الريم انصدمت : شو سيف ونا
سيف : انتي لي وبتنزلين الجنين
الريم : مستحيل سيف انا بعد اسبوع او أسبوعين بدخل ف الشهر الثالث بطني بيكبر يعني يوم بترد من الدوره بكون ف الشهر الثامن حرام عليك مابي انزله
سيف وقف : والله عاد قلتلج اللي عندي مب عايبنج كيفج
الريم : بتتخلى عني
سيف : لا
الريم :عيل
سيف : انا مابهدج وخلي هالجمله ف راسج سيف للريم و الريم لسيف
الريم وقفت
سيف : وين رايحه
الريم : برد بيتنا
سيف : وبتخليني روحي اليوم
الريم : مابي اتم وياك
سيف : اخر يوم اشوفج مابشوفج 6 شهور
الريم راحت لعند سيف وحضنته وطلعت ركبت سيارتها وراحت البيت سلمت لاهلها ويلست وياهم
ام الريم : سلطان ولد عمج خطبج " اخو نوف" ونحن وافقنا و بيملج عليج بعد شهر
الريم : شو
ام الريم: هي شو شو عندج هالأيام تجهزين للملجه
الريم : اميه مابيه ولا ابي اتزوج
ام الريم : ليش سلطان فيه شي فيه عيب ماتبينه
الريم : لا اميه مافيه شي بس مابيه
ام الريم : ابوج و اخوج موافقين عليه وراضين فيه
الريم : استغفر الله الا يبوني اتزوج غصب
قامت وراحت غرفتها اتصلت لسيف
الريم : سيف ولد عمي سلطان خطبني وملجتي بعد شهر
سيف : شو كيف يخطبج ونا
الريم : ماعرف سيف ماعرف امي و ابوي واخوي راشد كلهم موافقين عليهم ومحددين كل شي تعال سيف لا تخليهم يتزوجني
سيف : كيف يتزوجج ونتي ع ذمتي
الريم : محد معترف فها الزواج غير انا ونت ونوف وبس ونا حامل الحين
سيف : محد راح ياخذج مني دامني حي
الريم : بس سيف هم مقتنعين فيه
سيف : انا شو قلتلج مساعه سيف للريم و الريم لسيف
الريم : الله يصبرني بس ع اللي بيصير
سيف : ماعليج مابيصير شي
الريم : أتمنى والله مايصير شي
سيف : ماعليج خلج طبيعيه لاتحسسيهم بشي
الريم : اوك يلا مع سلامه
بندت طلعت من حجرتها راحت الصاله يلست وي اَهلها اشوي يتها لوعه راحت ع طول الحمام طلعت ردت لهم
ام الريم : شو فيج شو ماكله
الريم : مادري من فتره كله ارجع لايعه جبدي من كل شي
ام الريم : باجر الصبح بسير وياج المستشفى
الريم : يصير خير لين باجر
ام الريم : يلا تعالوا نتعشى
قاموا راحوا يتعشون
الريم : شو هاي الريحه اخيج
يتها لوعه وراحت الحمام قامت أمها راحت ورآها تشوفها
ام الريم : بتمين جي لين متى سيري لبسي عباتج بوديج المستشفى
الريم : لالا مابي اسير مستشفى
ام الريم : لا بوديج
طلعت ام الريم راحت المطبخ
ام الريم : راشد قوم نودي اختك المستشفى
راشد : ليش شوفيها
ام الريم : مادري شى فيها تقول لايعه جبدها وكله ترجع
راشد : شو حامل
ام الريم : حامل
راشد : انا أحيد هالأعراض طلعت اللي يكون حامل ولا شرايج اميه انتي ادرى
الريم دخلت لهم راحت أمها صوبها مسكت بطنها
ام الريم : طالعه لج كرشه وايد بعد ماحيدج الريم احيدج محافظه ع جسمج
الريم مرتبكه : هي اميه الفتره الاخيره وايد كنت اكل
ام الريم : شو تاكلين
الريم ارتبكت زياده : وجبات سريعة اكل باليوم مرتين وكله اكل اكل دسم
ام الريم : عطيني رقم ربيعتج اللي كنتي وياها
الريم : ليش اميه
ام الريم : عطيني
الريم : اوك بيعطيج بس شو تبينها
ام الريم شلت فون الريم فتحت فونها دقت ع اخر رقم اللي هو سيف
سيف : ها الريم شو قررتي تنزلين الجنين ولا
ام الريم انصدمت و فرت الفون للريم صفعتها
ام الريم : حسبي الله ونعم الوكيل فيج وفيه
راشد قام : شو السالفه اميه شو صاير
ام الريم : انا ماربيت بنات مايبت بنات انا اختك حامل من منو الله اعلم
الريم وراشد انصدموا راشد مسك شعر الريم بالقو
راشد بانفعال : صدق الكلام اللي قالته اميه
الريم : هي صدق انا متزوجه بالسر و حامل بعد بالشهر الثاني وبدخل الثالث
راشد ضربها : لج ويهه بعد تقولين منو ها اللي متزوجتنه وحامل منه منو
الريم تصارخ : سيف يوم يا و خطبني رفضتوه ليش عشان عادتكم وتقاليدكم المعقدة ماتسمح اني اتزوج واحد من برع العائله ليش عشان الورث مايطلع برع
راشد تم يضربها لين اغمى عليها وداها المستشفى وقالوا ان الجنين زين ماصار فيه شي وداها البيت شُل عنها الفون ومفتاح سيارتها و حبسها ف الغرفه
الريم : حسبي الله ونعم الوكيل
بعد فتره أطلقت الريم من سيف عن طريق المحكمه .. ولد عمها سلطان عرف بسالفتها ورضا فيها وقال ان يباها يتزوجها قبل ماتربي يبا يستر عليها ملجو ع بعض و يوم الملجه ف بيت اهل سلطان بيعيشون .. ف غرفتهم
الريم : مشكور ع كل شي سلطان
سلطان : لا تشكريني كم باقيلج عسب تربين
الريم : انا الحين ف الشهر السادس باجيلي 3 شهور و بربي
سلطان : حلو شو فيج بنت او ولد
الريم : ماعرف
سلطان : ليش ماتروحين المستشفى ماتراجعين
الريم : لا
سلطان : ليش
الريم : من عرفوا اني حامل حرموني من كل شي و ماطلع من البيت للمحكمه ومن المحكمه للبيت
سلطان : من حقهم زين يسون فيج
الريم : استاهل ع كل اللي استوا
سلطان : من باجر بوديج المستشفى تراجعين
الريم : اوك
سلطان : سيف متى بيخلص من الدوره
الريم : بعد شهرين
مرت الأيام و رجع سيف من الدوره وانصدم انهم أطلقوا من المحكمه حاول يتصل للريم اكثر عن مره ماترد له وبعد ثلاث شهور الريم ربت يابت ولد وخلصت من الأربعين ... الريم كانت قاعده روحها في البيت والباجي طالعين اتصلها سيف وردت
الريم : آلو
سيف بعصبيه : لا جان مارديتي صارلي اكثر عن اربع شهور احاول اكلمج مب قادر
الريم : انا اتزوجت
سيف : ولد عمج
الريم : هي
سيف : زين والله وينج انتي ابي اشوفج
الريم : ماقدر
سيف : ربع ساعه بس
الريم : انزين تعال بيت عمي
سيف : اشوي وياي
عشر دقايق ووصل سيف دخل الميلس الريم شلت ولدها وراحت عنده الميلس سيف أنصدم يوم شافها شاله بيبي
سيف : ولد منو اللي شالتنه
الريم : يهمك انت قول ولد منو
سيف : انتي ما نزلتيه
الريم هزت رأسها ب لا
سيف أنصدم : ولدي
الريم : مب ولدك ولدي انا بس انت متبري منه من كان ف بطني والحين تقول ولدك
سيف : اخ بس ياليت لو اقدر ارجع للورا وأصحح كل شي
الريم : اللي راح ماينرد انا الحين حرمت سلطان
سيف : بعتيني بالرخيص
الريم : لو كان بيدي جان ماصار اللي صار
سيف : جبروج عليه وغصبن عنج اتزوجتيه وكيف عرفوا انج حامل
الريم : امي كشفتني
سيف حط ايده ع ويه الريم : ضربوج اذوج قوليلي
الريم دمعت عطت ظهرها له : سيف روح من اهني
سيف : مب رايح غير يوم تقوليلي كل شي
الريم : سيف روح مابي اشوفك
سيف: تعالي وياي
و فجاه دخل سلطان عليهم
سلطان : وصلت فيك المواصيل تدخل بيتي
سيف : نعم تكلمني ياي اشوف ولدي عندك مانع
سلطان : ولدك الحين ولدك ولدك اللي كنت تجبر الريم اتنزله
سيف : انت مايخصك باللي كان بيني وبين الريم
سلطان : لو انت ريال مابتخليها اتنزله و تتزوجها بدون علم اَهلها
سيف : ريال غصبن عن اللي خلفوك
سلطان : ريال ماشفنا رجولتك
سيف عَصب و اضارب هو و سلطان الريم ماعرفت شو تسوي
الريم بانفعال : خلاص بس بسكم ضرابه
سيف : طلق الريم مابخلي ولدي يتربى تحتك
سلطان : ماراح أطلقها لو شو ماتسوي
سيف : الريم تبينه ولا تبيني
الريم صدت لسطان وسيف
سيف بعصبيه: جاوبي تبيني ولا تبينه
الريم صاحت
سيف : اخر مره أسالج تبيني ولا تبينه
الريم : ابي سلطان
سيف : اها تبين سلطان انا براويج والله لاحرمج من ولدي وبشله عنج غصبن عنكم ولدي مايتربى "ياشر لسلطان" مع هذا
طلع سيف
سلطان : ونتي ليش يايبتنه اهني
الريم ارتبكت : هو قال يبا يشوف ولده
سلطان : لاوالله يبا يشوف ولده روحكم اهني بعد
الريم : اتريتك انت تأخرت
سلطان : وليش مادقين
الريم : ماكان عندي رصيد
سلطان : زين شلي ولدج روحي داخل
الريم شلت ولدها وراحت عنه
وبعد يومين سيف رفع قضيه عسب ياخذ ولده عن الريم و ف يوم الموعد راحت مع سلطان المحكمه
الريم : وايد متوترة والله خايفه يربح فيها
سلطان مسك ايد الريم : لاتخافين مايقدر و احمد صغير رضيع مستحيل ياخذه لو شو مايسوي
