هدايتـَي ؏ يديـهَ

الجزء التاسـع

#هـَدايتي ؏ يـديه

                    « فاطمة داخل الكناني»
# الجزء التاسع

‏{رَّبُّكُمْ أَعْلَمُ بِمَا فِي نُفُوسِكُمْ ۚ }.💙
................................     .
                           .    ...................................

دنحجي ودخل دكتور ثاني جبير بالعمر.. ابتسم وابتسامتة تشرح الگلب.. فتح الشباك وهوه يحجي..

- يلا ابني بلا كسل نشاط

اوس - دكتور احجي وياي بصراحة هم اكدر اكوم ؏ حيلي بعد؟؟

- اني طول عمري صريح مع الكل فيا ابني اطمن وريح بالك مدام انتَ بداخلك امل وتفائل وهمة تكدر تسوي المستحيل، اليوم العصر تكدر تطلع بس بـ 3 اشروط:- الاول تضل تراعي نفسك وما تهمل العلاج
اما الثاني ما تضغط ؏ نفسك ورجليك بس تحاول كم مرة واخر شي طلب صغير هوه انو يضل الامل هيج بداخلك حتى لو ما كدرت تكوم والابتسامة الحلوة تضل ؏ وجهك..

مرت ساعة والدكتور يتفحص وينطي طاقة ايجابية لـ اوس.. طبعاً بعد ما طلب مني اطلع واعوفهم وحدهم.. رحت يم عباس الي كاعد ويمه نور وسارة والحاج مهدي يسولفون راقبتهم من بعيد وسمعت الحاج مهدي يگوللهم

- البشر من يموت او حتى قبل لا يموت ما اله غير ربة الخلقة وتكفلة وكبرة وخلق بداخل اهله المحبة والمودة اله

كعدت يمهم واني اگول

فردوس :- زين حاج مهدي سؤال؟ الاخلاق شنو فائدتها؟

- اذا اشرحهن اخذ نص وقتكم فألي عنده شي يروح والي ما عنده يسمعني

محد تحرك بس قبل لينطق الحاج كعد الدكتور ياسين بصف عباس وابتسم من الكل باوعلة
رد - ما عندي شي وشفتهم فاتحين عيونهم ومركزين بكلامك كلت اكيد راح تنطيهم كنز

ضحك الحاج ورد - انطيتك هووواي ليش ما انتَ تجاوبها؟

نزع الروب الابيض وكف اردانه بلا قصد مني اجت عيوني علي من سئل شنو السؤال؟ همست بداخلي
ليش وجهم نوراني عجيب

الحاج مهدي - الاخلاق شنو فائدتها؟ حتى بعد موت الانسان

الدنيا فانية وكلها تروح الانسان كله يروح
بس شيبقى من عنده؟
يبقى من عنده الذكر الجميل، الموقف، يبقى من عنده الاستقامة، هذا هي الدنيا الواقع هذا هي الاخلاق الباقية هية الي تخلده والا الانسان كـ دم ولحم وعظم ورغبات ومصالح كلها تروح

هذا كلام السيد الوائلي رحمه الله

منه تكدرين تعرفيت اهمية الاخلاق مثلاً اخلاق رسول الله حافظ بجهازي كتاب يتكلم عن اخلاق النبي عليه الصلاة والسلام ادزها لـ عباس وهوه يدزها الج..

ضل الكل بعدها يتناقش بس الدكتور ترخص وراح والحاج هواي حجة بخصوص العباية واهتميتها وحفظت عبارتة « العباية دورها مثل العمامة تماماً »  رغم ما فهمتها بس ما سئلت.. للظهر اذن اطشرنه عباس راد ايصلي الصراحة استغربنه اني ونور بس فرحنه لأن عباس كاطع الصلاة صار هواي توضة لأن رجلة مو كلها مجبُرة واوس اخ شكد انقهر من توضه بالكوة وصله ؏ التربـة وهوه كاعد دمعتة بطرف عينة.. طلعت اريد اشوف نور وين راحت
رحت لنفس المكان الي صلينه بي الصبح ماكو استغربت طلعت ادور عليها عبالي صار شي، مريت بصف غرفة الباب جان مفتوح سمعت تلاوة القرأن جذبني القراءة الهادئة باوعت الدكتور ياسين؟
هنيالهُ قريب من رب العالمين يصلي ويقرة بخشوع وعنده اب مثل الحاج مهدي.. صفنت بشكلهُ البريئ شكلة عـجيب بالنسبة الي يمكن لأن نوراني؟
ضحكت شهل غباء يجوز لأن شواربة سود وسعره اسود؟..