الجزء التالت♥️شكرا علي تفاعلكم السكر♥️بقلم سولييه نصار♥️..
-متحمس لابني اللي هيجي لانه هيربطك جمبي هنا يا دنيا...
مسح دموعي وقال بتحذير:
-اهتمي بإبني كويس عشان لو حصل ونزل الحمل ده انا هقت*لك...هزيت راسي برعب فقال وهو بيبوس راسي :
-وعشان تعبك قررت مطلبش حقوقي الشرعية هطلبها من حد تاني ...
معدتي قلبت بسبب القر*ف اللي بيقوله بس هزيت راسي ...كده افضل علي الاقل مش هيلمسني ...مش هضطر امو*ت ميت مرة في اليوم لانه بيلمسني ...
بعد عني وهو بيغني بسعادة ...حطيت ايدي علي قلبي وانا بتمني أن ربنا يخلصني من الانسان ده قريب والا فعلا هتج*نن أو هم*وت !!..خلعت الاسدال وروحت أنام ...
اهلي عرفوا اني حامل ووقتها معاملتهم معايا اتغيرت وبدؤا يقربوا مني حتي عمر بطل يضر*بني صحيح بيخو*ني وكنت اتمني فعلا أنه يزهق مني ويسيبني بس هو كان متمسك بيا بطريقة غريبة ...وواحدة واحد بدأ يطلعني اول حاجة طلعني عشان اتابع مع دكتورة ...ولما روحت اول مرة عند الدكتورة وكشفت عليا ...بصتلي بصدمة بس سكتت خالص ...
...
بعد ما خلصت كشف قعدت علي الكرسي عشان تكتبلي علي أدوية اخدها وقتها عمر جاله مكالمة فجأة وطلع يتكلم برة ....
قربت مني الدكتورة وقالت:
جسمك مليان ك*دمات وندو*ب هو جوزك بيض*ربك ...ارتبكت فقالت بهمس:
-لو فعلا هو اللي اتسبب في الكد*مات البش*عة يبقي لازم تبل*غي عنه ومتسكتيش عن حقك ...
بس انا فعلا سكتت ...سكتت لأني اتعودت اسكت لاني شوفت امي بتض*رب وتسكت ..ولأن عيلتي كلها اتخلت عني ...هما شايفين اني عالة عليهم وما صدق اني اتجوزت فأكيد ارتاحوا مني ومش عايزيني ارجع ...عرفت وقتها أن القول اسهل من الفعل ...سهل حد يقولي اطلقي ...سيبيه ...اشتغلي بس محدش فكر أن اختارت اسكت عشان معنديش حل تاني ...لو بل*غت هتر*مي في الشارع ..حتي أهلي هيرفضوا يستقبلوني عشان كده وكلت ربنا هو اللي يجيبلي حقي منه ....
.....
في الطريق كنت قاعدة جمب عمر في العربية وانا هادية تماما ...رغم اني قررت استحمل بس كلام الدكتورة عن اني ابل*غ عن عمر كان مش راضي يسيبني....
.......
بعد اسبوع ...
روحت عشان احضر خطوبة اختي اللي اصغر مني ..كانت خطوبة بسيطة وكان يوسف ابن عمي حاضر أول ما شافني ابتسم وسلم عليا وقال:
- دنيا وحشتيني والله ...
اتوترت وانا بشوف نظرات عمر الح*ادة ...هزيت راسي وروحت اسلم علي اختي وده خلي يوسف يستغرب ...
طول الخطوبة وانا متوترة من نظرات عمر ويظهر أن يوسف فهم عشان كده محاولش يكلمني تاني ...كنت زعلانة اني بخسر الناس اللي بحبهم عشانه ...كنت بخسر عيلتي بسبب خو*في منه ....
......
خلصت الخطوبة وروحت البيت اول ما دخلنا زقني عمر وقال بعنف:
-يوسف هو أبو اللي في بطنك صح ؟!!
اتصدمت وانا ببصله وقولت:
-انت اتجننت ده اخويا!!!
ضر*بني بالقلم وقال:
-هو ابو طفلك يا فا*جرة ...بتخو*نيني أنا !!!
ولسه هيهج*م جريت علي البلكونة وانا ببكي وبقول :
-والله هص*رخ والم عليك الناس ...اعقل يا عمر ...
عيونه احمرت من الغضب وقال:
- كنتي بتخو*نيني مع يوسف ...بس انا النهاردة هقت*لك انتي وابنك ...
وجري عليا عشان يزقني بس في آخر لحظة بعدت واللي حصل أنه فقد توازنه ووقع من البلكونة لأن الحاجز كان واطي جدا ...
صرخت وانا بحط أيدي علي وشي عشان مشوفش اللي حصل ... فجأة صراخه هدي فبصيت عليه من البلكونة ولقيته علي الأرض مفتح عينيه والد*م بينزل جامد من راسه
-عمر!!!
يتبع
#قسوة_العشق
#سولييه_نصار
