الضابط والمحامية🔥

البارت السابع

بان/وصلنه المجمع طبي وجان بي دكتوره نفسيه
ادم اول موصل طلع حاجز يم الدكتوره اول موصلنه كبل دخلنه
ادم/السلام عليكم دكتوره
الدكتوره/عليكم السلام اهلا وسهلا
تفضلو
بان مو
ادم /اني حجيت للدكتوره على بان بدون علمها وسولفتلها بالصار وياها حته تكون حذره وياها
دكتوره/بان تعالي كعدي شوي نسولف ادم انته خلص دورك هنا هههه صار لازم تعوفنه نسولف احنه النسوان وحدنه
ادم/ههه صار دكتوره بان اني راح انتضرج بره تمام
بان/تمام
الدكتوره بلشت تسأل بان عن شغلات بسيطه حته متصدمها وتأذيها بالكلام وحاولت تعرف اذا تحسنت او لا
كملت الدكتوره من بان وكلتلها حبيبتي تكدرين اطلعين كملنه وصيحيلي زوجج
بان/تفاجئت من كالت زوجج كتلها زوجي منو
الدكتوره /ادم مو زوجج يعني
بان/ها اي زوجي برتباك استحيت افشلها
اي اي هسه اصيحه
ادم بصيحه
ادم/سمعت بان صاحت عليها
ها شنو كملتو
اي بس تريدك
اوك
ادم/ها بان
الدكتوره عبالها مزوجين وكالت صيحي زوجج استحيت افشلها وكتلها اي خاف يعني تسالك
ادم/امم اوك ست بان
دخلت للدكتوره حاجتني بموضوع بان
تعال تفضل اكعد استاذ ادم
كعدت وبدت تحجي عله بان
ادم بان اتوقع صحتها او حالتها النفسيه جانت متعلقه بـ اهلها لاحظت انته اكو فرق من كتلها بخصوص قاتل اهلها
اي دكتوره جبتلها خبر القاتل هوه نفسه الي اغتصبها كتلها انوب تعاقب وراح ياخذ جزاته وجانت كولش فرحانه وحسيتها شوي تغيرت
الدكتوره/بان هسه وضعها احسن وكل همها حق اهلها ينوخذ بس ممكن اكو احداث اذا صارت وياها ممكن تذكر حادث الاغتصاب يرادلها فتره يلا تتأقلم
يعني بهاي الفتره انته كولها حاول لا تتقرب عليها حته لا تذكر موقف الاغتصاب تمام
ادم/بگلبي احجي هوه اني شايف المره حته مااتقرب عليها 🙍🏻‍♂️اي دكتوره صار
وهاذ علاج كتبتها الها خلي تاخذه بوقته حته تتحسن
ان شالله مع السلامه دكتوره
مع السلامه
طلعت من الدكتوره ولكيت بان كاعده وصافنه
كتلها شبي الحلو صافن وكمزت
هههه مابيه شي بس سرحت
يلا امشي خل اخذج المكان وانوب نروح للبيت
وين راح تاخذني ادم تعبانه مابيه حيل
ميخالف تعالي وبعدين نرجع للبيت
ادم/ردت اغير جو بان شوي كلت اخذها المطعم نتغده ونرجع للبيت
رحنه للمطعم وجان كولش فخم اول مدخلنه استقبلونه ووصلونه لميز الطعام

بان دخله المطعم كولش فخم وحبيت استقبالهم جان كولش حلو
كعدنه على ميز الطعام وادم صاح النادل وبدينه نطلب الاكل
ادم شنو اطلبين بان
بان/مثلك شنو تطلب اني وياك
اوك
طلبت الاكل وكعدنه ناكل
جانت كولش هادئه بان

بان/جان اكو مكان العاب للاطفال
ويلعبون كولش حلوين بوكتها اتمنيت لو ارجع لهاذ العمر وخطرت ابالي هواي افكار صار عمري 26سنه ومشفت من حياتي شي اهلي توفو ومشافو زواجي ولا اطفالي كولش اتندمت لهيت بشغلي وطموحي وبس وهسه اني وين

ادم/الوووو وين صفنتي بشنو تفكرين
هه وله شي بس مجرد افكار اجت ابالي
ادم/ من نشوف الاطفال تلعب هواي نسرح بخيالنه ونكول ياريت نرجع مثل عمرهم حته نرجع نختار صح ومنغلط