سيف : مابقصه بس يوم بتقولين لي قصه بقصه
الريم : انا بقصه
سيف : والله ياويلج اذا قصتيه والله
الريم : امزح وياك مابقصه
سيف : ع بالي بعد
لبس سيف غترته و عقاله و عطرته الريم
الريم : درب السلامه ولا تنسى الاجازه
سيف : من عيوني مب ناسي
راحت الريم فتحت الكبت ورتبته وعدلته من اول ويديد راحت انسدحت ع الشبريه مسكت فونها دقت لبنت عمها نوف الوحيده اللي تدري انها متزوجه بالسر وهي اللي مساعدتنها
الريم : السلام عليكم نوفي
نوف : وعليكم السلام ها الريم شو عندج
الريم : اممم تدرين انا وين
نوف : وين يعني ف البيت منسدحه تحت المكيف
الريم : لا وين تتوقعين
نوف : طالعه عيل وي ريلج
الريم : ههههه لا انا ف بيتي
نوف : حلفي هالوقت شو تسوين
الريم : تامه عنده من امس و ان شاء الله اسبوع كامل بتم وياه
نوف : اونه ليش وكيف واهلج انزين
الريم : الفتلهم جذبه وصدقوني
نوف : بسج عاد وايد تجذبين
الريم : شو أسوي انزين ريلي احبه يباني
نوف : انزين الحين بتمين وياه اسبوع ولا كيف
الريم : هي ان شاء الله
نوف : حبوب منع حمل تاخذينها
الريم : لا من فتره ماستخدمتها اصلن مادري وين فارتنها
نوف : لا انتي ناويه تفضحينا
الريم : جي ولا جي بيعرفون اخر شي
نوف : خل يعرفون الحين قبل ما تحملين
الريم : انا ابا اعترف بس سيف مب راضي
نوف : ليش انزين
الريم : يقول كل شي بوقته حلو
نوف : انتي حافظي ع حبوبج
الريم : مابا خلاص مليت والله اخاف ماييب عيال عقب مابي أخذ
نوف : خلاص عيل يوم بتحملين لاتقولين ساعديني انا قلتلج
الريم : مابقول انتي وين الحين
نوف : طالعه من الدوام راده البيت
الريم : مريلي يلسي وياي
نوف : ليش سيف وينه
الريم : سوافي حبيبي سار الدوام
نوف : هههههه قاعده روحج عيل
الريم : هي اباج وياي
نوف : خمس دقايق ويايه
بندت الريم عنها اتصلت لسيف
الريم : هلا حبيبي
سيف : اهلين حياتي
الريم : ها شو عن الاجازه
سيف : الحين انتي متصله عسب الاجازه
الريم : هي شو يلا
سيف : وافقوا عليها
الريم : الحمدلله ريحتني والله
سيف : هههههه الحمدلله
الريم : نوف بعد اشوي بتي بتقعد وياي
سيف : زين اتسليج اشوي بس لاتحشون فيني
الريم : ههههههه لا حبيبي اطمن مابنحش فيك
دق الجرس
الريم : شكلها وصلت يلا بخليك
سيف : اوك مع سلامه
بندت وراحت فتحت الباب لنوف دخلت قعدت ع الغنفه
نوف : مب شكله البيت متغيره
الريم : هي سيف اسبوع اللي طاف مغيرنه
نوف : هي انا اقول بعد متغير
الريم : اليوم بتسوين وياي الغدا وبتتغدين وياي
نوف : هالناقص بعد بروح انا
الريم : لاوالله مابتروحين
نوف : اوف منج انزين بتم
الريم : يلا عيل ع المطبخ
راحوا المطبخ و طبخوا وسوو برياني دياي و جهزوا الغدا طلعوا من المطبخ ساروا الصاله قعدو
نوف : اول مره انسوي برياني تتوقعين بيعيبه
الريم : اكيد بيعيبه دام الريم ونوف طبخوله
نوف : و اذا ماعيبه
الريم : خل يحمد ربه طبخنا له
نوف : هي والله هههههه
الريم : وينه تاخر
راحت الريم صوب الجامه تشوفه يا ولا
نوف : دقيله شوفيه
الريم شلت فونها بدقله سيف دخل
سيف : السلام عليكم
نوف : وعليكم السلام
الريم : انت وينك ليش تأخرت
سيف : شغلوني ف الدوام
الريم : زين افتكيت منهم
سيف : شو مسويه غدا
الريم : اللي يحبه قلبك
سيف : شو
نوف : شو تشم انت
سيف : اممم مادري بس يمكن برياني
الريم : صح
الريم مسكت ايده : يلا نوف تعالي نتغدا
سيف : ببدل اول
الريم : مب لازم اعتبر نفسك رايح مطعم مب ف البيت
سيف : هههه يلا انزين بعتبر نفسي رايح مطعم
دخلوا المطبخ و تغدو
سيف : ببدل و بريح اشوي لين العصر وعيني
الريم : اوك حبيبي
قعدو ف الصاله بعد ساعه
نوف : يلا انا سايره
الريم : ليش تمي
نوف : انا من الساعه عشر عندج بس رايحه
الريم : تمي اشوي يلسي وياي بتم روحي سيف راقد
نوف وقفت : سايره روحي رقدي وي ريلج
الريم : هههه اذا رقدت مابوعيه
نوف : انا سايره عيل مع سلامه
الريم : اوف منج
طلعت نوف راحت الريم فتحت التلفزيون انسدحت ع الغنفه شلت فونها دقت لامها
الريم : السلام عليكم شحالج اميه
ام الريم : وعليكم السلام هلا الريم الحمدلله بخير وانتو شحالكم
الريم : الحمدلله بخير
ام الريم : شحال اهل ربيعتج ان شاء الله بخير
الريم : الحمدلله بس بعدهم ف المستشفى
ام الريم : الله يشفيهم ي رب ونتي متى ناويه تردين البيت ان شاء الله
الريم : اميه انا بتم وياها لين يتشافون مسكينة محد عندها روحها ف ها البيت
ام الريم : يبيها بيتنا انزين
الريم : حاولت وياها مب راضيه يعني شو بسوي اكثر من جي
ام الريم : خلاص انزين انتي تمي وياها يوم بيستون زينين بتردين البيت
الريم : ان شاء الله مشكوره امايه فديتج
ام الريم : يلا ديرو بالكم ع نفسكم وربي يحفظكم
الريم : ان شاء الله ويحفظج
بندت الريم تمت اتشوف تلفزيون لين إذن العصر صلت راحت فوق عند سيف شأفته يالس
الريم : ها نشيت
سيف : هي
الريم حست ان الدنيا دايره فيها اغمى عليها طاحت سيف راح صوبها حاول يقومها ماقدر شلّها وداها المستشفى .. ف المستشفى نشت الريم شافت سيف قاعد ع الكرسي
الريم : انا شو يابني المستشفى شو فيني
سيف : طحتي علي ف البيت حاولت اقومج ماقدرت ع طول يبتج
الريم : حسيت الدنيا أدور ماشوف شي ظلام بعدين مادري شو صار
سيف : بعدين طحتي ويبتج المستشفى
دخلت الدكتوره
سيف : ها دكتوره شو فيها شو سبب الإغماء
الدكتوره : مبروك زوجتك حامل ف الشهر ثاني
سيف و الريم انصدمو سيف وقف وطلع من الغرفه طلعت ورآه الريم
الريم : كيف جي حملت
سيف : الحين تنزلينه
الريم : انزل روح مالها ذنب بأي شي
سيف : اذا تبين اتمين وياي اتنزلين اللي ف بطنج
الريم : حرام عليك سيف تبي ولدك او بنتك يموت
سيف راح عنها السياره راحت ورآه طول الطريج الريم تصيح وصلوا البيت دخلت الريم و ركبت لنص الدري دخل سيف
الريم بانفعال : سيف
سيف ماهتم
الريم : سيف تعال اشوي
سيف يا وشافها واقفه نص الدري : نعم شو تبين
الريم : انت ماتبي اللي ف بطني صح
سيف : هي ماباه
الريم : خلاص عيل بعق عمري ف الدري ان شاء الله اموت ويموت اللي ف بطني
سيف : شو انتي تخبلتي تعقين عمرج ف الدري
الريم : هي تخبلت وينيت
الريم قربت اشوي عند الدري بطيح سيف ركب ع طول الدري مسكها قبل ماطيح
الريم : هدني هدني شو تبا فيني
سيف : لا تسوين جي ف عمرج
الريم : اذا انت ماتبي اللي ف بطني انا مابيك
سيف : انا ابيج انتي بس بدون عيال
الريم : في حد مايبي عيال ف ناس تسافر من دوله لدوله يتعالجون عسب ايبون عيال ونا حامل الحين وما تبي اللي ف بطني
سيف : انا مابي عيال مابي هالفترة انا يوم خذتج شو قلتلج قلت مابي عيال
الريم : بس سيف انا الحين حامل
سيف رِن فونه شله و الريم تمت اتصيح اشوي بند فونه قعد عند الريم و مسح دموعها و مسك أيدها
سيف : الريم
الريم صدتله
سيف : طلعتلي دوره ف الدوام 6 شهور و اجباري اروح و ماشي مفر منها
