هدايتـَي ؏ يديـهَ

الجزء الثاني

#هدايتـَي ؏ يديـهَ

(الجـزء 2)

{فـاطمـة داخـل الكـنانـي}

. الطفل من ينسمط كلهاا تصـيحلة اسم الله كـلي بيـاذنب ينذبح عبدالـلـه.. 💔

.....

. دخلت كدامنه تگول متوضيـه.. همست هجم بيتج يالجذابـة دروحـي.. ضحكت سارة وردت.. تـره سمعتج يـابة خليهـا لتهتميـن.. توضينـا سوه التفتـت اشوف نـور تركض، استغربت شكوو
كتلها گـالت اجيـت اشـتري.. والله غبية هل بنيـه.. دخلـت للغرفـة شگلها صـح قديم و؏ جهة القبـلة شبـاك جبيـر و؏ جهتـه زرع شگلها يجنن وجانـت الغرفـة مفروشة.. جذبني شگلها الحلوو.. فرشت مصلايتـي وراهن وفتـحت دعائي المفضل (دٍعٌأّء کْمًـيِّلَ) صليت على راحتـي وبهدوء حسيت شي تغير اني صح جنت ما اصلـي بس شنو الي خلاني اطلب يوكفون السيارة علمود الصـلاة وشنو الي جذبـني بالصلاة ما اعرف بس احساس حلو اول مره احسه..اذكرت صديقتـي نورس فتحت زيارة عاشـوراء قريتها وبين كل نص ابجي ما اعرف ليش بس اريد ابجي.. طلعت امي بعد ما هزت ايدها وحمـدت الله ؏ نعمت العقـل، باوعتلي سـاره گـالت سوي الي يريـحج ولا تهتمين واكو ايه ذكرتينياها بسم الله الرحمن الرحيم
قال تعالى: لِمَن شَاء مِنكُمْ أَن يَسْتَقِيمَ ۝ وَمَا تَشَاؤُونَ إِلَّا أَن يَشَاء اللَّهُ رَبُّ الْعَالَمِينَ [التكوير:28-29].

وقوله جل وعلا: إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءًا فَلاَ مَرَدَّ لَهُ وَمَا لَهُم مِّن دُونِهِ مِن وَالٍ [الرعد:11].

سارة..انتـي الي تتحكمين بنفسج مو هيه الي تتحكـم بيـج

طلعت وكلامها انسخ ابالي.. طلعت (دعاء العهـد) لانو سمعـت الي تستمـر علي لمـدة 40يوم بأذن الله تكون من انصار القائـم عج.. خلصت وكمت واني اسمع صوت عباس وهوه يگلي يلا يلمتدينه ويرد علي اوس على كيـفك وياها يلا فردوس..طلعت ابتسم بوجهي ورد..

اوس.. تقبل الله

فردوس ابتسمت.. منه ومنكم صالح الأعمال.. مشيت وياهم واني مرتاحة ما اعرف بس احس صاحب الزمان ديباوعلي اوف شهل تفكير يعني صاحب الزمان الطاهر الي مبري من الذنوب راح يباوع لوحده مثلج لا وانوب ما مخليه سهم ما ضاربتة.. دنكت راسي.. اول ما صعدت وامي تحجي.. غلست اشويه وصار هدوء.. گلت لابوي يفتح المسجل والله ربط جهازي ب المسجل..شغلت «ودعت الحسين» غمضت عيوني وتجيت راسي، استذكر لقطات من الي شفتهن بمسلسل «موكب الاباء».. نزلت دمعتي زينب اخخ ياجروح گلبج يا صبرج يمولاتي تحملتي هوايي.. ما حسيت اله واني غافية.. اشوف نسوان يمشن محنيـات بس وجوهم ما واضحه مغطايـه واديهن مربطـة ويبجـن وواكفين وياهن زلم يضربوهن بسياط ويه كـل ضربة يصيحـن ياحسين واني واكفه بعيددد حيـل بعيـد💔.. كمزت على صوت نور وهية تگـول..