هدايتـَي ؏ يديـهَ

الجـزء الرابـع

هـدايتـَي ؏ يديـهَ

(الجـزء 2)

{فـاطمـة داخـل الكـنانـي}

تبكِي وتبكِي .. واللهُ بجبرهِ يأتي.

..

سئلتهن - بنـات منـو هـذا ادريس ما اعرف منوو؟ واشـون يدخل لبيتكم هيج

وهج - هلا هذا ابن جيرانة اشون ولد الله يحفظه حتى اهلي يأمنون بي

بتساؤل- اقصد يعني اشون يدخل هيج لا احم ولا دستور

نرجس- كبد دخل ويه عزيز واحنا محبوسين بالغرفة ما شافنة ولا شفنا وكذالك سلم ؏ السيد وبعدين راح لغرفة بابا

- همم تمام اكلجن بنات باقي بس اسبوع ونروح

وهج بحزن - حرامات ليش؟؟

- ما اعرف بس ابوي هيج اتفق ويانة بس كون السيد يقنعه.. اكلجن العلويات وين؟؟

نرجس - يم العلوية مجتمعات بغرفتها وبقية البنات هم هناك اكعدي يمنا اذا تردين

- بيها نومةة اويليي تسوه حياتي يلا بلا صوت نعسانة واريد انام وجسمي مكسر تكسر

وهج- دروحي نامي منو لازمج

نزعت عبايتي وحجابي وهنه كاعدات بالكاع ويقرن كل وحده كتاب ردت اكعد وياهن بس مالي واهس واريد انام.. تمددت ؏ الجرباية وتغطيت ورحت بسابع نومة..

.. فزيت ؏ صوت الاذان تعاجزت اكوم.. انام احسلي باجر اصليها قضاء.. هذا جان كلامي.. بس دمر مخططي العلوية وهية تفتح الضوة وتگول

ام محسن - يلا بناتي كومن

صحت- علوية رحمةةة لموتاج نعسانة عود باجر اصليها

ام محسن - ترفضين نداء رب العـباد الي الأنبياء تستحي ترفضة وتلبي بكل حب

كمت - بعد كلامها استحيت اضل بفراشي.. باستني براسي ودموعها تصب سئلتها ليش تبجين فاجئتني بردها؟..

ام محسن بدموع - شكد رب العالمين يحبنه شكد عظيم هذا الرب لدرجة اذا انسان متعمق بنومتة ما يحل علينا نفززة ما يسمحلنا.. شهكت وحطت شيلتها ؏ وجها وبدت نتحب وتبجي..  دمعت عيوني نيالهم يحبون رب العالمين لهل درجة واني صلاة الصبح اجلها الف مرة وبالاخير ما اصليها دخلت نرجس لابسة جادر الصلاة گالت..

نرجس بصدمة وخوف - هاي شبيكمم؟! ليش تبجين علوية

مسحت دموعها وكامت سمعتها همست- يابو صالح
گالتلها..

- لا ابنيتي ما بية شي يلا فردوس توضي واحضري ويانة

هزيت راسي بالموافقة وابتسمت من راحت هية..رحت توضيت ولفيت حجابي وعبايتي وحرت ماكو لا سجادة ولا تربة طلعت رحت للغرفة الي يجتمعون بيها كل فرض وكل صلاة شكلها يجنن قديمة هيج وصوت القرآن بكل ارجاء الغرفة وريحه طيبة ما اعرف اشون اوصفهاا مجتمعين كلهم السادة ليكدام والنسوان اكو مثل الفاصل وره صايرات ما يبينن گلتلهم صباح الخـير ردو صباح النـور رحت كعدت يم خالتي( الي جاية بس يومين وتروح بسبب رجلها الي ما مخلي فعل سئ ما مسوي) كمنا بلشنا نصلي من اتأكدنا من الكل موجود.. جانت احلى صلاة صليتها بكل عمري حسيت براحة واطمأنان مو طبيعي وبالاخص من الكل رفع ايدة وگال السيد