ဆောင်ပေးထားတုန်းပဲ။"
တစ်စနဲ့တစ်စတုန်ယင်လာတဲ့အသံတွေကိုနားထောင်ရင်း
ဘယ်လောက်တောင်နာကျင်နေခဲ့မလဲ ခံစားလို့ရတယ်။
"ကိုယ့်အဖေဆိုတဲ့သူက အဲ့လိုလုပ်ရပ်တွေလုပ်နေတာကို
ကိုယ်သေချာသိတတ်တဲ့အရွယ်မဟုတ်သေးဘူး။
အဲ့ဒီလိုဖောက်ပြန်တဲ့သူက နောက်တစ်ယောက်တည်းနဲ့ကျေနပ်လားဆိုတော့လည်း မဟုတ်ပြန်ဘူး။
တစ်ညကိုတစ်ယောက်ပြောင်းပြီး အိပ်ရာပေါ်တင်ခဲ့တာလေ။ တရားဝင်ဇနီးတစ်ယောက်လုံးရှိနေရက်သားနဲ့..."
လူယုတ်မာ...အဲ့လိုပြောဖို့တောင်မတန်ဘူး။
"တစ်နေ့ မေမေက ကျောင်းလာမကြိုခဲ့ဘူး။
အဲ့တာနဲ့ပဲ တစ်ယောက်တည်းပြန်ခဲ့တာ။
မေမေစီးနေကျဖိနပ်ကိုသိနေပေမယ့်
ကိုယ်တို့အိမ်ရှေ့ တံခါးဝမှာရှိနေတာ
မေမေ့ဖိနပ်ဟုတ်မနေခဲ့တာ သိနေတယ်။
၈ နှစ်အရွယ်ဆိုတာ သေချာမတွေးတတ်သေးပေမယ့်
ဖြစ်ရပ်တွေကို ရှင်းရှင်းလင်းလင်းမှတ်မိနိုင်တဲ့
ဥာဏ်ကောင်းတဲ့အရွယ်မလား။
အဲ့ဒီမှာပဲ...အဲ့ဒီ့မှာ..."
![𝙲𝚒𝚐𝚊𝚛𝚎𝚝𝚝𝚎𝚜,𝙿𝚕𝚞𝚖𝚎𝚛𝚒𝚊 & 𝙻𝙾𝚅𝙴 [SungJake]](https://img.wattpad.com/cover/318255178-64-k837024.jpg)