فتحت عيوني ؏ وسعها من جدي دخل گال
- شيسون بني.. هاي البجي ليش بوية؟
شاف الابتوب عرف احنه فتحنه الفيديوهات اجة نزل عوجيتة وهمس يا علي وكعد سحبه وكلب ؏ غير صور گال تعرفنه؟
هزينه راسنه بمعنى - لا
- يوسف محمد جان خوش ولد واهلة بيت ابو هيثم الي ورانه جان يدرس عد خالج ومجتهد بعملة وجان بشير يحشش علي ايدة ايدة نكصت بس ما بطل ولا استسلم بالعكس اتقبله وحمد رب العالمين وجان يگول هذا يا اما اختبار او بلاء اذا كان اختبار فـ راح انجح بي اما اذا بلاء اني صابر وما امل بس مع ذالك جان حزين وينقهر من احد يريد يساعدة اصلاً يرفض اقرب شخص لـ وهب الله يرحمه برحمته الواسعة ويسكنهُ فسيح جناتة يلا بناتي كومو غسلو لتبجون اترحموله وفردوس بابا روحي نامي علمود تكدرين تكعدين
هزيت راسي راحن البنات وغسلن وجهن واني صعدت لفراشي افكر هل شهيد هسة شنو وضعه والشهداء اجمعين شنو وضعهم اكيد مرتاحين عند رب العالمين احسن من الدنيا المؤذية.. تعبت من التفكير واخنكت.. نمت.. جان اني ونور لازمين سجاجين ونطيع شخص ونذبح بنفسنه ونجرح ايدينه وجسمنه.. فزيت مرعوبة.. والعرق يصب من جبيني وكل جسمي والهث والساني معقود.. سميت بگلبي.. اندك الباب ونفتح جانت بيبيتي دخلت. لفت انتباهي صوت عوجيتها فتحت الضوة ردت
- اسم الله ابنيتي ليش غرفتج ضلمة يبعد بيبيتج
حجيت هيج وكعدت يمي عبست وجهي گتلها
- بيبي حلم مو زين.. شبكتني ومسحت وجهي ووخرت شعري بأيدها ردت - بيبي لتضلمين الغرفة انتِ ما ترتاحين بعدين يلا كومي راح يأذن كلها جوة وانتِ هنا.. نحجي وسمعنة صوت التمجيد كمنه سوة توضيت ونزلت وياها صلينه جماعة وجانت من احلى الصلوات ابوي وامي واخواني والكل بلشو بالادعية وزيارة عاشوراء.. خلصنه تريكت وصعدت بدلت ونزلت اعدل بعبايتي ونور بغرفتها تحط مكياج وابوي يحجي عليها ودعناهم وانطلقنه حطيت السماعات وبلشت اسمع قرأن.. دمعت عيوني شنو يصير لو المهدي موجود وهسة طالعين علمود نروحلة.. غطيت وجهي وبجيت بهدوء.. بعدها هدئت نفسي واخذني التفكير ونمت.. كعدت ؏ نور تكعدني وصلنه ما طولنه لأن الطريق ساعتين وبغداد قريبة ؏ النجف.. نزلت اول ما دخلنه للبيت رحت لغرفتي البيت نضيف اتسائلت طلعت خالاتي اجن نضفن البارحة وراحن .. بدلت وكبل بوجهي نمت تعبانه..
( مر شهر كامل )..
بهذا الشهر ما اعرف شنو الصارلي تركت المحاضرات واهملتها وتركت عبايتي الي ما جنت ناوية اتخلى عنها بس جنت اشوف اختي وبمدرستنه هاي الاشياء منتشرة بشكل مو طبيعي والحجاب جنت ناوية اذبة والبس الضيك والصلاة انتركت.. وبلشت المعاصي تدريجياً وحده ورا الثانية والاغاني جان اكثر شي يسليني واتونس علي وجنت معجبه بنفسي بحيث اعشق شي اسمه فردوس.. استمر هذا الحل لمدة سنة
أنت تقرأ
هدايتـَي ؏ يديـهَ
General Fictionكل شخص بداخله صراع، زين شنو هذا الصراع؟؟ وبين منو ومنو؟ بين الحق والباطل بين العقل والگلب، فهمت بس اشون الگلب والعقل يصير بينهم صراع واشون بين الحق والباطل؟؟ الحق هوه ينخلق مثل الشخص بداخلك يگلك هذا غلط لتسوي ربك مراح يرضة بي كلما تسمعلة راح تغذي و...
