نصيبي المُبهم

البارت الاول 1

{بسم الله الرحمن الرحيم}

نبدي باول بارت بقصتنا

هواي حَبوني لچن ماخِذني وَجهك
حِزني مِن وجوه ناسي المّا تِشبهَك
حزني من يّحچولي عَنك
يا بَعد كُل ضحكه بيه وحزني مِنك.

لسان حال گمر

في مدينه البصره تحديدا في بيت الشيخ اسد ال.....
الكل كاعدين ملتمين على الريوك وياكلون ام اسد واخته
واخوانه ونسوان اخوانه وگمر

گمر
گاعدة واباوعله بابتسامه وهو كاعد گبالي بهيبته وطوله الحلو ادعي بگلبي ربي ما يحرمني منه ويخليه خيمه فوگ راسي .....

خلصنا ريوك وكمت اشيل الاكل وخواته وياي ملتمين كلنا حلا تشيل الاكل ترجعه بمكانه ريام تشيل الصحون تعزلهم وتلملم على أيديهم گمر واكفه عالسنك تغسل مواعين نسيت اعرفكم على نفسي اني گمر
عمري 23 سنه من البصرة متزوجه وحامل حاليا  بشهر الثامن نهايته من ابن عمي والشخص الي أعشقه طبعا اني عيوني بني فاتح وشعري طويل يوصل لنهاية ضهري تقريبا بيضه على حنطاويه شعري لونه بني طبعا أهلي تبرو مني بسبب اني تزوجت ابن عمي متخيلين؟ جان اكو عداوة بين أبوية عمي لهل سبب ابوي رفض اتزوجه علمود هيج اتزوجنا بلسر وبس عرفو تبرو مني طولي 161

اسد
خلصت اكل واتوجهت للديوان عندي كعدة فصل
صعدت لبست دشداشتي وتعطرت ونزلت للديوان  ..... اعرفكم عليه اسمي اسد من البصرة عشيرة *****  عمري 37 سنه استلمت الشيوخه من بعد وفاة والدي الله يرحمه  اعملل ضابط ب*****     وطبعا عانيت هواي بحياتي لحد مااحصلت البنيه الي أحبها بسبب مشاكل اني مالي ذنب بيها ولا هيا عيوني سود وكذلك شعري ماحب امددح هواي بروحي لحيتي سودة وحنطاوي طولي 189

امير
اسمي امير عمري نفس عمر اسد 37 سنه
اشتغل ضابط
طولي 189
اني توأم اسد نفسه الي أخذ مني گمري
اني وياه كلش نتشابه محد يفرق بينا من كميه الشبه
شخصيتي تختلف عنه ماحب سوالف الشيوخ بعكسه
راح تتعرفون أكثر عليه بلقصه هذا تعريف بسي

سيف
مرحبا أني سيف من البصرة عمري 36 سنه مواصفاتي
شعري اسود وعيوني بني فاتح لحيتي كثيفه وبشرتي حنطاوية اشتغل ضابط أيضا طولي 189

ياسمين
اسمي ياسمين عمري 21 سنه
سمرة وشعري كيرلي شوي  عيوني صغار وحواجبي كثيفات خشمي صغير وشفايفي كبار ادرس طب مرحلة ثانية طولي 160

وسام
اسمي وسام عمري 28 سنه
تحملت مسوولية اكبر من عمري من بعد وفاة والدتي وهجر ابوي النا اي نعم ابوي تبرأ منا
وشمرنا اني وامي واختي الي مايتجاوز عمرها 10 سنوات جان عمري بوكتها 18 سنه طولي 182 وقررت اكمل دراستي واشتغل بنفس الوكت حتى اصرف عليهم
وفعلا جنت ورا مااتخلص مدرستي اطلع اشتغل ويا العمال احصلي بل اسبوع 5 الف بلدوب اكدر اشتري بيها اكل يكفينا لاسبوع جنا كلش نحتفظ بل اكل ومرات مااناكل امي تمرضت بسرطان الدم
بطلت من مدرستي وصرت اشتغل أكثر من شغل في سبيل اجيب علاجها بس امي مااتحملت وماتت من قهرها
والمسؤوليه كثرت عليه صارت اختي مسووليتي اخاف عليها من كلشي من الهوى اخاف عليها صارت اغلى من روحي عندي ماتحمل اشوفها فد يوم تبجي