ရှိန်းထက်ဝေ မနေ့ညက အတော်နောက်ကျမှ အိပ်ပျော်သွားသည်။နိုးနိုးချင်း ဆေးရုံကုတင်ထက်က ကောင်လေးကိုကြည့်ရင်း စိတ်မကောင်းဖြစ်မိသည်။
ကောင်လေးအကြောင်း မနေ့ညက မအိပ်ခင်စုံစမ်းကြည့်တော့ ကောင်လေးက မိဘမဲ့တဲ့။ဒါပေမယ့် ကောင်လေးကတော့ ဘာမှမဖြစ်သလိုပဲနေနေတယ်တဲ့။
" ကောင်လေးက စိတ်ဒဏ်ရာတွေ အရမ်းများခဲ့တာပဲ "
ဆေးရုံကုတင်ထက်က ကောင်လေးရဲ့ လက်လေးကို ကိုင်ကာ ခပ်တိုးတိုးဆိုမိသည်။ကောင်လေးရယ်..သတိရလာချိန်တန်ပြီလေ။
" ဟင်! "
ကောင်လေးရဲ့ လက်ကိုကိုင်ထားရင် လက်ချောင်းလေးတွေ လှုပ်လာတာမို့ ဇွဲခန့်ကို အမြန်သွားခေါ်လိုက်သည်။
" ဇွဲခန့်..ကောင်လေး အဆင်ပြေသွားပြီလား။ဘယ်လိုနေသေးလဲ။ "
" ဖြည်းဖြည်းပြောပါ ငါ့ကောင်ရယ်။မင်း ကောင်လေး အကုန်အဆင်ပြေသွားပြီ။ဒါပေမယ့် ဆေးရုံမှာပဲနေခိုင်းအုံး...ပြီးတော့ အပျော့စာလေးတွေကျွေးပေး။မင်း ကောင်လေးက အရမ်း အားနည်းလွန်းတယ် ရှိန်းထက် "
" အေးပါ။ငါ သေချာဂရုစိုက်မှာ။ကောင်လေး ငါ့ဆီမှ ပျော်စေရမယ်.. "
" အေးပါကွာ။ငါ သွား... "
ဇွဲခန့် စကားပင်မပြီးသေး အချစ်ရှိရာကို လှည့်ထွက်သွားတဲ့ ရှိန်းထက်ဝေကြောင့် ခေါင်းခါမိသည်။
" ကျေးဇူးမသိတတ်တဲ့ကောင်..သူငယ်ချင်းက ကူညီပေးထားတာကို "
~ ~ ~
ရှိန်းထက်ဝေ ကောင်လေးစားဖို့အတွက် ဆန်ပြုတ်ပြုတ်လာဖို့ မေမေတို့ကိုဖုန်းဆက်ပြောလိုက်သည်။
" ကောင်လေး.. "
" အင်း... "
ကောင်လေးက အသံလေးဖျော့ဖျော့နှင့် အဖြေပြန်လာသည်။ကောင်လေးက ထရန်ပြင်နေတာမို့ ကောင်လေးရဲ့ ခါးအောက်ကို လက်ကလေးလျှို့ပြီး ထူပေးလိုက်သည်။
" ကောင်လေး..အဆင်ပြေရဲ့လား "
" အင်း...ပြေ ပါ တယ် "
စကားလုံး တစ်လုံးချင်း သေချာပြောနေရတဲ့ကောင်လေးက ဖြူဖတ်ဖြူရော်ဖြစ်နေသည်။ရှိန်းထက်ဝေ ကောင်လေးကို ဆူလိုက်ချင်ပေမယ့် ဒီလိုပုံစံဖြစ်နေတော့ မဆူရက်။
YOU ARE READING
Love Story Illustration
Romance" မင်းလေးပုံဆွဲဖို့ နေရာမလောက်ရင် ကိုယ့်ရင်ဘက်ပေါ်မှာ လာဆွဲလို့ရတယ်နော် " • ရှိန်းထက်ဝေ " ကိုထက်ရေ ပုံဆွဲဖို့ Supplyတွေမရှိတော့ဘူး ဝယ်ပေးပါအုံး " • မိုးတိမ်ပန်းချီ Start - 1.8.2022
