نصيبي المُبهم

نبذة عن القصة

شايف من تبين عود ما مگسور وتضحگ وبضحگتك تنزل الدمعة ضگتها وگمت ادور عالهوئ بسرعة منها وگمت احس بحرگه الفلاح من يوصل حصاده ويحترگ زرعه

لسان حال بطلنا [امير]

بنيه عايشه حياة بسيطه  وحلوة  مع الشخص الي تحبه
والي هو ابن عمها بس هل راح تستمر هل حياة السعيدة
أو راح تدمر بسبب ثار عشائر !!

زين شنو الي راح يصير بعد ميموت الشخص الوحيد البقالها من هل دنيا بعد ماحتى أهلها تبرو منها منو حيوكف وياها هيا وبنتها

مشهد 1
جنت كاعدة بلغرفة وكلبي نااغزني حاسه باحساس محلو ابد صعبة اكدر اوصفه طلع اسد من البيت واحس ويا طلعته روحي طلعت وياه....

كاعدة وايد على گلبي وايد على بطني الي دخلت بشهري وايام واولد وتنور ريحانه حياتي اي اني حامل من الشخص الي احبه وبعد أيام تنور ثمرة حبنا حتى تكمل قصة حبنا

اجاني اتصال...
رديت وجان أنصدم من الي اشوفه!!!

اسد؟
اي اسد والدم حوله ودينطق اخر كلماته قبل ماايتوفى

مشهد 2

مر شهرين على وفاة سندي بهل دنيا والدنيا بعده كلها ضلمت بعيني
جنت واكفه عالسنگ اغسل رضاعة وجان يندگ باب بيتنا
لبست شالي وطلعت فتحت الباب وجان أنصدم واني اشوف!!!

اسد!!

اي اسد واكف كبالي بشحمه ولحمه
اباوعله واني ماامصدكه شلون؟
شلون واني بعيوني شفته بالكفن
بهل لحظه مليون سوال اجى براسي شلون شوكت جنت كلش فرحانه بشوفته حضنته بسرعة واني اشم بريحته بس دقيقة!!
معقول!!
شلون!!

مشهد 3

كاعدة وكبالي الشخص الي احبه سنين بس شنو؟
هو يعتبرني أخته اي اني ياسمين راح تتعرفون عليه بهل قصه
كاعدة واباوع على ابن خالتي وهو ينخطب للبنيه الي يحبها
واني گلبي يتكطع واني اشوفه يروح لغيري

مشهد 4

اباوعلها من بعيد واني اتمنى لو اكدر اصارحها بحبي الها اصارح ياسمين اني احبها بس شلون واني متزوج وعندي طفل ؟

مستحيل ترضى بشخص متزوج وعنده طفل فوكها خيبتي واني اشوفها كبال عيني تنخطب شفتها بعيني لابسه الفستان الابيض لغيري

طبعا هاي البداية ومشاهد من القصه الي راح تشوفونها وتمر عليكم كلها وراح نتعرف عالابطال أكثر

ملاحظة القصه [ خيال ]

الكاتبه: بلسم
الانستا: _b9s11s3

اتمنى تعجبكم قصتي وشكرا 🤍