الريم : يارب بس
وبعد دقايق طلع القرار من نصيب الريم ربحت ف القضيه ويحق لسيف يشوف ولده في الاسبوع 3 مرات طلعوا من المحكمه و ردوا البيت و مرت الأيام و الأشهر سيف ايي يشوف ولده اشوي و يروح بععد 7 شهور تقريبا سيف ياي يشوف ولده راحت له الريم عطته سيف كانت بتروح بس سيف مسكها
سيف : قعدي وياي اشوي
الريم يلست اشوي بعيد عنه : شو تبي
سيف : ولهت عليج ولهت ع أيامنا ولهت ع كل شي
الريم : سيف ماله داعي اللي تقوله
سيف : اطلع اللي ف قلبي لج
الريم : سيف انا الحين متزوجه سلطان واثق فيني مابي يفقد ثقته فيني
سيف : سوينا شي غلط نحن ماسوينا شي قاعدين نسولف
الريم : قعدتي وياك غلط ف غلط
سيف : انتي لين الحين تحبيني وتبيني بس سلطان اللي يمنعج من ها كله
الريم : لا سيف انت مخدوع انا ما حبك انا يوم عن يوم أكرهك بزيادة اكره الوقت اللي كنت أضيعه وياك انا ماحبك انا أكرهك هي أكرهك مابلعك الشي الوحيد اللي يجمعني فيك حمد اللي هو ولدي انا حمد مب ولدك مب ولدك اللي كنت تباني انزله من هاياك اليوم ونا أكرهك وينك عني لما امي كشفتني لما راشد ذبحني من الضرب وشل عني كل شي وينك محد رحمني من الحياه اللي كنت اعيشها غير سلطان سلطان اللي يباني وشاريني مايرضي علي بالغلط مايرضي احد يتكلم عني او اييب اسمي بلسانه انت اول مره ييتني قمت تهددني ف ولدي والحين ياي اتقولي انتي تبيني و تحبيني اي حب هذا سيف اللي تقوله اي حب
سيف : كل ها شاليه علي ف قلبج قولي بعد اتكلمي يمكن في شي ماقلتيه بعد
الريم : سيف روح من اهني مابي اشوفك
سيف : ساير ي الريم بخليج تندمين ع كل كلمه قلتيها
الريم : ندمانة ع اليوم اللي عرفني فيك وجمعني فيك
سيف قام وعطا الريم حمد : شلي ولدج
طلع سيف
الريم : انا شو قلت ليش جي قلت ليش اوف احبك والله احبك
دخل سلطان : تُحبين منو
الريم ارتبكت : احب حمد وأحبك
سلطان قعد صوبها : ونحن بعد نحبج
الريم : سلطان ابي اسير اشتري ملابس لحمد صغرو اللي عنده
سلطان : بتروحين الحين
الريم : اذا فاضي لنا بنسير
سلطان : حتى ولو أكون مشغول بفضى لكم هاتيه حمد حبيب عمه
الريم : مابي ولدي يقولك عمي خل يقولك بابا
سلطان : بس ابوه موجود
الريم : حتى لو موجود اصلن هو مب مفتكر فيه
سلطان : يمكن مايرضى
الريم : انا أمه و ما عليك من سيف
سلطان : اللي تبينه يصير بيصير
بعد يومين سيف حب يقهر الريم خطب نوف نوف من الريم اتزوجت اخوها وهي تكرها ومب مثل قبل وي بعض و نوف نفس الشي حبت تقهر الريم وافقت ع سيف بس مب سهوله تمت الخطبه نوف سوت أفلام عسب يوافقون اَهلها ع سيف الريم يوم عرفت بالخبر راحت عند نوف
الريم : صدق اللي سمعته
نوف : وشو سمعتي
الريم : سيف خطبج
نوف : هي سيف خطبني عندج مانع حبيبتي
الريم : وافقتي بسهوله عليه
نوف : هي بسهوله
الريم : كيف ترضين تأخذين واحد مثل سيف
نوف : ليش شو فيه سيف مافيه شي
الريم : سيف ابو ولدي ابو حمد
نوف : بس انتي ماتعترفين فيه
الريم : ماعترف فيه لأَنِّي متزوجه سلطان والكل يعرف حمد ولد سلطان مب ولد سيف
نوف : مغشوشين فيج و بفعايلج اللي قبل لا تتزوجين سلطان
الريم : لاتنسين انج انتي اللي مساعدتني ع كل شي
نوف : اوك صح ساعدتج وكنت غبيه وقتها
الريم : بس سيف يحبني هو بياخذج عسب يقهرني
نوف : سيف مايحبج لو يحبج ماخطبني شو بعد يقهرج سيف يبي يعيش مستانس و مرتاح واختارني انا من بين البنات
الريم : اختارج لانج انتي الأقرب لي
نوف : حبيبتي الريم لاتنسين انج ع ذمت سلطان اخوي
الريم : لو شو ماتسوين ماراح تاخذين سيف
نوف : ههههه ملجتنا يوم الخميس و الحفله الجمعه سيري افتري ف المولات دوريلج فستان تلبسينه ف مجلة طليقج
الريم : انتي شو تبين ف سيف خليه ف حاله
نوف : سيف يباني ونا اباه
دخل سلطان : ها يالسين وي بعض اول مره اشوفكم جي
الريم وقفت : و اخر مره
الريم كانت بتروح بس سلطان مسكها
سلطان : وين رايحه
الريم : هدني سلطان ماقعد مع هاي الإنسانه
سلطان : ليش شو فيكم
نوف : اقول انا ولا بتقولين انتي شو فينا
الريم تحاول تهد ايد سلطان بس مسكته أقوى
الريم : سلطان هدني
سلطان : شو اللي بتقولنه لي
الريم دمعت : مافي شي سلطان
سلطان بانفعال : نوف انا ادري انج انتي السبب والله ان شفت الريم مره ثانيه زعلانه او شي ي ويلج
سلطان وقف مسح دمعت الريم : شفيج بتصيحين
الريم : ماصيح بس عيني تحرقني
الريم راحت عنه سارت جناحهم اتصلت لسيف
الريم : انا ادري انك تبي تتزوج نوف عسب تقهرني ليش جي تبي تسوي فيني ليش يعني يكفي القهر اللي شالتنه بعد تزيد علي سيف حرام عليك والله حرام
سيف : الريم انتي ماتحبيني ونا ابا أعيش حياتي
الريم : وما حصلت غير نوف نوف ي سيف
سيف : هيه نوف وأباها
الريم اتصيح وتكلمه : عسب تقهرني
سيف : لا ما اقهرج
الريم : عيل شو اللي تسميه ها
سيف : ريم شكلج تعبانه ريحي اشوي
الريم : حقير والله حقير انت وياها اكرهكم
الريم فرت الفون تمت اتصيح عشر دقايق مسحت دموعها .. دخل سلطان
سلطان : شفيج
الريم : مافيني شي
سلطان : بعدج زعلانه
الريم : لا سلطان انسى هي بسالك
سلطان : اسالي
الريم : انت دريت ف خطبة نوف
سلطان : هي
سلطان : وشو تبيني اسوي حاولت مع ابوي اكثر عن مره مب راضي يتراجع
الريم : زواجهم غلط ما راح يستمر
سلطان : لانج تحبينه ماراح يستمر
الريم : لا سلطان مب اني احبه بس هم الاثنين يبون يقهرون
سلطان : ليش يقهرونج ونتي عندي
الريم ابتسمت ونزلت رأسها
سلطان : اموت انا
الريم : سلطان ليش تسويلي ها كله انا ما ستاهل شي
سلطان : لاني احبج بسويلج كل شي
الريم : تحبّني
سلطان : من نحن صغار
الريم : كيف
سلطان : لو اقولج من اليوم لين باجر مابخلص انا مب بس احبج انا اموت عليج
الريم : سلطان لاتقول جي ماحب
سلطان : وليش تبين تحرميني
الريم : ماعرف
سلطان : تدرين لما سمعت بسالفتج مع سيف يوم خطبتج وكنتي حامل قلت مستحيل الريم جي الريم اطهر من جي قلت يمكن هو قاص عليها وهي صدقته ولا الريم ماتكون جي وانا مستحيل اتخله عنها استأنست يوم اطلقتي منه لان مالج غيري انا استرج وبنفس الوقت أحميج من كل شي حتى لو كنتي السبب فها المهم ابيج و ابيج تكونين معايا انا وبس
الريم : سلطان ماعرف شو ارد ع كلامك تباني أشكرك ع وقفتك وياي كل مره أشكرك
سلطان : لا تقولين شي ولا تشكرين و ماعليج من نوف و سيف اذا هم يبون يقهرونج نحن بنقهرهم بعد
حمد صاح
سلطان : دومه ها مخرب علينا
الريم : هههههههه
مر الاسبوع و ملجو نوف وسيف و يوم الجمعه يوم الحفله كانت ف البيت الكل سلم ع نوف الا الريم ماسملت عليها حتى الكل لاحظ اشوي و قالوا سيف بيدخل الريم راحت لبست عباتها لان فستانها اشوي عاري لبست شيلتها وقفت عند الدري مجابل الباب دخل سيف مع ابو نوف سيف من دخل و عيونه ع الريم الريم تشوف سيف بكل حزن ويأس و قهر دموعها يصبون اربع اربع سيف كان مستانس من شاف الريم تصيح تحول ويهه للحزن ونزل راْسه وصل عند نوف وقف صوبها بدون مايسلم عليها نوف انقهرت يوم ماسلم عليها والكل تكلم ليش مايسلم عليها
نوف بشويش تكلم سيف : ليش ماتسلم علي
سيف كل تفكيره ف الريم مارد عليها
