ဦးတည်နေတဲ့မျက်ဝန်းအတွက် နေရာမရှိ
ကောင်းကင်ကြီးနဲ့ တစ်ဆက်တည်းထိစပ်နေသလိုမျိုး
တစ်ပြင်တည်းရှိနေတဲ့ ကမ်းမမြင် လမ်းမမြင်
ပင်လယ်ပြင်မှာပဲ တစ်စုံတစ်ဦးကိုတော့
သူ့ကို နားလည်စေချင်ခဲ့တယ်။
"မင်းကမနာခံတဲ့ ကျားနာလေးပဲ"
အဲ့ဒီ့မျက်ဝန်းတောက်တောက်တွေကိုကြည့်ရင်း
ထပ်မံလို့ပြောတဲ့စကားကို သူလျစ်လျူရှုပစ်တယ်။
"နာခံတဲ့သူတွေကို လူတွေကချီးကျူးတတ်ကြလား။
ဘယ်သူ တစ်ဦးတစ်ယောက်ကြောင့်နဲ့များ
ငါကစကားနားထောင်ပေးရမှာတဲ့လဲ။"
သူ့ရဲ့စကားတွေကို နားမလည်ဟန်မပြပါပဲ
ဦးတည်နေတဲ့စကားလမ်းကြောင်းကို
ဖွင့်ပေးခဲ့ပြန်တယ်။
"မင်းရဲ့ဘဝတစ်လျှောက်လုံး
သူများစကားတွေနားထောင်တတ်ခဲ့ပုံပဲ"
အဲ့ဒီ့လူဟာလေ သူ့ကိုစိတ်ရှုပ်စေတာပဲ။
"လူတွေကသိပ်ခက်တယ်။
သူတစ်ပါးဘဝကို ခြယ်လှယ်ရဖို့
သိပ်ကို အရေးတယူရှိနေကြတာပဲ။"
"တစ်ချို့အရာတွေဟာလည်း
သိပ်ကိုအရေးတယူရှိချင်စရာကောင်းတာကိုး။"
သူ့ရဲ့မျက်ဝန်းတွေထဲကို တည့်တည့်စိုက်ကြည့်ကာ
ဆိုလာတဲ့သူဟာ သိပ်ကို အတင့်ရဲလွန်းတယ်။
အဲ့ဒီ့အကြည့်ကို မခံနိုင်တော့တဲ့သူဟာ
ခြေထောက်တွေ ပျော့ခွေမကျရုံတမယ်ပါပဲ။
"အဟက် ဖြစ်နိုင်ပါတယ်လေ"
သူ့လက်ထဲမှာရှိနေတဲ့စီးကရက်ကို
နှုတ်ခမ်းမှာတေ့ကာ အရှေ့ကိုတိုးတယ်။
သူ့လက်ထဲကမှာကိုင်ထားတဲ့
မီးခြစ်ဆံဗူးလေးကို မေးငေါ့ပြလိုက်တဲ့အခါ
အလိုက်တသိပဲ မီးညှိလို့ပေးလာပြန်တယ်။
မီးစွဲသွားတဲ့အခါ စီးကရက်အငွေ့တွေကို
သူ့မျက်နှာရှေ့ မှုတ်ထုတ်လိုက်တယ်။
သူကိုယ်တိုင်သောက်တာမျိုးမဟုတ်ပဲ
စီးကရက်အငွေ့တွေကြားထဲကနေ
တွန့်ချိုးနေတဲ့မျက်ခုံးတို့နဲ့
အဲ့ဒီ့ မျက်နှာဖွေးဖွေးဟာ
အကြည့်မလွှဲပစ်ချင်စရာပဲ။
![𝙲𝚒𝚐𝚊𝚛𝚎𝚝𝚝𝚎𝚜,𝙿𝚕𝚞𝚖𝚎𝚛𝚒𝚊 & 𝙻𝙾𝚅𝙴 [SungJake]](https://img.wattpad.com/cover/318255178-64-k837024.jpg)