" လူကြီးမင်း... နိုးပြီလား ၊ လာ ကျန့်ကျန့်မနက်စာလုပ်ထားတယ် ''
" ကောင်းပြီ ''
ဝမ်ရိပေါ်ကကောင်လေးနဲ့မျက်နှာချင်းဆိုင်မှာ ဝင်ထိုင်လိုက်ပြီး တူတစ်စုံကိုကောက်ကိုင်လိုက်သည်။
ဖက်ထုပ်ပြုတ် နဲ့ ကြက်သွန်မြိတ်နံနံပင်ဟင်းရည်ပြီးတော့ ပူပူလောလောပေါက်စီငယ်တွေ။
ကြက်သားကိုဂျင်ဆင်းနဲ့ပေါင်းထားပုံရပြီး အသားတွေကဖွာကာ နူးအိနေသည်။
" ကောင်လေး ကျေးဇူးပါ ''
" အဲ့လိုပြောဖို့မလိုပါဘူး စားပါ ''
ကောင်လေးက လူကြီးမင်းရဲ့ ပန်းကန်လုံးထဲကို အသားဖပ်တွေထည့်ပေးလိုက်ပြီး ဟင်းရည်ကိုလည်းခပ်ပေးလိုက်သည်။
" လူကြီးမင်း ကြည့်ရတာ တစ်ခုခုပြောချင်နေတဲ့ပုံပဲ.. ဘာလဲဟင် ပြောလေ ''
ကောင်လေးက ထမင်းကိုတူနဲ့ညှပ်ပြီးစားလိုက်ရင်း လူကြီးမင်း၏ ပုံစံကို ကြည့်ပြီး မေးခွန်းစကားဆိုလာခြင်းဖြစ်သည်။
" ကောင်လေး...ကိုယ်.. ကိုယ့်အဖွဲ့က လူတွေနဲ့စကားပြောချင်တယ် ''
လူကြီးမင်းစကားကို နားထောင်ပြီး ကောင်လေးက မျက်နှာလေးပျက်ယွင်းကာ ထမင်းကိုသာငုံ့စားပြီးငြိမ်သက်သွားတော့သည်။
" ကိုယ် သူတို့နဲ့ သွားတွေ့အုန်းမယ် ကောင်လေး''
" လူကြီးမင်းက ပုန်ကန်ဖို့ ထပ်လုပ်မလို့လားဟင်''
ဝမ်ရိပေါ်ထပ်ပြောလိုက်တဲ့စကားအဆုံးမှာ ရှောင်းကျန့်က သိလိုစောထက်သန်သည် မျက်ဝန်းဝိုင်းလေးနဲ့ မေးလာခဲ့သည်။
" ကိုယ်ကမပုန်ကန်ပါဘူး ''
".....''
" ကိုယ့်ကို ယုံကြည်ပေးပါ.. ''
" လူကြီးမင်းသဘောပါ.. ကျန့်ကျန့်ကလူကြီးမင်းအတွက် ဒီအတိုင်းစိုးရိမ်မိသွားလို့ပါ ..ဘာပဲဖြစ်ဖြစ် လူကြီးမင်းရဲ့ သဘောပါ.. လူကြီးမင်းက ကျန့်ကျန့်ထက်ပိုပြီး သိပါတယ် ''
" ကိုယ့်ကိုယုံလိုက်ပါ ''
" အင်းပါ..ကျန့်ကျန့်က လူကြီးမင်းကို အကြွင်းမဲ့ယုံကြည်ပါတယ် ...''
YOU ARE READING
无关: Irrelevant {Completed }
Historical FictionGong...王一博 Shou...肖战 一战。 ရှောင်းမျိုးရိုးကို ငါမုန်းတယ် ။ ငါသိပ်မုန်းတဲ့မျိုးရိုးထဲမှာ မင်းကမွေးဖွားလာတယ်။ ငါသိပ်မုန်းတဲ့ရှောင်းမျိုးရိုးထဲမှာ မွေးဖွားလာတဲ့ မင်းကို ဘာလို့များ ငါကမမုန်းနိုင်ဖြစ်နေရတာလဲ။ WangYiBo# ေရွာင္းမ်ိဳးရိုးကို ငါမုန္းတယ္ ။ င...
