هدايتـَي ؏ يديـهَ

الجزء الحادي عـشر

# هَـدايتي ؏ يـَديه

« فاطـمة داخـل الكنـاني» 

الجزء الـ 11

• {لَا يُكَلِّفُ اللَّهُ نَفْسًا إِلَّا مَا آتَاهَا}.
..
 -  سديت الشباك وتمددت ؏ فراشي
وطرت بتفكيري السلبي انو اني مو مناسبة اله ولا هوه مناسب الي اثنينه مختلفين.. دمعت عيني.. وشبيها يعني لانو كلي ذنوب مو مناسب الي؟؟
بلشت الأفكار السودة تتوجه لدماغي.. عفت كلشي ونمت..

( مرت الايام وتعافه عباس واطورت حالة اوس  واجت امتحانات نصف السنة وبيومها جانت اسمهان عند نسوان الحاج مهدي يتفقن علمود الروحه بالليل للامام الحُسين ؏ ويطلعون للنجف لزيارة علي ؏ ) 

- رجعنة اني ونور الضهر بس ما عبالك متنة برد.. اطشرنه لغرفنة صلينة ونمنه.. كبل ما كعدت اله ويه اذان المغرب كمت غسلت وجهي وصليت وطبيت سبحت ؏ السريع وطلعت لكيتهم يتعشون ما لحكت اكل لأن كعدت امشط شعري فـ عمتي اسمهان ضمتلي اكل ؏ صفحة اول ما خلصت هية تغسل امُاعين ونور ترتب وسارة تلملم بطنها كبرانة وتعبانة..
واني كعدت اكل خلصت فرشت اسناني وغسلت وجهي..سمعت عمتي اسمهان تصيح

اسمهان:- يلا لحكو بدلو وليداتي  ورحت لبست بنطرون وبدي ولفيت الربطة السودة وفوكهن عبايتي وحطيت وشاح ابيض واسود وحذاء اسود وابيض..كان التنسيق يجنن واخر شي عمة اسمهان انطتني ساعة تحبها وضامتها.. طلعت الكل منتضر نور دخلت واني اگول- يلاا نور تأخ.. شهل جمال الحجاب يجنن عجبني حجابها الي لافتة بطريقة لا تظهر الرقبة ولا الشعر وانما ساترها.. طلعنة واكفين احنه ونسوان بيت الحاج مهدي والزلم كدامنه.. لفت انتباهي شكلة يحجي ويه ابو واشون يضحك.. الابتسامة تقائياً نرسمت ؏ وجهي.. فرك ايدي وسحب جهازة يتصل ؏ السايق تأخر..

اوس - كلتلكم عوفوني بالبيت راح تتعذبون وياي

ياسين ببتسامة - ان بعد العُسرِ يِسرِ يجوز الله خلق سبب لشفائك بهل روحة

ابتسم ياسين ورد - شكد تحب تكون متفائل اكثر مني حتىَ غلبتني والله

ضحكو كلهم..

فزيت من صفنتي علي.. من سمعت صوت السيارة.. تقدمن النسوان صعدن اخر شي اني ونور صعدنا  وصار كدامي الحاج مهدي وياسين وعمه وعباس واوس يمهم وواحد من عمامه يم السايق..

صاح الحاج بصوت تعبان - صلو ؏ خير خلقِ الله محمد علية الصلاةُ والسلام

- صلينه بصوت واحد ( يلا انتو هم صلو ؏ النبي) 

تحركت السيارة والصلوات ما انقطعت النسوان تستغفر والزلم يصلون ؏ النبي..

بعدها سئلة ابن عم ياسين - حاج عندي سؤال يمكن يحتاج شرح طويل بس صديقي حلفتي اسمعك البصمة، واسجله كلامك وادزه اله