မောင့်မီးအိမ်ငယ်(ေမာင့္မီးအိမ္ငယ္)

အပိုင်း - ၄

Uni

မင်းပေးတဲ့မွေး​နေ့လက်ဆောင်ကို
သိပ်သဘောကျတယ်။

မင်းကဘုရားသခင်ပေးတဲ့
အကောင်းမွန်ဆုံးလက်ဆောင်မို့ မြတ်နိုးရတယ်။

မင်းက ကိုယ့်အတွက် ပြည်တန်ပတ္တမြားထပ်
ပိုတန်ဖိုးကြီးတယ်  ချစ်သော။

//
      
      မနက်ခင်းလင်းရောင်ခြည်လေးဟာ Taehyung  ရဲ့ မျက်နှာပေါ်ထိုးဖြာကျလာသည်။တစ်ပင်ချင်းစီ ထိုးစိုက်ထားသလား အောက်မေ့ရသည့်  မျက်ခုံးတန်းလေးတွေဟာ ခပ်လှုံ့လှုံ့။ဖြောင့်စင်းနေသည့် နှာတံ။ခပ်ရဲရဲစိိုစို  မထူမပါးနှုတ်ခမ်းသားတစ်စုံ။မွှေးညှင်းလေးတွေဟာ ပါးပေါ်မှာ နေရောင်ထိုးမှသာ တွေ့မြင်နိုင်သည်။ကော့ဖြာနေသည့် မျက်တောင်နှစ်လွှာဟာ  အလျင်စလို မကွဲကွာသွား။ပုတ်ခတ်ပုတ်ခတ်ဖြင့်  နောက်ဆုံးမှာတော့  မျက်လုံးနှစ်လုံးဟာ ပွင့်ထွက်လာခဲ့သည်။

         ဒီနေ့ဟာတန်ဖိုးအထားရဆုံး ကောင်လေးရဲ့မွေးနေ့လေး။သူအချစ်ရဆုံး အမျိုးသားဟာ အသက်တစ်နှစ်ကြီးလာပြန်သည်။နောက်ဆုံးတော့ ထိုလူသားလေးဟာ တစ်ဆယ့်ရှစ်နှစ် တင်းတင်းပြည့်ခဲ့ပြီ။သူတို့နှစ်ယောက်ဟာ  ခုဆိုအထက်တန်းနောက်ဆုံး​နှစ်ကျောင်းသားများပင် ဖြစ်လာပေသည်။မောင့်အတွက် မွေးနေ့လက်ဆောင်ကို မည်သူမျှမပေးဖူးတာ၊ပေးဖို့မစဥ်းစားမိတာကို ပေးဖို့စဥ်းစားထားသည်။အတွေးတွေကလဲ လျင်မြန်စွာအလုပ်လုပ်သလို လူသည်လဲ အိပ်ယာမှ ကုန်းရုန်းထလိုက်သည်။

    အိမ်တွင်အိမ်စေများစွာရှိပေမယ့်  Taehyung ကိုယ့်အခန်းသန့်ရှင်းရေးကိုကိုယ့်ဘာသာ လုပ်သည်။မိုးပြာရောင်စောင်ထူထူကို ညီညီညာညာ ခေါက်လိုက်ပြီး ကုတင်ခြေရင်းတွင်ခဏထားကာ အိပ်ယာခင်းကို ပြန့်နေအောင် အနားစတွေကို ခပ်တင်းတင်းလေးဆွဲလိုက်ပြီး  စောင်ကိုသေချာစွာထားလိုက်သည်။ခေါင်းအုံးနှစ်လုံးကို လက်ဖြင့်နှစ်ချက်ခန့် ခပ်ပြင်းပြင်းပုတ်လိုက်ပြီး  ကုတင်ခေါင်းရင်းမှာ တစောင်းလေးထား ထားလိုက်သည်။ဖက်လုံးကိုကာ ကုတင်အလယ်မှာ အလျားလိုက်အနေထားအတိုင်း နေရာပေးလိုက်သည်။