بسم الله الرحمن الرحيم
#نصيبي المبهم
مِن ثِگل بية أنتظارك سافرتلَك وأنحنيت
سافرِت لأخر مَحطة بيها مَصلوب الوَداع
وما لگيت رسوم حِزني
شگد بچيت
شگد دمع ذَلني ونسيت
شچم هلا انذبحت بروحي
وما أجيت !
گمر...اباوع للشخص الي احبه گبالي وهو مغطى بدمه لساني عجز ينطق الكلام أيديه ترجف والموبايل ماثابت بيدي من الرجفه الي صابتني واني اشوف منضره گبالي نطقت باسمه ورد عليه وهو مايطلع منه الكلام داشداشته البيضه ملطخه بلدم؟!! وغترته واكعه من راسه كح بتعب واشوف الدم يطلع من حلكه حجى وهو يلهث
اسد....بنتي باامانتج گمر ..!!
جانت هاي اخر كلمات گالها الي وبعدها شفته وهو يغمض كبالي والموبايل وكع من أيده صرخت بصوت عالي....
اسد رد عليه فدوة اسد كووم رررد عليه
علي صوتي صعدت عمتي وحماويني وهما يسالوني يردون يعرفون شبيه واني ماامستوعبه الي صار
معقوله؟؟
اشرتلهم على الموبايل ونطقت...اسد
رد عليه اخو اسد محمد ..شبيه اسد احجيي
گمر: ج ج جان ك كله د دم
نزل بسرعة وولحكه علي واني على كعدتي اريد استوعب الي ديصيرر ؟؟
لا اكيد جان احلم انيي اي اكيد مستحيل اسد يعوفني ه هو وعدني يبقى وياي ويكون وياي بولادتي من ريحانه حياتنا
صار المسا وماكو خبر واني الوب اريد بس اعرف شي عنه شي يبرد كلبي يصحي من الي شفته صار المسا وراح وماكو خبر؟؟
بيومها حسيت راسي مفجرين بيه قنبله وبطني لزمني مغص قوي بس كل هذه مااهمني الي همني اسد وبس اسد اريد اشوف اسد بخير
صار الصبح ودخلو حماويني وهما شايلينه؟؟
اباوعلهم واضحك...تشاقون صح
نزلوه وخلوه بنص بيتنا وهو بدمه الشخص الي حبيته وضحيت بكلشي علموده هيج يعوفني مستحيل
عمتي ام اسد بس شافت منضره كبالها وكعت من ايدينه والكل التم عليها ركضت حلا جابتلها ماي بسرعة ويرشون وماكو هيا فاقدة لاا ايد ولا رجل نص ساعة ضبط يلا كعدت
واني واكفه من بعيد اباوع لاسد كبالي واضحك تقربت يمه وكعدت مسكت أيده واني لحد هسه ممستوعبة هزيته بخفه بلكي يكعد ويسمعني بس مااوصلني اي رد جان كبالي جثه هامدة صحت بصوت عالي
اسد كوم شوف مو انت كلت ماعوفج مو انت تنتظر بنتنا حتى تجي كوووم لاتسوي هيج لاتكسرني اسدد لاتكسرنييي مو كد هل حمل اني
عمتي وكعت يمه وتضمه على صدرها وتبجي
ولك يمه كوم يابعد امك كووم أخذ روحي وكوم اسد لك يمه لاتسوي هييج تلطم على وجهه وتبجي واسد بحضنها
بلكوة بعدوها عنه وكعدوها بعيد عنه واني اباوعله خواته الثلاثة كلهم يباوعون ويبجون وحاضنيه
أنت تقرأ
نصيبي المُبهم
Mistério / Suspenseمصير مجهول لبنتين يواجهون متاعب الدنيا وحدة تفقد زوجها والثانية تفقد امها !!! شلون راح يكدرون يواجهون هل حياة ومتاعبها هل راح يكدرون يواجهون كل هل شي ام راح يضعفون وتنهدم أحلامهم وآمالهم لكل بنيه من هل بنتين قصه وراها تعب وحزن وخذلان وخسران شخص...
