الريم تكلم سيف ع الفون
الريم : الحين يايه
سيف : بسرعه لا تتاخرين
الريم : طالعه الحين
طلعت من الغرفه نزلت ف الدري شافت أمها
ام الريم : ها ع وين
الريم : اميه بسير عند ربيعتي
ام الريم : شو هو كل يومين بيت ربيعتج
الريم : اميه يعني شو اسوي هي تباني اسيرلها
ام الريم : وليش هي ماتييج
الريم ارتبكت : اممم اَهلها مايخلونها تطلع
ام الريم : انزين سيري ولا تتاخر كالعاده
الريم : ان شاء الله اميه
طلعت الريم ركبت سيارتها وراحت لعند سيف بيته دخلت
سيف واقف ف نص الصاله : هلا بالحب هلا
الريم راحت لعنده وحضنته : اهلين حياتي
سيف : ولهت عليج وايد
الريم : ونا بعد
الريم بعدت عنه يلست ع الغنفه ويلس سيف صوبها
الريم : والله خايفه امي تكشفني
سيف : شو تكشفج نحن الحين بنكمل سنه متزوجين ولا حست
الريم : سيف لين متى يعني بنتم جي
سيف : لين مايفرجها ربج
الريم : اخاف احمل
سيف : لا ان شاء الله
الريم : سيف حبيبي خل نقول والله خايفه انا وايد
سيف : شوفي حبيبي اذا صار شي محد يقدر يفرقنا عن بعض نحن لبعض طول العمر انا احبج وابيج
الريم : اوك خل نقول
سيف : يوم بي وقته بنقول
الريم : متى
سيف : ماعرف
الريم : يوعان
سيف : وايد
الريم : نطلع ولا اطبخلك
سيف : لا بنقعد ف البيت مابنطلع
الريم : اوك بسويلك باستا تبي
سيف : هي ابا وسويلي بيتزا
الريم : من عيوني بس بشرط
سيف : عيوني لج امري
الريم : تساعدني ولا ها ما بسوي روحي
سيف : ان شاء الله انا كم الريم عندي
الريم : انا ومادري كم وحده بعد تعرف
سيف : ههههههه والله بس انتي ومابي غيرج ماتزوجتج وحبيتج عسب اروح لغيرج انا اباج انتي بس
الريم : ادري بس احب اسمع هالكلام منك عسب استحي اشوي
سيف : اخ منج بس
الريم : الحين يلا قوم وراي المطبخ
راحو المطبخ وطبخوا وي بعض و كلوا وشبعوا راحوا الصاله يلسوا
الريم : اويه انا تأخرت الحين امي بتحاتيني
سيف : تمي لا تروحين
الريم : لا حبيبي والله ماقدر شوف الساعه كم بتي ١١ لازم اروح
سيف مسك أيد الريم وبحنيه: تمي
الريم : اوف منك سيفو بشوف امي
سيف : اوك انا بقولج شو تقولين لها عسب تخليج
الريم : اوك شو
سيف : دقيلها وقوليلها ان اهل ربيعتج سوو حادث أمها وأبوها و اخوها ف المستشفى وهي وحيده ف البيت محد عندها ونتي بتمين معاها تواسينها وجي
الريم : هههههههه سيفوه شو هالافكار
سيف : ههههه اعجبج يلا اتصلي
الريم اتصلت لامها
الريم: السلام عليكم اميه
ام الريم : وعليكم السلام انتي وينج الساعه 11 وبعدج مايتي انا شو قلتلج
الريم : اميه ربيعتي اَهلها سوو حادث وحالتهم حاله وهم الحين ف المستشفى وربيعتي محد وياها ف البيت روحها
ام الريم : لا حول ولا قوه الا بالله الله يرحم حالهم ويصبرها المسكينه اَهلها كلهم ف المستشفى وهي ف البيت
الريم : اميه عسب جي انا بتم وياها مابخليها روحها
ام الريم : زين تسوين تمي وياها بس انتو بنات روحكم
الريم : هي امي بس لاتحاتين بنقفل الباب وبنشغل القران
ام الريم : خلاص عيل طمنيني عنكم باجر الصبح
الريم : ان شاء الله يلا مع سلامه
بندت الريم
الريم : الله يغربلك سيفوه خليتني اقص ع امي و حليلها تحاتيها
سيف: ماعليه من عمتي اهم شي الحين انتي وياي
الريم : من زمان ما كنّا وي بعض ايام
سيف : شو اسوي بعد محروم ف الاسبوع اشوفج مره او مرتين ومرات يمر الاسبوع ماشوفج
الريم : انزين شو اسوي اهلي
سيف : اوك اهلج انا ريلج
الريم : ادري انك ريلي مانسيت بس بعد ماقدر يوم أكون فاضيه ييتك
سيف : ماتدرين شكثر مستانس انج بتمين وياي
الريم : ادري وايد
سيف : قومي خل نطلع
الريم : وين بطلعني
سيف : مكان سري قومي
قامت الريم طلعوا وركبوا السياره
الريم : وين رايحين
سيف : سكتي يوم بنوصل بتعرفين
الريم : تدري فيني وايد فضوليه
سيف : ونا كم مره اقولج بطلي هالعاده
الريم : انزين خلاص بسكت
سيف : ههههههه
وصلوا عند البحر ع الرمله يمشون وقربوا عند اليلسه اللي جريبه من البحر
الريم : الله ها لنا
سيف : هي وهو في حد اهني غيرنا
الريم لفت يمين ويسار : لا بس نحن
سيف : يعني لنا
الريم : حياتي والله سيفوه كله اشوف جي ف المسلسلات و الأفلام والحين اشوف جي جدامي لا وبنقعد فيها
سيف : انزين بلاج ترا الا هي يلسه
الريم : انزين اعرف يلسه ومحد سواها لي غيرك بعدين تعال كيف ضبطت كل شي و شدارك بعد بكون وياك اليوم يمكن امي ماتوافق
سيف : ما عليج من هذا كله و ما بقولج شي يلا دخلي نقعد
الريم : اوك صبر ابا أصور لسناب
سيف : يلا خلصينا
الريم صورت مسكت ايد سيف ورفعت الفون تصور
سيف : انتي ماتيوزين كل مره صورتيني وياج وحطيتيها ف سناب ربعج مايقولون منو ها
الريم : يسألون بس ماسولهم سالفه و ما اقول انت منو
سيف : قوليلهم هذا سيف ريلي حبيبي
الريم : مابقول ولا ابي احد يعرفك
سيف : احسن خلج جي لا تتغيرين
الريم : اكيد اصلن مابتغير بس اذا انت تباني اتغير بتغير لعيونك بس
سيف : حياتي والله انا لين الحين مب ندمان اني اخذتج
الريم : ولا انا مب ندمانه ويخسي أندم دامك ريلك وملكي انا وبس
سيف قعد صوب الريم رفع أيده دخلت الريم ف حضنه
سيف : احبج
الريم : ادري
سيف : قولي ونا بعد احبك شو ادري
الريم : ونا بعد احبك
سيف : ي روحي انا
الريم : سيف
سيف : عيونه
الريم : ابي أتم ها الاسبوع كامل
سيف : هالاسبوع دوامي شفتات
الريم : حياتي يعني هاي فرصتنا نكون معا بعض
سيف : واهلج
الريم : بنكمل الجذبه لهم
سيف : خلاص حبيبي بشوف الدوام بيعطوني اجازه ولا كيف
الريم : ان شاء الله يعطونك
سيف : أتمنى والله
الريم : عليك دوام باجر
سيف : هي
الريم : الحين بتي الساعه 1 ونت مب راقد
سيف : عادي حبيبي
الريم : شو عادي يلا قوم نروح انت تقوم 6 مابيكفيك الرقاد ارقد اشوي ريح عمرك
سيف : خلج مابي
الريم : ابي راحتك انا يلا حبيبي قوم نروح يوم بتاجز بنسير احسن عن هالمكان
سيف وقف حط أيده ع جتف الريم وراحوا وصلوا البيت دخلوا داخل دخل سيف الغرفه انسدح ع الشبريه دخلت الريم فصخت عباتها و شيلتها فتحت الكبت
الريم : سيفوه شو ها الزباله اللي ف الكبت انا كم مره ارتب الكبت
سيف : اسحب شي يطيحون الملابس الباجين
الريم : لاوالله الدفاشه اللي فيك متى بتودرها
سيف : اي دفاشه الله يهديج
الريم : اوف منك سيفوه خالط ملابسي مع ملابسك
سيف : حياتي الحين انتي شو تبين ف الملابس تعالي عندي وخلي عنج الكبت
الريم صكت الكبت وشلت ملابسها النوم
الريم : بدخل ببدل
سيف : أوك لا طولين
دخلت الريم سيف قام وفتح التلفزيون وحط مباراه يتابعها طلعت الريم راحت بندت التلفزيون
الريم : ماشي مباريات رقاد يلا
سيف : ريمي بس اشوي
الريم بندت الليت : يلا رقاد
راحت لعند سيف انسدحت صوبه
الريم : يلا حبيبي ارقد
سيف : رقدي انتي اول
الريم مسكت عينه وصكتهم
الريم : ارقد
سيف : بترقدني غصب كأنها امي
الريم : انا أمك ونت ولدي
سيف : فديت امي والله
سيف فتح أيده : تعالي
دخلت الريم ف حضنه ورقدو ع الصبح الريم انتبهت ع صوت المنبه ابتعدت عن سيف
الريم : حبيبي سيفوه .. سيف سوافي
سيف يخش راْسه ف حضن الريم .. الريم تلعب ف شعره
الريم : حبيبي قوم يلا الساعه 6
سيف : ريمي خليني اشوي برقد
الريم : بتتاخر عن دوامك
سيف : خمس دقايق وعيني
الريم مسكت شعر سيف وسحبته بالقو
الريم : قوم الحين تقوم يلا
سيف : اوك بقوم هدي شعري
الريم هدت شعره سيف قام يلس
سيف : اوف منج مرقدتني غصب ومقومتني غصب
الريم : هههههه يلا حبيبي قاعد يمر الوقت قوم يلا
سيف قام دخل الحمام طلع لبس كندورته مسك المشط يمشط شعره " شعره طويل اشوي لين اخر أذنه" يت الريم لعنده ومسكت المشط ومشطت شعره
الريم : لا تقص شعرك
