Appellant

Appellant (7)

"Roll-12 Wu Yifan ကဘယ်သူလဲ?.. တစ်ချက်လောက်မတ်တပ်ရပ်မယ်"

အတန်းတက်တက်ချင်း ဆရာဟျွန်ဝူးအမေးကြောင့် နည်းနည်းတော့လန့်သွားသည်၊

ဆရာဟျွန်ဝူးမှာ အသင်အပြကောင်းပြီး ကျောင်းသားများအပေါ်စည်းကမ်းတင်းကြပ်သည့်
circuit analysis ဘာသာပြဆရာတစ်ဦးဖြစ်ပေသည်၊

အားလုံးက ချစ်ကြောက်ရိုသေကြသည်မှာလည်း Yifanအပါအဝင် ဖြစ်သည်၊

သို့သော် ဆရာကိုယ်တိုင် အတန်းထဲမှာ နာမည်ခေါ်မေးရလောက်အောင်

Yifan စည်းကမ်းတစ်ခုခုများဖောက်ဖျက်မိလို့လားဟုပင် အသဲအသန်စဉ်းစားကြည့် မိသည်၊

"ကျွန်တော်ပါ ဆရာ!"

အတန်းထဲတွင်လည်း အပ်ကျသံပင်မကြားရလောက်အောင် တိတ်ဆိတ်သွားသည်၊

" ဪ..မင်းလား??ထိုင်လို့ရပြီနော်..."

"ဟုတ်ကဲ့...ဆရာ"

"အထွေအထူးတော့မဟုတ်ပါဘူး...
ရှေ့အပတ်က စာမေးပွဲမှာ အမှတ်တော်တော်များနေလို့..

မြင်ဖူးချင်ရုံပါဘဲ ရုံးခန်းထဲမှာလည်း မင်းအကြောင်းတော်တော်ပြောနေကြလို့လေ

ကြည့်ရတာတော့ အမှတ်ကောင်းတာ တစ်ဘာသာထဲမကဘူးထင်တယ်

ကောင်းတယ်.. ကောင်းတယ်.. ဆက်ကြိုးစား!!"

" အာ.....ဟုတ်ကဲ့ဆရာ "

ထိုနောက်တွင်တော့ ကျောင်းသားများ၏ တွတ်ထိုးသံများညံစီညံစီ ထွက်ပေါ်လာတော့သည်၊

"ဟေး!ဟိုက်ပါကြီး...နောက်လကျရင် ဒီ‌ပေါင်ပေ့လေးကို ကူညီမစပါဦးနော်..နော်..နော်"

ဘေးမှ Jongin က ဝင်နောက်လိုက်ခြင်းဖြစ်သော်လည်း

Yifanမှာ ပေါင်ပေ့လေး ဟူသောစကားလုံးကို ကြားပြီးသည်နှင့် နားရွက်ဖျားများရဲရဲနီဆွေးသွားတော့သည်၊

ထိုနေ့ညနောက်ပိုင်း Chanyeolကိုမတွေ့သည်မှာ တစ်ပတ်လောက်ပင်ရှိတော့မည်၊

မေမေကြီး‌ဆေးရုံတင်ရတယ်လို့လည်း ဝိုးတဝါး ကြားလိုက်သည်မို့

တစ်ပတ်လောက်ကျောင်းပျက်သည်မှာလည်း ထိုအကြောင်းကြောင့်သာဖြစ်‌ပေလိမ့်မည်၊