نصيبي المُبهم

البارت الثالث 3

التعب واصل حدر عظمي وأگول
تهون

{بسم الله الرحمن الرحيم}

اباوع كبالي اسد؟؟ معقول
اي اي هو اسد

باوعتله لدقائق وحضنته بقوة وابجي اسد شتاقيتلك جنت ادري مااتعوفني اني ادري بيك ماتعوفني انت

هو اسد نفسه
نفس عيونه
نفس خشمه نفس رموشه اسد واكف كبالي
اباوعله ونضراتي واني بين ايديه بس ؟؟

ماجان يبادلني جانت نضراته الي باردة حجى بصوته الخشن

اني امير

گمر...اني جنت ادري عنده اسد اخ بس من شفته كبالي مابقى عقل براسي...اكتفيت بالسكوت وهو طب لجوه

كمر
نضراته البارده چون كلبي جنت اتمنه يطلع هوا حته لو بس طيفه يمرني الدمعه جلبت بطرف عيني والغصه اخذت كلبي الرجفه سرت بكل جسمي معرف شلون ضليت واكفه بمكاني مااعرف شلون رجليه حملتني رحت للمطبخ لزمت بلكرسي وبلكوه كعدت مااعرف هيه ثواني وماحس غير دموعي بدن ينزلو واشهك من كل كلبي تيتمت بغيابك يابويه اي هوا ابويه من عمري 15 انه يمه رباني هوا وكبرني على ايده باوعت للكرسي لكبالي وابتسمت بنص دموعي وانه اتذكر قبل اسبوع من موته جنت كاعده وبطني لحلكي زعلانه منه لان هاملني بسبب شغله كاعده بنفس مكاني وانه مبرطمه دخل هوا وراي كعد ولزم ايديه باسهم

اسد
مالكيتي غير دموعج تچوين كلبي بيهم؟ مو هديتي حيلي يابعد چبدي

كمر
انته ماتحبني

مسح دموعي بابهامه ويباوعلي بحنيه
شلون ماحبج غير انتي ماشيه بدمي مشي الدم بلعرك كافي يلا مسحي دموعج وكافي تچويني

كمر
لو تحبني مااتعوفني هيج واني تعبانه كلش ومحتاجتك كلش يمي

اسد
لو الشغله بيدي اعيش عمري كله بين أحضانج
حضنج گمر راحتي هنا بحضنج

ياشر على حضني مااتحملت وحضنته بقوة
وبادلني بنفس القوة بقيت مجلبه بركبته

اسد
ها بويه تصالحنه

كمر

ليش اني اكدر ازعل منك من وعيت وانت كبالي ربيت على ايدك بالوكت الي جنت محتاجه بيه ابويه انت صرتلي اب وزوج وسند الي

اسد
هو اني چم كمر عندي هيا وحدة بس

كرص خدودي بابتسامه
صحيت من خيالي على صوت بنتي وهيا تبجي جايبتها حلا الي كمت بسرعة اخذتها منها وضميتها لصدري أهزها

هش ياگلب امج انتي لاتبجين يمج اني هش

اخذتها وصعدت للغرفة نطيتها الحليب جانت تباوع بدموع وترضع

مسدت على شعرها الناعم بحنيه ودموعي تنزل من وحدها

لخاطرج اني بس باقية بهل دنيا تدرين
ابوج كلش يحبج جان هواي متمني يشوفج
بس الموت اخذه مني ومنج بسرعة ومالحگنا نشبع منه
بس هو ويانه ابوج هنا عايش بوسط كلبي